KOLOSE 3:4 - PERJANJIAN BARU NALCA YUBA

⁴ Dara, nunja embengaʾ ulumabaʾ Kristus ara, eimik laga nenebdalya dara, ugumbabya alablaboka alja senenggomaʾ unaʾ ak sam neikaʾ laga nenewanesil.

KOLOSE 3:4 Σταυροειδείς Αναφορές

MATIUS 13:43

Dara, alda Imik Neyung ak pelemak nim era, al sikjaʾ neyung bedya wenelemnesil heikek sam henga dingib lomnaʾ anaso ak ulumnemak. Anasa wera, heknya o yakaʾ ara pe keblul!” hyok.

LUKAS 17:30

Nimi dibaʾ me yanamla sum era, neik so unuwanamla.

YOHANES 11:25

Dara Yesus adya, ”Nara nim embengaʾ bukullilisinya uboka, nim embengaʾ nenelesinya ulumnaʾ anasa, heknedya nak dib senewoka dolonelnya bera, seleb somogamlyaʾ anaba embengaʾ bukiyiwanamna.

YOHANES 14:3

Dara, nara biniboka ugunsamba e seleb sobgogoweisinya dara, na ulumnaʾ ak sam ugumba ulululumaʾ aboka, nara saaboka el yeisinyekanya, na ulumnaʾ ak bo binisin.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 17:24

”Neyung o, anja nak elegenulum nang edya, soko anam uyiwanggom danyek, men orowek anja nak wanaʾ ulunulumaʾ anasa, wera si imik nenenaʾ elegenulumaʾ anyek, sikda na ulumnyaʾ ak ulumeijekanya, nak si imik nenenaʾ anyek, sikba eibnokaʾ aboka mololamna.

YOHANES 20:31

Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.

RASUL 3:15

Alda nim embengaʾ unaʾ dubnya bek, ugunja dara, seleb oblum bok, Imik Neyung adya seleb somoknaʾ ak ab suboka bukiyimok. Unumoknya nera, nunja henga yokaʾ adya okoka kaboka eiyimoub nang nunda an.

ROMA 8:18

Anasa nadya hyak okoka ella ulumnaʾ ara, ban wene salek enyek ganya okna dablesilnya nera, eimik nuk si imik nenesinaʾ anyek laga anyeb dara, neikik sunuwamenggomaʾ ak ulumla.

ROMA 8:19

Wera anasa, embengaʾ ulumakaʾ nidyaʾ ara, Imik Neyung mabo laga nenewanamla sum amba hyak ganya weboka diri ulumak.

1 KORINTUS 1:7

Anasa, nunja Wenelesilnya Yesus Kristus yanamla senewoka diri ululum salek era, ugunda yokaʾ-yokaʾ ganya eleknaʾ ak dara, garan unggululum.

1 KORINTUS 15:43

Somogek nim enyek, soko loksik nong era, hmeng uboka malya nong ek ulumek, bok sikenek onsok embengaʾ suboka bukiyiwanasil danyek ongiyiwanasil nong era, migibaʾ perob nongaʾ anyek ulumnamak.

2 KORINTUS 4:17

An wen mekaʾ igin ulusilaʾ anadya, nera wene salek seʾ ok ulusil bok anasa, eimik era hyak senenggom sobaʾ ulmoublemnamla imik nenesinaʾ danesil. Wen an ol neblesilnya nera or mek bok, eimik eleganesilaʾ ara, hyak senenggomaʾ perobaʾ ak eleganesil.

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

PILIPI 3:21

Nunjaʾ hmeng uboka songa leboka blolomla nong era, Kristus adya yoka nenewoka aljaʾ perob nong eneso nenewanasil. Ban alja unuwanasilnya nera, alda yokaʾ-yokaʾ ara unun danasa, migib adya unuwanesil.

1 TESALONIKA 4:17

Ana berem ara, nu anam embengaʾ ulumab nim era debaʾ hnoum sikenek bob mamagiyiweisilya dara, Wenelesilnya bera imik sam eb hwibdanamab. Dara, Wenelesilnya ablaboka sob-sobaʾ ulmoublomnamab.

1 TIMOTIUS 6:14

Wene salek ebaʾ moruwoka, Wenelesilnya Yesus Kristus laga danamla sum era, ban oruknaʾ yuba nidyaʾ ara, mek sirik anaba meknenaʾ loboka, nidyaʾ pe bekoka unubgiga balalomaʾ aboka, orugenggen.

2 TIMOTIUS 1:1

Nara Paulus bedya, nadya wanaʾ nong ulunggen me, najabo Timotius anak ban momnya donaʾ era weboka beibgen. Nara Imik Neyung adya seiniwoka donyokaʾ adya, Yesus Kristus bedya yuba lenaʾ gaknya uboka, Yesus Kristus lomok nim embengaʾ ulumnamak amok yuba lero yabalamna.

2 TIMOTIUS 4:8

Ban nenesemba leboka, pe ulumokaʾ amba huk goulunaʾ era seleb diri ulunel. Sidyaʾ daknamla sum era, pe jongaʾ anyek yana lelesinnya Wenelesilnya bedya ban deknaʾ era, nara Imik Neyung ab perobaʾ dangoka ulumnaʾ anasa, nak doboka eleganenel. Nera or nanokok gom, alda nimi nidyaʾ Wenelesilnya be yanamla senewoka ganya neboma diri ulumak nim eneba, ban neik deknaʾ en dobnemak.

TITUS 2:13

Nunda wenera, nunja perob anasa berra yaso senelemab sum era, nunjaʾ senenggom Imik Neyung uboka nunja bleblesilnya Yesus Kristus laga danamla sum enyek, nauba omom nong ubnamlaʾ anasa, diri ulumab salek enyek, anaso ulumnelum aboka neklesil.

IBRANI 9:28

Anasonya neikek Kristus ara nimi nauba sikja malya unaʾ doboka bobogousululaʾ aboka lika hnonok elekdangoka somogok. Wera sumen penenya yanalanya nera, malya unaʾ amba meewoununaʾ aboka yanggunumla, alda nim alak yanamlaʾ amba diri ulumak nim enyek dib blebsinaʾ bo yanamla.

1 PETRUS 1:13

Ban nenesa leboka, ugunja ganya seininaʾ pe meewoka ublulum. Yesus Kristus yanamla sum enyek eleganesilaʾ anyek dib dobnemab senewoka, ugunja ganya welelulumaʾ ara, pe keeboka unulululum.

1 PETRUS 5:4

Anya senenggomaʾ imiknya nimi bo ulusilnya yanamla sum era, ugunuk ara senedyaʾ mekaʾ habnenggunumla bonaʾ enyek, senedyaʾ yakaʾ anyek eleganesil.

1 YOHANES 2:28

Najabo yab o! Anasa wera, ugunda Kristus ab neikaʾ sobaʾ kwebdangoka ulululum. Anadya wera, asaʾ ganya boboka al yalyaʾ ak binobaʾ aboka, alya anasa lomok doknoweibyek aboka pe keeboka ulululum.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.

1 YOHANES 5:12

Heknedya alja me nek dib dolomla dara, alda embengaʾ unaʾ yakaʾ ak ulumla, bok Imik Neyung me donaʾ oroknya bera, alda embeng unaʾ orokaʾ ak ulumla.

YUDAS 1:24

Imik Neyung ara, ugunuk malyinggijek aboka migibaʾ pe bo ulusilnya bek, anya ugun nonga doboka Imik Neyung al omomaʾ perobaʾ saramek sam si gegena ponaʾ orokaʾ anyek, ei-ei ganya gekman, migib imik nenewanasil.

WAHYU 2:7

”Heknyek o yakaʾ ara, Imik Neyung Geisinya adya yuba donaʾ nim ek lelemlaʾ ara pe keblul! Heknedya malya unaʾ ak ab oblamaganalanya bera, Imik Neyung perob heik sam nim embeng unaʾ gal doka delemnamla henemna,” aro momnya dobnelam, hyok.

WAHYU 22:1

Wera onoʾ lero enedya nak nim embengaʾ eleklesil mek era, Imik Neyung ab, domba me ab, sikja bunaʾ ekla ek ab, goboka, eleb-alab arobaʾ ak yabalamok mek enyek, nak aawanyok.

WAHYU 22:14

”Nimi nidyaʾ sikjaʾ ongon aklenga mek elekdob nim era, pe ulumak. Anasa, sikda embengaʾ un gal doka denaʾ hnon dobnemaakanya, perob pik uboka heik enyek an weknemak.