KOLOSE 3:11 - PERJANJIAN BARU NALCA YUBA

¹¹ Ban nenyek dara, Yunani Yahudi nang gom, bolaʾ garaweknya oroknya gom, yu hwam nang Skit nang gom, wa wenya oruknanya gom, ban wenyaboka si singgulumak bok, Kristus ara ban nidyaʾ amba damok ulusilekanya, alda sik nidyaʾ lomok ulusil.

KOLOSE 3:11 Σταυροειδείς Αναφορές

YOHANES 14:23

Yesus adya dara, ”Ben hnon nak wanaʾ ulunelya dara, alda nadya neklesin yuba sunuwoka ulumnamla. Dara, nadyaʾ neyung bedya alak wanaʾ ulumnamlakanya, Neyung beb, nab alak yeinima dara, alab neikaʾ ulumnamab.

YOHANES 15:5

Nara gal nong ulumna. Ugunda, gal soruk ululum. Heknedya nak ulumnenelekanya, nara alak ulumnamna dara, alda doka nauba moulumnamla. Bok, na orok dara, ugunda yokaʾ-yokaʾ pe unuwanggunusom.

YOHANES 17:23

Dara, nara sik lomok uboka, onoʾ anda na lomok uboka, sikda hyak ganya hnonok ulunokaʾ aboka mololamna. Anadya wera, soko nim edya, Yesus ara aldib Imik Neyung adya sokok sam bokol yeilimok senewoka, hnonda Neyung anja nak wanaʾ ulunelem sok, onoʾ sikenek wanaʾ ulusil senewoka ella danokaʾ aboka mololamna,” hyok.

RASUL 15:17

Wera anadya bokoka mek ublanya nera, yok sokok nimi nidyaʾ ara, nadya mab aboka si silimak Yahudi gom nimi nidyaʾ anyek, Wenelesilnya bek eboka dobnok aboka unuwanamna.

RASUL 28:2

Malta sokok an ulumek nim era, nuk hyak perob senewoka pe arawoka ulusik. Wera moka nauba bliboka onoʾ saragenaʾ ul yabasuk anasa, anyagan heik yokaʾ nim edya uka lolowoka ul yabasik.

RASUL 28:4

Wera sik ulumek nim era, Paulus bedya soruk ak sam bagaʾ hnon doldol yabok ak eiyimek dara, sik moumen lebdangdobekja, ”Ban benera alda mek ekla bunaʾ ak ab si denaʾ orok ubokaʾ lobok ab dara, nunja yana lelesinaʾ bisaʾ dubnya bedya alda or ululul aboka yeboka lobnenggubla anasa, alda aldib nim olesilnya be nong ara alan,” aboka lelemek.

ROMA 1:14

Dara, Yunani nim gom, Yunani gom nim gom, sekolah dorob nang gom, dobnenggom nang gom, sikinek bol lonaʾ dangalanel bok ulumna.

ROMA 10:12

Wera dara, Yahudi nim ab, Yunani nim eb dara, yok-yok gebeldan damok era hnon unggulumla. Anasa ban hnonok Imik Neyung enedyok nidyaʾ nim amba wenesinya ulumlakanya, alak bii alamak nim nidyaʾ ak perobaʾ nenelesil.

ROMA 3:22

An laga gebokaʾ ara, Yesus Kristus ak nimi nidyaʾ dib senelemak nim emba, Imik Neyung adya peldisinaʾ ara, laga dok. Wera anasa, nera yok nang enyaʾ senen ganya era, hnon unggulumla.

ROMA 3:29

Goma, Imik Neyung ara hnon Yahudi nang emba Imik Neyung ok ulumla de? Alda yok mok nim amba Imik Neyung ulumla do? Wera al an, aldib. Alda yok mok nim amba hnon, sikja Imik Neyung ulumla!

1 KORINTUS 12:13

Anasonya neikik, numbabya Yahudi nimi yokaʾ gom, Yahudi gom nim gom, ek wa nang gom, seleb blebdangoka sikbeyok ganya doboka ulumak nimi gom, nunda nidyaʾ hnonok nong ak denewoka ulunokaʾ aboka, hnonok neik Geisinya bedya seleb mek dibaʾ dabsuk. Numbabya nidyaʾ ak neik Geisinya elegosuk.

1 KORINTUS 14:11

Bok, nimi ben hnon nak yuba sab onowananesobok, elgom ubnesinya dara, wera nera, mok soko nimi moumen ulusinim.

1 KORINTUS 7:19

Anasa wera, bolaʾ garalamakaʾ ab, bolaʾ garanggulumakaʾ ab dara, dib nong gomaʾ. Hyak perobaʾ dib nongaʾ ara, nim ara Imik Neyung yuba lelesilaʾ ak keboka unulumakaʾ ak dib nong ulumla.

GALATIA 2:20

Dara, nadyaʾ youmaʾ ulusenya nek dara, anam embengaʾ unggulumna bok, Kristus anyek nadyaʾ nong lomok wen ulunel. Wera nadya wen embengaʾ ulumna nong enera, Imik Neyung bedya me nek dib senenaʾ adya embengaʾ ulumna. Alda nak wanaʾ uboka, al nonga nasamba somoganyoknya bek dib senewoka embengaʾ ulumna.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

EPESUS 1:23

Yok-yok mok soko nidyaʾ yokaʾ-yokaʾ ulumlaʾ ak deknewoka ululanya Yesus Kristus alja nong dibaʾ ara, yuba don nimi hiboka ulumaakanya, sikba alja deknelesil nang ulumak.

EPESUS 2:14

Kristus ara alda ganya mourusinaʾanya ulumla. Wera alja Yahudi nang eb Yahudi gom nang eb, hnonok heik sokok nang nenewosuknya bek ulumla. Yahudi nang eb Yahudi gom nang eb isaʾ nenebdangoka wiknewoka bokoldalamek legaʾ era, Kristus gal dubuk somogokaʾ adya seleb joboka soldob menegoka hiyiwousuk.

EPESUS 2:15

Yahudi nim edyaʾ unuwanalum an yub eb alja anaso unulumnulum yuba nidyaʾ ara, Kristus alja nong elegokaʾ adya lubok. Dara, alda Yahudi nim eb Yahudi gom nim eb danyek, al lomok hnonok wenyok nimi nonga neniyiwoka ganya namenaʾ gebsuk.

EPESUS 3:6

Ban men doknomokaʾ ara, Imik Neyung adyaʾ perob lero yanggan yuba pik uboka, Imik Neyung adyaʾ misaʾ era, perob eleknaʾ youmaʾ dara, Yahudi nim emba ok beillilemok bok, wenyek dara, nimi Yahudi gom nim emba hnon beillilesil. Wera nimi Yahudi gom nim eneba, Imik Neyung adya neik mabo silibaʾ nenewoka, Imik Neyung adya Yesus Kristus pik uboka, eleganesin amokaʾ perobaʾ era, neikaʾ dobnemak aboka wen leb elegousuk.

EPESUS 6:8

Yok nang edya wa oruknaʾ nang gom, sikbeyok ulumak nang gom, sikja nidyaʾ pe weboka ulumeijaʾ amba dara, Imik Neyung adya sunuwoka deknesilaʾ anyek beklelulum.

KOLOSE 2:10

Anya ugunda al lomok ululumaʾ adya hyak munaʾ gobdo pebdaksuk. Hnonda, wenewoka bo usinaʾ, senenggom dub unaʾ nidyaʾ amba dara, alak danyek, huka, dubnya, ulumla.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

2 YOHANES 1:9

Kristus adya neklesuk yub ek pe salalmoubnaʾ loboka, Kristus adya yub ak pik aklel hwilimak nim era, sikda Imik Neyung orokaʾ ak ulumak. Alda Kristus adya neklesuk yuba lomok pe ululanya bera, neyung Imik Neyung anaba, alja me neneba yakaʾ ak ulumla.