KOLOSE 2:8 - PERJANJIAN BARU NALCA YUBA

⁸ Dara youmaʾ uru balamek yub eb, sokok an nimi sirikaʾ ganya ak ab yub ara, Kristus adya senenggululanya bok, or orok salyaʾ hwam yub adya, ugunja ganya ek henga goubsijek anasa, pe keeboka ulumnelum.

KOLOSE 2:8 Σταυροειδείς Αναφορές

MATIUS 10:17

Ugunda henga geregoka dub nang e pik bo biniboka yana lelewoka, onoʾ hnonda Yahudi nim edya yuba don e pik ab nauba lobaʾ nenewoka oboka ulumnesak anasa, ugunda pe keeboka ulumnelum.

MATIUS 16:6

Yesus adya sikenek, ”Ugunda Parisi nim eb, Saduki nim eb dadya, roti welenaʾ ak anyek, hyak pe keeboka ulululum,” hyok.

MATIUS 7:15

”Sene sondaʾ anasa nunda ununumnaʾ lelemab nang aboka leldalamak nang ek ugunda keeboka ulululum. Sik nong ak dara, yu bei gam anasoʾ ak ulumakjok, ugunuk an domba hogunga beiyi yalamak.

RASUL 17:18

Dara onoʾ neikik wenyek, Epikuros bedya men seinimok ganya seininaʾ enyek seiniwoka ulumek nanga hnon, onoʾ Stoa bedya men seinimoknya nek seiniro ulumek nanga hnon, alablaboka neikik ganya amomaʾ ub einimek. Dara, sik gangganek ab hnon nang edya lelemekja, ”Benera ella danganaʾ ara mek bok, yuba sanaʾ anyek nauba lelemla anasa, hekaʾ anasonya ella dangoka lelemla do?” hyek. Bok onoʾ yok nang edya dara, lelemekja, ”Alda yok soko nang edya molowoka giblemak bisaʾ yub ek lero yabalamla,” alamek. Ban wenyameknya nera damok ara, Paulus bedya Yesus amba geklewoka Imik Neyung yuba lelemookanya, onoʾ somogamna seleb dara, embengaʾ suboka bulumak yuba lelemok anasa, wenyaro balamek.

RASUL 17:32

Atena nim edya Paulus bedya nimi somogoka embengaʾ subnaʾ yuba lelemok enyek, nimi hnon adya sondaʾ anasa lelemla aboka Paulus bek oksellilimek. Anya onoʾ hnon lelemekja, ”Nunda hnon kebnemab anasa, onnya nenyek hnon yok sum saawoka lebsilom,” aboka lelemek.

ROMA 16:17

Bok hem yab o, nara ugunuk wenewanesin, anedya ugun men neksikaʾ doblum yub an, onoʾ yoksonya, nimi ganya bokdanok aboka, ganya sunuwoka doulub meneganasonya nenyek, sik ban unuwanasiseng nang ek pe keebdaboka ulululum. Wera anasa, sikenek pika leiboka ulululum!

1 KORINTUS 10:12

Anasa, pe sekemna senelelam nim era, malyinggimenek aboka, pe keeboka seklom.

1 KORINTUS 8:9

Bok, ugunda hyak pe keebmoublulum! An adya nidyaʾ yokaʾ-yokaʾ ara, ella uboka unululamaʾ adya, yub dib doboka ganya kanaʾ orok nim enyek, oluk diknaʾ girik anaso neniyiwamenek anasa, keeboka ululom.

2 KORINTUS 10:5

Imik Neyung ak ella danganaʾ anyek, malya nenewanobaʾ aboka imik neneldalalanya nidyaʾ golol meneklemab. Nunda yok-yok seininaʾ lanalamlaʾ nidyaʾ ara, Kristus senelamlaʾ ak bo beil balamab.

GALATIA 1:14

Nadyaʾ hemyabo neikibok nemouba nang era, mek so bok, nak dara, Yahudi yub ek sam ara nauba yeiriwoka doboka onoʾ unulamsa, anya nadya neyung yabo youmaʾ nang edya unulumekaʾ ara, nara hyak yeng ganya boboka unulamsa.

GALATIA 4:3

Anasonya neikek numbabya, nunda anam neboka ganya kanaʾ orok salek era, sokok an ulumla ganya gong edya gouluwoka bo ulusuk.

GALATIA 4:9

Bok wenyek dara, ugunda Imik Neyung ak seleb ella ululumukanya, dib nongaʾ ara, Imik Neyung adya ugunuk seleb ella ulusil bok anasa, dolbalek sonya uboka hmeng ganya dangoka, dil beillilumaʾ ara hekamba do? Hekasa ban dolbaleknya nek saawoka oruknaʾ nang danob senelelum do?

GALATIA 5:15

Bok ugunda si glekoka obdangoka, malya neneldalamun dara, ugun moumen soldowoka dengabdomunuk aboka, pe keeboka ulululum.

EPESUS 2:2

Ugunda youmaʾ era, ban malya unaʾ pik balalum. Ugunda sokok an unulumak ununaʾ ok unura ululumaʾ hnon, anya ugunda im hnoumunga salawoka bo ulumla bisaʾ dubnya bedya yub enyek, dib senewoka ganya kweboka ululumaʾ hnon. Al bisaʾ dubnya bera, Imik Neyung ak dib bleklemak nang edyaʾ ganya lomok wekoka malya nenelesilnya bera an.

EPESUS 4:20

Bok, Kristus ak dolum ara, hyak anaso ununaʾ ella dangoka dobnenggulum.

EPESUS 5:6

Ban damok danasa, nauba bleklemak nim ek Imik Neyung adya yu ganya boboka igina eleklesilaʾ anasa, ugunuk yok nim edya salyaʾ yuba saboka gliboka bo bisijek.

PILIPI 3:2

Nimi hnon malya unulumak nim enyek, sikja si nera bei gama silibaʾ alasak nim unaʾ enyek pe keebdaboka ulululum. Ban nim enedya dara, nimi nauba ara or bolaʾ garalesinok senelesak.

KOLOSE 2:18

Dara, ugunja oblamaknaʾ ara, or-or uboka sene ganya sokok nenebdangoka, lero nang ek giboka, goloknaʾ dib eillilimakaʾ anyek sunuwoka, sikja sokok unuro yaban ganya enyek, beknaʾ orok bok nauba nonggo abdangoka ulumak nang edya, ugunja oblamaknaʾ ara orok neneweisijik, mem.

KOLOSE 2:20

Ugunda Kristus ab seleb neikaʾ somogoulum adya, wera sokok an nimi sirikaʾ ganya ek ab seleb blebdolum dara, hekasa ugunda sokok an anam ulumnaʾ anaso anyek, yokaʾ-yokaʾ memewoka unulumaknya nek an keboka unululum do?

KOLOSE 2:22

Ban nidyaʾ ara, boboka ulumak adya, anera denghenelanya nek ulumla. An nidyaʾ ara, or oruknaʾ yub ab, nim adya ok neklesaknya nek lelemak.

KOLOSE 2:23

Ban unulumaknya nera, sikja giblemaknya hnon, ganya sokok neneldalamaknya hnon, nong oldalamaknya nera, geremseng senen bok, sokok an unulusinya ganya hmenga nenenggulumla.

1 TIMOTIUS 6:20

Timotius o, nidyaʾ anak welelom aboka lenjok wa nera, hyak pe keeboka diri ululom. Anak dara, nimi yok-yok yuba salamakaʾ anyek, perob gomnya nek hnon, malya uboka doluwoka gangganaʾ gok menegoka, si ara el danganaʾ alamak ak ab ganya walabdangoka ululom.

2 TIMOTIUS 3:13

Bok, malya unaʾ hwam nimi hnon, sondaʾ hwam ok wekdeknewoka ulumak nim era, nauba malya danggiga balamnamla. Sikja dara, yok nim ek sondaʾ lelemak bok, onoʾ sikbabya dirigoka sondaʾ lelemnesak.

IBRANI 13:9

Wera ugunda yok beiyik sam ab neknaʾ edya ganya bob neneweisilyek mem. Dara perobnya nera ban, ugunja ganya era wanaʾ uboka eleksinaʾ edya migibaʾ geblesilaʾ anyek hnonok. Alda ban yok-yok denaʾ edya sik ban denaʾ enesa lelemlaʾ sunuwoka gigiwoka delemak nim ek perobaʾ nenenggulusilaʾ anegom.

IBRANI 3:12

Nadyaʾ hemyabo nim o, ugun gangganek ara nimi ben hnon yuba dib senenaʾ loboka malya ubdibigamlyaʾ sok moruwoka, Imik Neyung embengaʾ ululanya bek ab, saawoka loblyek anasa, ugunda pe keeboka diri uldalalulum.

1 PETRUS 1:18

Ugunjaʾ neyung yabo youmaʾ ulumek nang edya salyaʾ lelem ulumekaʾ ara, ugunuk lobonggeisikaʾ anyek, loboka blebnesukaʾ amba dara, alja dara hekaʾ adya ugunsamba deksukaʾ ara, ugunda ella ululumaʾ anyaʾ. Alja deksukaʾ ara dangman meilika joboka dengalamlaʾ anasoʾ ak deknenggubsuk,

2 PETRUS 3:17

Nadya wanaʾ ulusin hemyabo nim o, ugunuk dara, wenyhenya nera seleb orowek ella dangalum. Anasa, nimi malya ulumak nim edya ugunuk gliboka bo bisijaʾ ak malya nim ulumakaʾ ak malya domunuk anasa, anya migibnya bek malya nenebdomunuk anasa, keeboka diri uldalalulum.

2 YOHANES 1:8

Wera nenesa, nunja ugunsamba memesubnya nenyek weininggomunuk aboka, pe diri bo ulululum. Imik Neyung ak ab perob deknaʾ ugunja welelumaʾ sunuwoka dobgogowanob senewoka yeiriwoka keebmoublulum e.