KOLOSE 2:2 - PERJANJIAN BARU NALCA YUBA

² Sikda nidyaʾ yok-yok pe ella ubnamaakanya dib mel-mel aboka dib senenaʾ dibaʾ dosulul aboka, anya onoʾ sikda Imik Neyung adya men laga danggumokaʾ, al Kristus nong anyek pe ella ubnemak aboka, sikda ganya lomok sangabdangoka, wanaʾ ubdangoka ulunok senelamna.

KOLOSE 2:2 Σταυροειδείς Αναφορές

MATIUS 11:25

Ban sum enyek, Yesus adya heng uboka molowanamokaʾ ara, ”Neyung o, anda im ab soko ab dara, anja uyilum! Ban unulumaʾ damok ara geremseng nim eb, yok-yok ella danganaʾ dolomak nim ek sam ara, anda doknowoka gunulumukanya, alda yokaʾ-yokaʾ ella danganaʾ orok nimi mek nang ek sam amalesilimaʾ anasa, nara anak perob aboka giblenggen.

MATIUS 11:27

Dara Yesus adya lebokaʾ ara, ”Yokaʾ-yokaʾ nidyaʾ ara neyung bedya nak elegoka lobongganyok. Nimi nidyaʾ ara me ak ara elgom ulumak bok, neyung bedya ok hnonok ella ulumla. Nimi nidyaʾ anaba, neyung anak ara elgom ulunjak bok, me adya ok ella ulunggel, anya me adya nadya neyung bera ban aboka amalesin nim edya hnon anak ara ella ulunjak.”

MATIUS 13:11

Anasa Yesus adya sikenek ara, ”Ugunuk dara, Imik Neyung adya wenelemnesilaʾ damok ara, gunuwoka elegosukaʾ adya ella ululum bok, sikenek dara, eleganggom anasa lelemna.

LUKAS 1:1

Teofilus, perob senenggomnya o! Nimi nauba adya nu gangganek an yokaʾ-yokaʾ nidyaʾ unulumokaʾ ara, pe yana lelewoka bolowoka momnya dobnob senewoka dulumak.

YOHANES 10:30

Nab Neyung beb dara, hnonok ok ulunam,” hyok.

YOHANES 10:38

Bok nadya dara, unuwoka welenabok, ugunja danyek nak dib senenaʾ orok bok, nadya welemna wa nenyek keeboka dib senewolulum. Anadya wera, Neyung bera nadya nong lomok ulunelekanya, nara alja nong lomok ulumnaʾ ara, ugunda ella danalum bar,” hyok.

YOHANES 16:15

Yokaʾ-yokaʾ nidyaʾ Imik Neyung aljinya ulumlaʾ ara, narinya nek ulumla. Ban anasa, Geisinya bedya nak ab doboka, ugunuk neklemnesilaʾ ak wenyasin,” hyok.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

YOHANES 5:17

Bok Yesus adya Yahudi nang ek, ”Nadya neyung bedya weneba or wa weldibilloklamlaʾ anasa, wera nababya welemna,” hyok.

YOHANES 5:23

Neyung bedya ban unumoknya nera, nim adya neyung bek giblemak sok, onoʾ alja me nek giblenokaʾ aboka umok. Wera anasa, heknedya alja me nek gibnenggulumla dara, wera al bokol yeilimoknya bek gibnenggulumla.

YOHANES 6:69

Anak danyek, Imik Neyung adya geisaʾ ak bokol yeilinjoknya ululamaʾ ara, nunda dib senewoka ella ulunjab,” hyok.

RASUL 4:32

Nimi nidyaʾ men Imik Neyung ak dib senemek nim era, ganya hnonok hiboka, neik nong unaʾ ok ulumek. Nimi ben hnon bonaʾ yokaʾ-yokaʾ nidyaʾ bobna dara, nabeyok gelelenga borunun ganya bonggulumek. Yokaʾ-yokaʾ nidyaʾ, sikenek ulumokaʾ ara neikaʾ bokoka pe bolomek.

ROMA 15:13

Wera Imik Neyung al ganya wenaʾ damoknya bera, ugunuk nidyaʾ eiya bon ganya eb, pe namenaʾ un ganya eb, ugunja ganya dib senenaʾ pik uboka nidyaʾ gigiwoka unulusulul. Anedya ugunda Geisinya migib pik uboka, ganya wenaʾ ara hyak nauba danggiga balamnelum.

ROMA 16:25

Ugunuk migibaʾ gebsuukanya, perob lero yanggan yub nadya senenggomaʾ lero yabalamnaʾ ab, hyak gibnaʾ gong gelek loboka, gunuwoknya nenyek sunuwoka, wera Yesus Kristus yub an lero yabalamnaʾ ban nidyaʾ ara, or alsamba ok.

ROMA 2:4

Anasa anda aljaʾ heknaʾ ganya ab, aljaʾ or malye senewoka diri usin ganya ab, aljaʾ sangarob ganya ab danera, wera dolbalek so senelelam de? Dara ban Imik Neyung adyaʾ heknaʾ ganya anera, anak ganya dangawoka yuba donaʾ ak bo balenggelaʾ ara, anda elgom ululam de?

1 KORINTUS 14:31

Wera ban unuwanalumaʾ adya, nimi nidyaʾ elaʾ gigiro hnonok-hnonok ok, Imik Neyung yuba leboka, nimi nidyaʾ ella dangoka, ganya gwelelek anaʾ dobnelum.

1 KORINTUS 2:12

Wera nuk ara, soko enyek anyeb ganya ek eleganggusuk bok, alda Imik Neyung adya, alja Geisa ganya ek elegousuk. Anadya wera, Imik Neyung adya nidyaʾ yokaʾ-yokaʾ nuk elegousuknya nera, ella danokaʾ aboka Geisinya elegosuk.

GALATIA 3:28

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

EPESUS 1:7

Kristus alja enenga yinggyukaʾ adya, nu nong ara Imik Neyung adya seleb dekoka lob lobsuk. Dara anadya, Imik Neyung ara nunja meknenaʾ dara, seleb meewousuk. Aljaʾ senenggom wanaʾ uboka eleksinaʾ sunuwoka,

EPESUS 3:16

Ugunda Kristus ak dib senelelumaʾ adya, Kristus enyek ugunjaʾ ganya lomok ulusululaʾ aboka, Imik Neyung ara senenggomaʾ ulumlaʾ anyek sunuwoka, alja Geisinya bedya, ugunja ganya lomok migibaʾ nenewosulul senen ganya boboka mololesin. Ugunja nong unaʾ era wanaʾ unaʾ adya ok oulyanga lokoka goluwoka bo uboka,

EPESUS 3:3

Imik Neyung adyaʾ unuwanamna senewoka men doknomokaʾ ara, nak an seleb laga nenewoka eleganyok. Damok era, men eini sam mekaʾ momnya doboka beiyisinaʾ ara ella ublum.

EPESUS 6:22

Anasa, nadya unulamnaʾ ara neksululaʾ aboka hnon, ugunja ganya daklinggoka pewosululaʾ aboka hnon, Tikhikus bera ugunuk an bilom aboka orugamna.

PILIPI 2:1

Ugunda Kristus ab neikaʾ kwebdangoka ululumaʾ adya, migibaʾ eleklesil de? Kristus adya ugunuk wanaʾ ulusilaʾ adya ganya hekel eleklesil de? Ugunda Imik Neyung Geisinya ablaboka ganya kwebdangoka ulumabaʾ ella ululum de? Angoo yadyek ganya ugunuk ara nauba ulusil de?

PILIPI 3:8

Dara ban nenyek ok gom, alda nadya nak malya dananel senelenanya neneba wera seleb unulunel. Wenyek danyek, nara hyak perobaʾ ak dobsa ara, Yesus Kristus, nadya Wenelenelnya bek hnonok dobsa. Nara Kristus amba leboka yokaʾ-yokaʾ nidyaʾ ara dolbalek senewoka seleb gobdo gwirib lobsa. Nara Kristus anyek dib dobnunaʾ aboka, yokaʾ-yokaʾ nidyaʾ ara sembejaʾ nenemsa ok.

KOLOSE 1:26

Nara yuba lenya dasa ara, ban youmaʾ gibnaʾ gong ek ab ara mouruwoka, me mengewoka nang en lika nang en lika ubgiga yek ab mouruwoka gunuwoka doknomokaʾ anyek, lebnun aboka dangamsa. Bok wenera Imik Neyung adya alja munaʾ Imik Neyung mab ek ban doknomok ara, laga amalesil.

KOLOSE 1:27

Dara, Imik Neyung ara, yok-yok mok soko nimi nidyaʾ ak, alja mab ak ban gunuwoka doknomokaʾ ara, har so dub uboka, senenggomaʾ ulumlaʾ anyek amalesil. Dara, gunuwoka doknonaʾ ara ban: Kristus ara ugun lomok ulusil. Ban Kristus ugun lomok ulusil ara, perobaʾ senenggomaʾ ak ganya wenaʾ dibaʾ ara an.

KOLOSE 1:9

Anasa, an unu ulumak an yub kebub salek eb moruwoka, nunda ugunsamba sobaʾ heng uboka mololdibilloklesab. Ugunda Imik Neyung adya senelamla ganya anyek pe munaʾ gobdo ella ublulumaʾ aboka, yok-yok Imik Neyung ak ab geremseng un ganya ab, yuba domna adya ella un ganya ab, boblulum aboka nunda mololosab.

KOLOSE 2:19

Dara, sikda hukuk ara, pe salalmoubnenggulumak. Bok hukuk ab ara, nonga nidyaʾ hiboka, mel-mel ab nolong gwerenaʾ ab dadya, neikaʾ pero welemakaʾ adya, Imik Neyung bedya ak nelemla.

KOLOSE 3:14

Anya ban nidyaʾ amba dib nongnya nera, wanaʾ uldanaʾ anyek, neikaʾ hiboka munaʾ pe goublesilaʾ anyek, ganya enyek sobaʾ bololulum.

KOLOSE 4:3

Imik Neyung ara nunja wenyaro yabalamabaʾ amba pika baklul aboka, nunsamba heng uboka mololosululum. Nunda ban Kristus an doknomokaʾ anyek, anesemba leboka na henga goubnyekaʾ anyek, wenyaro yabalemnemab anasa, mololosululum.

KOLOSE 4:8

Alda nadya ugunuk bilom aboka orugamnaʾ ara, ugunda nuk unulusakaʾ anyek ella ubnelumukanya, onoʾ alja ugunuk ganya hek elegousulul aboka orugamna.

1 TESALONIKA 1:5

Nunda ugunuk perob lero yanggan yuba lelemoubaʾ ara, sibamaʾ adya ok lenggulumouba. Alda migib adya, Geisinya adya, ban yub enera hyak dib nong senewoka leb elegesuba. Ugunuk pewosululaʾ aboka, nunda ugun gangganek ara, hekaʾ huboka ulumoubaʾ ara, ugunda pe ella ululum.

1 TESALONIKA 3:2

nunja hem be Timotius bera ugunuk boksunum. Alda Imik Neyung amba wa nub neikaʾ Kristus amba perob lero yanggan yuba neikaʾ welemabnya bek ulumla. Nunda Timotius benyek ugunuk bilom aboka boknamaʾ ara, alja ugunuk pe unuwanalum aboka wenewoka bo uboka, Kristus anyek dib ganya ologoka ulululumaʾ aboka, al adya ganya migibaʾ geblemnesil aboka bokonam.

1 TESALONIKA 5:14

Na kabo nim o, hnon ara ugunuk dukaʾ lolom-lolom alasab, Salyaʾ ulumak nim ek yuba seklulum, lok ganya bolomak nim ek ganya gwelelek aboka leblulum, hmeng ulumak nim ek arawolulum, nimi nidyaʾ ak, yongon ganya boboka berra ununggom.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

IBRANI 10:22

Ban nenesa leboka, nunda hyak perob un ganya boboka, ganya dib senenaʾ migibaʾ uboka, malya ubna senen ganya era seleb geisa nenewoka, perob mek dibaʾ adya nonga mek elegoka, Imik Neyung ak ok berem sobaʾ al dam balanob.

IBRANI 6:11

Ugunja ganya adya nebom aboka dobsibya senewoka diri ululumaʾ ara, eimik pe dobnelumaʾ anasa, nunja dara, ugun moumen anyek pe yeiriwoka welemunaʾ ara sidyaʾ daklul senen ganya bolosab.

2 PETRUS 1:10

Anasa wera, nadya hemyab o, Imik Neyung adya ugunuk weboka youbusukaʾ ara, duboka pe ulumunaʾ adya, dib ulusil aboka amalelulum. Ugunda ban unaʾ enyek pe unulumun dara, yuba dololumaʾ ara, eimik era goowoka denghenggunumla.

2 PETRUS 1:3

Imik Neyung adya aljaʾ senenggom migib edya ongowoka, yokaʾ-yokaʾ nidyaʾ ara, yuba doboka pe ulunokaʾ aboka nuk seleb elegosuk. Imik Neyung adya ban unuwosuknya nera, aljaʾ senenggom migib eb perob unaʾ ab danyek, boboka ulunokaʾ aboka, youbusuknya bek ella dangamoubaʾ adya ubsuk.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.

1 YOHANES 3:19

Wera ban nenedya nuk dara, Imik Neyung alja mab ulumakaʾ ara ella uboka, onoʾ ban nenedya danyek Imik Neyung saramek ara, nunda pe ganya daboka ulumab.

1 YOHANES 5:7

Ban nong ak dara, damok winilya danadya nuk laga neklesak ara, Imik Neyung Geisinya hnon, mek adya hnon, eneng adya hnon, sik winilya dadya, neik yub enyek ok laga neklesak.