KOLOSE 1:18 - PERJANJIAN BARU NALCA YUBA

¹⁸ Alda nong ak dara, yuba donaʾ nimi hiboka amba, al Kristus ara, huka, dubnya, ulumla. Alda men yokaʾ nong, anya somoknaʾ ak ab men nonga subuknya ulumla. Anasa, yokaʾ-yokaʾ ab dara, alak danyek, hyak nonokdob.

KOLOSE 1:18 Σταυροειδείς Αναφορές

MATIUS 23:8

”Anasa ugunuk dara, ugunjaʾ neksinya bera hnonok ok ulusilekanya, ugunda nidyaʾ hiboka, hemyab ok ululumaʾ anasa, neksin nang aldanaʾ ara mem.

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

YOHANES 1:1

Hyak men youbuka, nidyaʾ uyiwanggom bok, yub ara seleb ulumok. Yub ara, Imik Neyung ablaboka ulureekanya, yub ara Imik Neyung ulumok.

YOHANES 1:16

Dara, alja deknewoka ulumlaʾ ak ab, nunda nidyaʾ domouba. Alja wanaʾ uboka eleksinaʾ elegel sounulusilekanya, sobaʾ dolmorulumab.

YOHANES 1:27

Alda eimik nak yanalanya bera, alda senenggomnya bek anasa, nara meksonya bedya dara, alja yan ongonaʾ henga loboka gwiriwanggunusinya,” hyok.

RASUL 26:23

Wenyaboka lelemeknya nera, Imik Neyung alda Kristus nimi blebsinaʾ dubnya sokok sam eleganesin amoknya bera, seleb gwekoka somogok dara, alda men youboka embengaʾ dangeinimoknya dangoka, wera dilinaʾ yuba laga nenewoka lelemok. Yahudi nimi yokaʾ ak hnon, Yahudi gom nim ek hnon, dilinaʾ yuba laga nenewoka lelemok,” hyok.

ROMA 8:29

Anera hyak men danyek, alja nidyaʾ webesuk nang era, al sikinek alja me nedya diligaʾ dobnok aboka, men danyek alja sunuwoka bokosuk. Anedya, alda alja me nera, aljaʾ hemyabo gong ek ab uboka, yandonya dok.

1 KORINTUS 11:3

Wera hnonok ella daseng senenanya donok pe ella danalumaʾ ara, nenya adya hukuk ara, Kristus hnonok dubnya ulumla, gel adya hukuk ara, nenya ulumla. Dara onoʾ, Kristus adya huk dubuk ara, Imik Neyung ok hnonok ulumla.

1 KORINTUS 12:27

Hemyab o, anasa ugunda Kristus nonga ululumukanya, onoʾ ugunda hnonok-hnonok Kristus adya nong yokaʾ ululum.

1 KORINTUS 15:25

Wene salek era, Kristus anyek dubnya dangoka wenelesilyaʾ ara, Imik Neyung adya isaʾ nimi nidyaʾ dob dakdowoka, Kristus ak wera anjinya aboka lebnamla.

EPESUS 1:10

Unu seinimokaʾ ara, yokaʾ-yokaʾ wen ulumlaʾ nidyaʾ sidyaʾ daknamla salek enyek, Imik Neyung adya dara, imik ulumlaʾ sokok ulumlaʾ, nidyaʾ hnonokaʾ ak nenewoka Kristus anyek dubnya ulumnamla aboka orowek seinimok.

EPESUS 5:23

Kristus ara yuba donaʾ nim edya sikjaʾ dubnya uboka, onoʾ sik yuba doboka alja nonga dangalamak nim emba blebsinaʾ dubnya ulusil sok, nenya ara alja gel emba dubnya ulumla.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

KOLOSE 2:19

Dara, sikda hukuk ara, pe salalmoubnenggulumak. Bok hukuk ab ara, nonga nidyaʾ hiboka, mel-mel ab nolong gwerenaʾ ab dadya, neikaʾ pero welemakaʾ adya, Imik Neyung bedya ak nelemla.

1 YOHANES 1:1

Ban yub enyek nidyaʾ ara, nim embengaʾ unaʾ eleklesil yuba men youmaʾ ek moruwoka ulumokaʾ anyek momnya dobab. Nunja o kemoubukanya, heng eiyimouba. Nunja seleb okoka eiyiwoka onoʾ nunja soruk edya seleb salamouba.

WAHYU 1:18

Nak danyek, embengaʾ ulmorulunanya bera an! Nak dara, seleb somogasebok, wera nara hyak sobaʾ ulmorulumnamna. Nara somoknaʾ amba dubnya uboka, nimi soko nimi somoknaʾ heikek amba dara, nara pik baknaʾ salananya ulumna.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,

WAHYU 1:8

Wenelesilnya Imik Neyung wen ulumlaʾ, youmaʾ men ulumokaʾ ara, onoʾ eimik yanalanya bera, onoʾ hyak senenggomaʾ migib ululanya bedya dara, ”Nak danyek, men ub einiwasenya bera onoʾ eimik sidyaʾ dakoka ubdaknanya ulumna,” alamla.

WAHYU 11:15

Dara sek lero era, alja benggong lel yabokaʾ enyek, imik heikek lomok ara nauba yuba saro, banaso wenyalamek, ”Sokok an wenen yub ek dara, nunja Wenelesilnya Imik Neyung bedya, alja sekiyimoknya Kristus bedya hnon, danamlakanya, alda dubnya wenesinya dangoka hyak sobaʾ wenelmorulumnesil,” wenyaro balamek.

WAHYU 21:6

Dara onoʾ hnon yuba lebnyokaʾ ara, ”Wera seleb gobdo unura dakdowan! Na nong anyek, men nongnya uboka, onoʾ eimik sidyaʾanya ulumna e. Nak danyek, men eininaʾ ak ab uboka, sidyaʾ daknaʾanya ulumna. Nimi nidyaʾ mek ok ulusil nim era, nim embengaʾ eleksin mek luk ab, embengaʾ unaʾ mek era or salyaʾ eleganamna,” hyok.

WAHYU 22:13

Nak men youmaʾanya uboka, onoʾ eimik sidyaʾ daknanya ulumnakanya, al nak danyek, men eininaʾ ak abaʾ ara, onoʾ sidyaʾ einil daknaʾ amba Wenesinya ulumna,” hyok.

WAHYU 3:14

Laodikia heikek yuba donaʾ nim lero ek unu momnya dobnelamaʾ ara: ”Ban yub enera, Amin, yo aldib anaʾ damnya, yokaʾ-yokaʾ eiyiwoka aldib ulumla aboka, bojam uboka dib nong ok lelelanya, anya Imik Neyung adya yokaʾ-yokaʾ uyiwokaʾ nidyaʾ gaknya bedya yub era ban.