IBRANI 9:19 - PERJANJIAN BARU NALCA YUBA

¹⁹ Men dara, Imik Neyung adya unuwanalum an yub era, Musa bedya Israeli nim ek leb elegosuk. Wera yuba seleb elegosuk dara, onoʾ eimik era, sapi me eneng ab yem kambing eneng ab mek sirikaʾ ab neikaʾ hiboka, domba pam aranaʾ hong ab, gal benggenaʾ doboka, Imik Neyung adya unuwanalum an yuba kerob bukuk sam hnon, Israeli nim ek hnon, lobsenjaʾ adya lob goulura yibisuk.

IBRANI 9:19 Σταυροειδείς Αναφορές

MATIUS 27:28

Dara sikda Yesus adya akleng era gwiriwoka, mouk dok bokaʾ akleng ongiyiwek.

MARKUS 15:17

Dara, sikja Yesus ak mouk dok bokaʾ akleng ongoyiwoka, gal si henga gwanewoka Yesus adya huk ak gwaragiyiwek.

MARKUS 15:20

Wera nauba sene seleb wenyabgogowek dara, mouk dok bokaʾ akleng ongiyimekaʾ ara gwiriwoka, aljaʾ yokaʾ akleng ongiyiwek. Dara wera, oboka glabnobaʾ aboka, doboka bo gobek.

YOHANES 19:2

Dara, yin bonaʾ nang edya, si henga gwanewoka Yesus adya hukuk sam goliyimek. Dara onoʾ, mouk dok bokaʾ boksom akleng hnon ongiyimek.

YOHANES 19:5

Wera, Yesus ara si heng adya huk ak goluwoka, mouk dok akleng ongiyimekaʾ ab, gobok dara, Pilatus bedya, ”Wera anyek kendululum,” hyok.

IBRANI 1:1

Hyak youmaʾ dara, Imik Neyung ara yuba sabnamna dara, nunjaʾ neyung yab ek li gong-gong ununumnaʾ lelemek nang pik uboka yokaʾ-yokaʾ adya sunuwoka yuba salamok.

IBRANI 10:22

Ban nenesa leboka, nunda hyak perob un ganya boboka, ganya dib senenaʾ migibaʾ uboka, malya ubna senen ganya era seleb geisa nenewoka, perob mek dibaʾ adya nonga mek elegoka, Imik Neyung ak ok berem sobaʾ al dam balanob.

IBRANI 10:4

Anasa, sapi pam eneng ab yem kambing pam eneng ab dadya dara, nim adya malya unaʾ era doboka boloknenggulusil.

IBRANI 12:24

anya wenyok yuba bo yanggannya Yesus bek ab, dara Habel bedya eneng era hmeng so, alda hyak yeiriwoka migibaʾ salamla enenga, lobol goulusin eneng ek sam, seleb youlum.

IBRANI 9:12

Kristus ara hyak geisa nong ekla ak ara, li hnonok wekoknya nedya, nimek bleboka sobaʾ pe ulmorulunokaʾ aboka wekok. Kristus unu weknemok sum era, youmaʾ nimi sirikaʾ adya ulumek sok, kambing yem eneng ab pam eneng ab bo weknenggubuk bok, alda alja eneng enyek bo wekdok.

IBRANI 9:13

Nimi meknemnaʾ amba dara, youmaʾ yuba wa gak nang ulumek nang edya dara, yem kambing eneng ab, yem sapi eneng ab, sapi goubenya pam oboka uka damna uk goulum ek malya umna nim ek ngikoka hwelesik. Wera pam eneng ab uka damna uk goulum ab dadya ngiksin enyek, nimi malya umnaʾ ara, geisa nenelesukaʾ ara, an nera nim ek sam amba unulusik bok,

IBRANI 9:18

Wera anasa, men unuwanalum an yub ulumokaʾ anaba, eneng adya ok unulumek.

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.