IBRANI 5:5 - PERJANJIAN BARU NALCA YUBA

⁵ Anasonya neikek Kristus anaba, alja ganya doboka nak gigiwanenokaʾ aboka yuba wa gakaʾ dubnya nenebdanggubuk bok, alda Imik Neyung adya ok ganya doboka senenggom yuba wa gakaʾ dubnya aboka sekiyiwok. Imik Neyung adya Yesus ak, ”Anda nadya me ululam, sumen enyek moruwoka nara anjaʾ neyung be dagen,” hyok.

IBRANI 5:5 Σταυροειδείς Αναφορές

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

YOHANES 7:18

Nimi be hnon alja neklesilaʾ ara, alja ganya doboka sonda anasa, lelemla dara, alda yok nim edya nak gigilenenokaʾ aboka hogung bo amalamla bok, al bokol yeilinanya bek si imik dolulaʾ aboka lelelanya bera, alda hyak dib ok ulumlakanya, alak ara sondaʾ yuba unuruwaʾ ara alak mekaʾ unggulumla.

YOHANES 8:54

Dara Yesus adya sikenek lebsukaʾ ara, ”Nara nim adya nak giblenenokaʾ aboka hogunga bo eldalasinya dara, dib danganggulumneneso. Bok nadyaʾ neyung, ugumba nunjaʾ neyung alalumnya, Imik Neyung bedya imik nenelenel.

RASUL 13:33

Dara, Imik Neyung adya unuwanasin amokaʾ ara, nera seleb Yesus somogoka embengaʾ suboka bukiyimok adya, nera an seleb unubok an. Nen unuwanamoknya nenesa leboka, Mazmur yub ek penenya nek momnya doboka ara, Anda nadya me yokaʾ ululam. Sumen nong ak, nara anja neyung be yokaʾ nonga dagen, aboka lebok.

ROMA 8:3

Anera Yahudi nim emba unuwanalum an yub ara, nimi nonga hmeng adya, pe gigiwoka unuwamenggom anasa, Imik Neyung ara, alaʾ me yokaʾ anyek, malya ulumak nimi nonga nenewoka bokol yookanya memewokaʾ ara, malya unaʾ ak nenesemba leboka igina kwenaʾ elegok.

IBRANI 1:1

Hyak youmaʾ dara, Imik Neyung ara yuba sabnamna dara, nunjaʾ neyung yab ek li gong-gong ununumnaʾ lelemek nang pik uboka yokaʾ-yokaʾ adya sunuwoka yuba salamok.

IBRANI 1:5

Imik Neyung adya dara, lero nanga ben hnonok sibin ak anaba, ”Anda nadya me ululam, nak dara sumen anjaʾ neyung be dagen,” an dara, hyak mekaʾ hnon wenyhenggumok. Dara onoʾ Imik Neyung adyaʾ anaba, ”Nara aljaʾ neyung be danamna dara, alda nadya me danamla,” anaʾ ara wenyhenggumok.

IBRANI 2:17

Ban nenesa leboka, Yesus ara gobdo nimi nonga dangoka, nim adya ununaʾ dobnunaʾ aboka ubuk. Wera anadya Yesus ara Imik Neyung amba bojam uboka, angoo yadyek senewoka arasinya dangoka, yuba wa gakaʾ dubnya ulununaʾ aboka ubsuk. Dara, nidyaʾ nim adya malya unaʾ doboka bobogosululaʾ aboka ubsuk.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

IBRANI 5:10

Imik Neyung adyaʾ anaba, Melkisedek bek yuba wa gaknya ulumok sok, Yesus anaba yuba wa gakaʾ dubnya ulumnamla aboka, laga sekiyiwok!