IBRANI 3:5 - PERJANJIAN BARU NALCA YUBA

⁵ Musa bera Imik Neyung ek sam amba wa arawoka bojam uboka wenya ulumok. Ban bojam ulumoknya nera, eimik laga wenyhenemoknya nenesa leboka, unulumok.

IBRANI 3:5 Σταυροειδείς Αναφορές

MATIUS 24:45

Dara Yesus ara onoʾ hnon lebokaʾ ara, ”Wera anaso dara, wa arawoka wenya bera, heknyek geremseng uboka pe bojam ulumnamla do? Anedya perob sum dalya dara, wa damnya bedya nim ek denaʾ deb elegosululaʾ aboka, dubnya bera anasonya bek sekiyiwanamla.

MATIUS 25:21

Dara wa damnya bera, an unumoknya wa pe bojam welemoknya bek an lebokaʾ ara, Anda hyak pewolum! Anda meknya neneba pe bojam welelamaʾ anasa, wera naubenya neneba or anak welemnelam aboka lebnenggen. Anya, nadyaʾ ek sam yamenekanya, nab neikaʾ denaʾ pe dero ulumnenam! hyok.”

LUKAS 12:42

Danyek Wenelesilnya bedya dara, ”Heknyek wa bojam uboka geremsengaʾ welelanya benyek, wa damnya bedya yok wa wen nang sikenek den salek denaʾ eleklesululaʾ aboka, sikja dubnya sekiyiwanamla do?

LUKAS 24:27

Dara onoʾ Yesus adya sikenek sam, men danyek Musa bedya hnon, nidyaʾ ununumnaʾ len nang edya alsamba leboka momnya dorob yub enyek lelewoka neksuk.

LUKAS 24:44

Seleb dara Yesus adya sikenek, ”Ban yub enyek ugunda nablaboka anam ulumouba dara, seleb ugunuk leb elegesisa ara, Imik Neyung yuba bukuk sam, Musa bedya unuwanalum an yuba webok bukuk sam hnon, ununumnaʾ len nang edya webek bukuk sam hnon, Mazmur yub ek momnya dobokaʾ nidyaʾ ara gigiwoka unuwanamla amsaʾ ara an,” hyok.

YOHANES 5:39

Ugunja dara, Imik Neyung yuba momnya dobokaʾ einiwoka ulumeibya adya embengaʾ unaʾ dobnemab senewoka nauba einililum. Wera, ban bukuk sam anaba nasamba geklewoka yuba lelelabok,

RASUL 28:23

Dara onoʾ, sikja Paulus bek anda sumenyek ansamba yana lelewoka lebnesilim anasa yanamab aboka leiyimek. Wera Yahudi nang edya Paulus bek an ululam ak yanamab amek sum era seleb yenebok dara, wera nimi nauba so yeilimek. Wera seleb yeilimek dara, Paulus bedya yeilimek nim ek, Imik Neyung adya senenggom wenesinaʾ yub amba geklewoka laga yana lelewoka leboka, Musa bedya unuwanalum an yub eb, ununumnaʾ lelemek nang edya hnon, Yesus anasa eimik era unuwanamla aboka lemeknya okoka laga poboka gararob aboka leb elegesuk. Wenyaboka yuba en lebdibigemok salek era lugunaʾ ebaʾ ara sin dok.

RASUL 7:37

Dara al neik Musa bedya, Israeli nim ek, Ugun gangganek ab nak gaboka donyok sok, eimik ununumnaʾ lenya be hnon doboka sekiyiwanamla, amoknya bera alan.

ROMA 3:21

Bok wenyek dara, unuwanalum an yub orokaʾ anaba, Imik Neyung adya peldisinaʾ ara, oruksin yuba lomok ab, ununumnaʾ lelemek nang buku lomok ab, seleb laga neklesuk sok, wera seleb laga gebsuk.

1 KORINTUS 4:2

Wera, ban unuwoka arawoka welemak nang ara, wa ara yoknya bedya welelulum aboka, oruklesil dara, or pe bojam unulunok.

1 TIMOTIUS 1:12

Nara nunja Wenelesilnya Yesus Kristus ak perob aboka sob-sobaʾ giblamna. Alda nak aralenululaʾ aboka migiba seleb elegenyok. Wera wa nen wen dara, Paulus bera bojamnya senewoka sekiyinyokaʾ anasa, perob aboka giblamna.

IBRANI 1:1

Hyak youmaʾ dara, Imik Neyung ara yuba sabnamna dara, nunjaʾ neyung yab ek li gong-gong ununumnaʾ lelemek nang pik uboka yokaʾ-yokaʾ adya sunuwoka yuba salamok.

IBRANI 3:2

Dara neik so, Musa bera Imik Neyung ek sam amba wa nidyaʾ ara, bojam ulumok sok, Yesus anaba alak weboka domoknya Imik Neyung amba bojam nong ulumok.

IBRANI 3:4

Nidyaʾ e dibaʾ ak dara, alba sonaʾ elnya bedya ok solomla bok, yokaʾ-yokaʾ nidyaʾ pe geremsengaʾ sunuwoka sololanya bera, Imik Neyung ak hnonok ulumla.

IBRANI 8:5

Yuba wa gak nang edya welemek Imik Neyung wa nera, imik heikek sam ulumla wa nenesa, sununaʾ dibaʾ ak welemak. Dara, yuba damok enera, Musa bedya pam bokaʾ e sobnunaʾ aboka ul yabok sum enyek, Imik Neyung adya Musa bek ara, ”Anda pe beknelam! Anja nidyaʾ unuwanalamaʾ ara, Sinai meinik ab nadya anaso-anaso unuwanalam aboka nekenggesa sok pe unuwanalam,” hyokaʾ ara ban nenesa lebok.

IBRANI 9:24

Anasa Kristus ara, nim adya munaʾ solomekaʾ dibaʾ imik heikek ulumoknya sununaʾ amba solomeknya nek weknenggubuk bok, alda imik heikek Imik Neyung ak nuk pen danasa, wekel byuk.

WAHYU 15:3

Dara, Imik Neyung wa wenya Musa beb, domba me ab, sikja seblemek bera era anaso: ”Imik Neyung, hyak migib nongnya ululam. Anja unululamaʾ ara hyak omom nongokanya, hyak senenggom! Nidyaʾ mok soko amba wenewoka bo uboka, senenggom dubnya ululam. Anja unulusilimaʾ ara pe beknaʾ sunuwoka, yana lelewoka, perob ok unululamnya.