IBRANI 3:3 - PERJANJIAN BARU NALCA YUBA

³ Wera nim adya somna e nera loboka, alda sololanya bek nauba so gigilemak sok, Yesus ak dara, nauba gigilemak bok, Musa bek dara mek so.

IBRANI 3:3 Σταυροειδείς Αναφορές

MATIUS 16:18

Anasa wera, anda banyek ella danalam, anda wera Petrus ulumnelam, migib girik alamnenjak. Dara ban girik dub enyek an, somoknaʾ nimi heik sibin adyaʾ anaba oblamagoka malya nenewanggunumla anyek, nadya yuba donaʾ nim dibaʾ sobnamna!

1 KORINTUS 3:9

Nunda Imik Neyung amba neik wa welemab nang ulumab. Ugun nong ak dara, Imik Neyung adya alja wa soko yokaʾ anaso ululum. Dara onoʾ, ugunda Imik Neyung alja e ululum.

2 KORINTUS 3:7

Sagobadya unuwanalum an yub era, nimi somoknaʾ yuba bok, momnya dorob girik lagasaʾ ak doboka elegosuk sum era, Imik Neyung adya senenggom dilinaʾ era, Musa bedyaʾ hogung ak hyak senenggomaʾ anyek yebemok. Wera Israeli nim edya dara, Musa bedyaʾ hogung ak an yebemok dilinaʾ domenya edya, men heng kemenaʾ lomek bok, ban dilinaʾ era mek danggiga balamok. Dara, nimi somoknaʾ damok unuwanalum an yub enyek, senenggom dilinaʾ edya yeb goluwoka elegousuk bok,

KOLOSE 1:18

Alda nong ak dara, yuba donaʾ nimi hiboka amba, al Kristus ara, huka, dubnya, ulumla. Alda men yokaʾ nong, anya somoknaʾ ak ab men nonga subuknya ulumla. Anasa, yokaʾ-yokaʾ ab dara, alak danyek, hyak nonokdob.

IBRANI 2:9

Bok Yesus ara, seʾ salek amba mek sokok so geboka, lero ara imik geboka, Imik Neyung adya wanaʾ uboka eleksinaʾ adya, nimi nidyaʾ amba somogousululaʾ aboka umok bok, wera alda somogousukaʾ adya, alak si imik nenenaʾ ab, giginaʾ ab gouluwokaʾ ara nunda eillilemab.

IBRANI 3:4

Nidyaʾ e dibaʾ ak dara, alba sonaʾ elnya bedya ok solomla bok, yokaʾ-yokaʾ nidyaʾ pe geremsengaʾ sunuwoka sololanya bera, Imik Neyung ak hnonok ulumla.

IBRANI 3:6

Bok Kristus ak dara, albabya Imik Neyung me yokaʾ uboka, Imik Neyung e amba dara, alda bojam uboka e dubnya ulumla. Nunda ganya dib senenaʾ ab, ganya wenaʾ ab danyek, salalmoublemeibya dara, wera nu nong ara Imik Neyung alja e dibaʾ ulumab.