IBRANI 13:21 - PERJANJIAN BARU NALCA YUBA

²¹ ugunuk yokaʾ-yokaʾ perobaʾ ak alja senelamlaʾ sunuwoka unulunokaʾ aboka pe munaʾ lelewoka eleklesulul. Anya dara, alja perob senelamlaʾ ara Yesus Kristus pik uboka, nu lomok welesulul. Wera nidyaʾ senenggomaʾ perobaʾ ara al alsamba ok sobaʾ ulmorulul! Aldib, al unululul.

IBRANI 13:21 Σταυροειδείς Αναφορές

MATIUS 12:50

Nadya neyung be imik heikek ululanya bedya alja unuwanok senelamlaʾ anyek, unulumak nim era, nadya weisabo, nadya hmal gelewa, nadyaʾ genong yab ulumakaʾ ara an,” hyok.

MATIUS 21:31

Anasa ban penya mabo dara, hek me nek sikjaʾ neyung bedya senemokaʾ ara gigiwoka unuwok do?” wenyaboka heibsuk. Dara, Imik Neyung yuba wa gak nang eb, Yahudi dub nang eb, sikja dara, ”Yando me nek,” hyek. Anasa Yesus adya sikenek, ”Ugunda banyek dib senewanalumaʾ ara: Mok soko amba rupiah molowoka dolomak nang eb, salyaʾ malya ura yabalamak gelewa enyek, Imik Neyung wenesin heikek men weknemaakanya, ugunuk dara, orok.

MATIUS 28:20

Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

MATIUS 7:21

”Nimi nak, Wenelesilimnya o, Wenelesilimnya o, alanyak nim era, nidyaʾ Imik Neyung wenesin heikek weknenggunumak bok, alda nadya neyung be imik heikek ululanya bedya unuwanok senelamlaʾ anyek unulumak nim ok weknemak.

YOHANES 17:23

Dara, nara sik lomok uboka, onoʾ anda na lomok uboka, sikda hyak ganya hnonok ulunokaʾ aboka mololamna. Anadya wera, soko nim edya, Yesus ara aldib Imik Neyung adya sokok sam bokol yeilimok senewoka, hnonda Neyung anja nak wanaʾ ulunelem sok, onoʾ sikenek wanaʾ ulusil senewoka ella danokaʾ aboka mololamna,” hyok.

YOHANES 7:17

Imik Neyung senelamlaʾ anyek, dib unuwonun senelelanya bera, nadya neklesinaʾ anara, nadya ok ganya doboka salyaʾ neklesin gom, Imik Neyung ak abaʾ ak neklesin gom ara ella danamla.

ROMA 11:36

Dara yokaʾ-yokaʾ nidyaʾ ara alak ab, al adya, anya alamba. Anasa alak ara si imik nenenaʾ alsamba ok hyak sob-sobaʾ giblemnemeijaʾ anyek ulusulul!

ROMA 16:27

Yesus Kristus pik uboka, Imik Neyung al alak ok hnonok, hyak geremseng nongaʾ si imik nenewoka gibnaʾ ara, alsamba ok hyak sob-sobaʾ ululul! Amin.

2 KORINTUS 9:8

Imik Neyung senemlya dara, ugunuk yok-yok perob eleknaʾ lendewoka eleklemnesil. Wera onoʾ alda yok-yok nidyaʾ pe eleganesilaʾ adya, ugunda yok-yok perob wa nidyaʾ wel dibilloklomnulum aboka hyak nauba ugunuk ulumnesil.

GALATIA 1:5

Anasa, Imik Neyung bek, sobaʾ imik nenewoka gibelmorulenok!

EPESUS 2:10

Nu nong ak dara, Imik Neyung adya uyiwousukaʾ ara, Yesus Kristus pik uboka nu meewoka, alja orowek yokaʾ-yokaʾ perobnya nenyek unulumnemak senewoka gegewoka beibsuk nim ek ulumab.

EPESUS 2:18

Wera Kristus pik moruwoka, Yahudi nimi yokaʾ gom, Yahudi gom nimi gom, nunda nidyaʾ ara hnonok neik Imik Neyung Geisinya edya pik uboka, Imik Neyung ak sam ban pik era seleb eiyiwoka balamab.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

PILIPI 2:11

Sikda nidyaʾ adya dara lebnemakja, ”Yesus Kristus anyek hnonok Wenelesilnya dibaʾ ulumla,” aboka laga lebnemak, dara wera anadya, neyung Imik Neyung ara alja si imik nenewanamak.

PILIPI 2:13

Nenesa leboka Imik Neyung adya, alja ganya ek hekel eleklenenokaʾ aboka ugunja ganya lomok sam weboka, unuweisinya ganya hnon, unuwanokaʾ aboka migiba hnon eleklesil.

PILIPI 4:13

Alda nak migib eleklenel Kristus aralenelaʾ adya, yok-yok igina kwelenel bok pe ulumnesinya ok senen ganya bolomna.

PILIPI 4:18

Wera ugunja beibnulumaʾ ara, nak okna ubnyoknya nera nidyaʾ gigiwoka seleb dobsa, hyak nauba so sounuwoka dobsa! Ugunja yok-yok bonaʾ nak arawonulumaʾ Epafroditus be bo yanyokaʾ ara nidyaʾ seleb dobsa. Anadya wera men dara, anyek dobsinya senewoka seinisenya nera nidyaʾ gigiwoka dobsaʾ ulunel. Ugunja nasamba arawoka beibnulumaʾ nidyaʾ ara, Imik Neyung ak perob songa lelemlaʾ giboka beil balamak enyek, Imik Neyung adya perob senewoka dolomla bonaʾ enesoʾ ak beibnulum.

KOLOSE 3:17

Dara, ugunja yokaʾ-yokaʾ nidyaʾ, yuba sanaʾ adya gom, soruk adya wenaʾ gom, unuwanalum dara, ban nidyaʾ ara, nunja neyung Imik Neyung ak, al pik uboka perob aboka giboka, nunja Wenelesilnya Yesus bedya si sibuka unulululum.

KOLOSE 3:20

Wei, memab o, ban nenyek dara, Imik Neyung ara perob senelamla anasa, ugunja nauba nim edya yok-yok yuba nidyaʾ ara, pe keboka unulululum.

KOLOSE 4:12

Hnonda ugun gangganek abnya be hnon, Kristus Yesus amba wa wenya, ugunsamba mel-mel aboka seklemeijikanya, ganya kanaʾ nang dangoka Imik Neyung adya senelamlaʾ nidyaʾ anyek, ganya munaʾ gobdo olowoka ella ulumak nim ek ulunok senewoka, ugunsamba sobaʾ yeiriwoka mololosilnya, Epafras bedya hnon ugunuk gibisil.

1 TESALONIKA 3:13

Wera anadya Wenelesilnya Yesus ara nimi nidyaʾ aljaʾ yokaʾ dangalamak nim eb yanamak sum era, Wenelesilnya bedya ugunja ganya migiba gebiyiwanesilaʾ adya, nunjaʾ neyung Imik Neyung saramek sam, nuk dara geisaʾ anyek uboka, si gegenaʾ pona orokaʾ ak dangiyiwanesil.

1 TESALONIKA 4:3

Imik Neyung senelamla ara, nadya mabo geisa ulunok senelesil, anya yok gel salanaʾ hyak lek senelesil.

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

1 TIMOTIUS 1:17

Imik Neyung ara alda li sobaʾ ulmorululanya ulumla. Anya alak sobaʾ giboka onoʾ si imik nenewoka gigilenok. Alda dib hwekwa ubmoubuka, onoʾ laga heng eilinggulumaknya ulumla. Alda nunja Imik Neyung dibaʾ alak ok hnonok ulumla. Anasa wera, alak sobaʾ giboka onoʾ gigilenok. Amin.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

1 TIMOTIUS 6:16

Imik Neyung ara, alak ok hnonok dib embengaʾ ulmoublumnamla. Somoknaʾ ara alak mekaʾ unggulumla. Alda nimi mekaʾ oka bimenggom dilinaʾ ak ulumla. Nim adya hnon, alak mekaʾ heng eibnenggumeekanya, onoʾ hnon nim adya eibnamenggom. Alak sobaʾ gibelsinilenok. Alak migib nong sobaʾ ulmorululul. Amin.

2 TIMOTIUS 3:17

Wera ban Imik Neyung yub anadya, Imik Neyung ak arawoka wa welemak nim era, yokaʾ-yokaʾ nidyaʾ perob wa nenyek pe webnokaʾ aboka, weiboka perobaʾ nenelesil.

2 TIMOTIUS 4:18

Nera aldib Wenelesilnya bedya nak malya ublul senewoka sunulunelaʾ ak ab blebelmorulumnenel. Alda nak doboka alja imik heikek pe bo binenel. Alak imik nenewoka sobaʾ pe giblenok. Amin.

IBRANI 10:36

Ugunda Imik Neyung adya unuwanok senelamlaʾ anyek pe unulumunaʾ adya, pe ulumeijaʾ amba deknaʾ dobnemak hyokaʾ ara dib dobnelum aboka, ganya siklewoka pe ulululum.

IBRANI 12:23

Anya yuba dorob nang sikja si nera imik heik momnya dobsuk nimi men yando nang ek ab, nimi nidyaʾ pe yana lelesilnya Imik Neyung bek ab, anya hyak pelemek nang edya ganya gong ek ab,

IBRANI 12:28

Wera anasa, nuk dara borom-borom henggunumla heik mok soko ek dolomab. An nenesa leboka, nunda Imik Neyung ak perob aboka giboka, nunda alak perob senewanalenya nedya, alak imik geboka hyak lok uboka giblenob.

IBRANI 13:16

Anya arabdangoka pe ununaʾ ara, ban ununanya nenyek, Imik Neyung ara perob senelamlaʾ anasa, ugunda yok nim eb arabdangoka pe ununaʾ ara hileknenggom mem.

1 PETRUS 2:5

ugun nong ak dara, embeng girik gong ek anaso ululumaʾ anasa, ugun nong anyek, Imik Neyung adya doboka perob ganya e solomla. Wera anadya ugun nong ak dara, Imik Neyung amba ok munaʾ gobdo ulumak yuba lenaʾ gak nang anaso uboka, Yesus Kristus pik uboka, Imik Neyung ak giboka perob aboka ganya eleknaʾ eleklelum. Dara, alda ban eleknaʾ enyek perob senelesil.

1 PETRUS 4:2

Dara, alda sokok sam anam ulumnamla salek enera, nim adya bolomak ganya ek bonggulumnamla bok, alda Imik Neyung adya unu ubseng senelesilnya nenyek sunuwoka ulumnamla.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.

1 YOHANES 2:17

Soko nim eb, yokaʾ-yokaʾ soko dubuk ulumla nidyaʾ ara, nim adya perob senelemakaʾ anyek, seleb dengabgiga balamla. Bok, nim Imik Neyung yuba doboka dib senelemak nim enyek, hnonok or sobaʾ ulmoublemnemak.

1 YOHANES 3:22

Dara, hnonda alja yub ek pe keboka unuwoka, onoʾ alja pelemak senewoka ganya sangelesilnya nenyek unulumnamabakanya, nunda yokaʾ-yokaʾ alak moloweibyaʾ ara dobnemabaʾ ok ulumla.

YUDAS 1:25

Onoʾ nunjaʾ Wenelesilnya Yesus Kristus pik uboka, nunja bleblesilnya bek, alak hnonok si imik nenenaʾ ab, alja senedyaʾ omom unaʾ ab, hyak dub unaʾ ab, aljaʾ migib unaʾ ab danyek, youmaʾ, wen, eimik eneba, senenya loboka sobaʾ ulmorululul. Aldib unululul.

WAHYU 4:6

Dara nauba ekla bunaʾ saramek ara, mek gwan anyek, kristal heng kemeldanaʾ beining anaso ak, houm-houm alamok. Dara ekla bunaʾ en berem dara-dara nidyaʾ ara, gamyakaʾ dombadyaʾ adya, saramek weilik sam nidyaʾ ara, heng dok adyok lararo lomokaʾ ak ulumek.

WAHYU 5:13

Dara nara gamyakaʾ ulumlaʾ imik heik ab, sokok ab, soko damumduk ab, nauba mek gwanek ab, ane lomok nidyaʾ ulumlaʾ ara wenyalamekja, ”Al mok heik enyek an ekla bunaʾ eilib bululanya beb, domba pam me ab dara, giginaʾ nauba ab, nauba senewoka gibnaʾ ab, si imik nenenaʾ ab, yokaʾ len migib eb dara, siksamba hyak sobaʾ ulmorulumnamla!” wenyaboka lelemek.

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.