IBRANI 11:25 - PERJANJIAN BARU NALCA YUBA

²⁵ Nera alda or seʾ amba malya unaʾ ak abnya nenyek eiya hlaboka un danegom, alda Imik Neyung adya nim eblawoka igina kweboka unya nenyek perob senelemok.

IBRANI 11:25 Σταυροειδείς Αναφορές

MATIUS 13:21

Bok, sikja dolomak Imik Neyung yub ara yarenga eleknenggulumlaʾ adya, sikda pe bobmoruwoka unggulumak. Sikda Imik Neyung yuba dobnaʾ amba leboka, ganya okna dabel yaban gom, yok nim edya ol yabasin gom dara, gobdo malya dangalamak.

LUKAS 16:25

”Bok Abraham bedya benyek lebokaʾ ara, najabo banyek seiniwanalam: anda or anam embengaʾ ululum dara, perobaʾ ok doboka boboka delelum, alda Lazarus bek dara malyaʾ ok doboka dereklemok. Amba wenyek dara, Lazarus bera perobaʾ ak bukla bok, anak dara, nauba gweklelam.

RASUL 7:34

Nadya nimi Mesir sokok sam igin yakaʾ kweboka nauba kwellilisil ara eibna. Dara, sikja molonaʾ ara seleb kebnakanya, sikenek blebnesin anasa, nara wen yinggin. Anasa wera, nadya anak Mesir sokok sam nekdo bilom aboka sekiyiwagen, aboka lemok,” hyok.

ROMA 5:3

Anya nenyek ok gom. Alda nunda ganya igina daboka unaʾ ara, ganya gouluwoka unaʾ damoka bo lanalamlaʾ ara, seleb ella ulumabaʾ anasa, nunda nunja ganya okna dablesilaʾ anaba bolboloklemab.

2 KORINTUS 5:17

Anasa, Kristus lomok ulumak nim era, gobdo wenyok nimi dangalamak. Youmanya nera dengaboka, wera wenyoknya nok dangalamla.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

2 TIMOTIUS 1:8

Ban nenesa leboka, nunja Wenelesilnya bemba alja yuba lero yabanaʾ ak alya bar aboka longgom, mem. Onoʾ nak Kristus amba leboka gasa ek henga gouboka beibnyeknya nenesa, alya bar aboka longgom, mem. Bok alda saawoka, anda Imik Neyung adya eleklenggel migib edya, Imik Neyung adya perob lero yanggan yub emba leboka, amba neikaʾ igina kwelenggel bok yeiriwoka welelom.

IBRANI 10:32

Nadyaʾ hemyabo nim o, ugunda men yuba doboka ululum salek era, Imik Neyung dilinaʾ anam ugunuk yebesuk dara, igina kwesinaʾ ara nauba ulusuk bok, eiwaawom aboka pe unululumaʾ anyek pe beklemnelum.

IBRANI 11:37

Sikda girik adya olosik, sik nong ara gal erenaʾ adya garalesik, yina mal adya olosik. Sikda domba pam ab, kambing pam bokaʾ adya boksom ok ongowoka dongolomek dara, gwaneng okaʾ ab, weiningdangoka, anya igina nauba dolomek.

IBRANI 4:9

Wera anasa Imik Neyung adya nim amba dara, yok dek-deka son sum, nera an sek sum ulumla.

YAKOBUS 1:20

Nimi yu ganya adya, Imik Neyung adya unuwanok senelelanya nenyek bo yangganggulumla.

YAKOBUS 5:5

Ugunda hyak unuruwaʾ garan orokaʾ anyek, pero-pero senenanya loboka, sokok an ulumlaʾ nidyaʾ damoka lelewoka dero dakdowolum. Ugunda youbnamna pam enesoʾ ak ugun damnya weildalalum.

1 PETRUS 2:10

”Ugunda youmaʾ dara, Imik Neyung mabo silibaʾ unggululum bok, wenyek dara, Imik Neyung alja mabo silibaʾ ululum. Youmaʾ era, angoo yadyek senewoka arasinaʾ orok nim ek ululum bok, wenyek dara, angoo yadyek senewoka arasinaʾ seleb dolum nim ek ululum,” hyok.

WAHYU 18:7

Hnonda alak ara, nauba perobnya benya anaʾ ab, dub dangoka pe ulumokaʾ sunuwoka, ganya okna danganaʾ ab, ganya soloma dabnaʾ ab, danyek alak eleganalam. Hnonda al nong anasa, sobaʾ leleladya, Nara nenya somogamna gel gomaʾ, nara wenewoka usin dub gel! Anasa nara ganya okna dabsinaʾ ara, hnon nak dobnenggunusinya, wenyaboka nonggo alamla.