IBRANI 10:26 - PERJANJIAN BARU NALCA YUBA

²⁶ Anasa Imik Neyung bedyaʾ dib yub ara nuk seleb leb elegemnesak bok, nunda sene sobaʾ malya ubdibigemnemab dara, malya unaʾ en doboka bobogosululaʾ aboka dara, yok memenaʾ ara orok.

IBRANI 10:26 Σταυροειδείς Αναφορές

LUKAS 12:47

”Alja wa dubnya bedya ganya seininaʾ ara ella ululadyok, pe diri unaʾ loboka, alja lelemla sok pe sunuwoka wa wenggululanya bek hyak nauba legebnaʾ deboka obnamla.

YOHANES 13:17

Ban ella domunukanya, wera unulumnalum dara, pe ulumnalum.

YOHANES 9:41

Yesus ara sikenek, ”Ugunda henga lum dibaʾ ulusom dara, ugunuk ara malya unaʾ nang henggunusisinya. Bok, heng larawoka eillilimab alalumaʾ adya, malya unaʾ lomok anam ululum,” hyok.

2 TESALONIKA 2:10

Bisaʾ migib anadya ok, yok nimi gong dara, nauba malya nenewanasil. Dara, nauba Imik Neyung adyaʾ perob unaʾ ak wanaʾ uboka donaʾ ara lek aboka, blekoka perob senenggulumakaʾ anasa, somoganamak.

1 TIMOTIUS 1:13

Men dara, nara alak dib senewanggumsaʾ adya, nadya alak malya lelemsa, alja mab olomsa, yu ganya boboka ulusebok, elgom adya unulamsaʾ anasa, nak angoo yadyek senewoka arawanyookanya, ban wa nen welelom aboka elegenyok.

1 TIMOTIUS 2:4

Imik Neyung alja hnonok senelamlaʾ ara, nimi nidyaʾ ara blebsinaʾ damoka doboka dib yub ara nidyaʾ ella danok senelamla.

YAKOBUS 4:17

Wera anasa, nimi ben hnon pe ununaʾ ara ella ululadyok, ununggulumla dara, malya unaʾ ara alan.

1 YOHANES 5:16

Wera ugun kabo yuba dololanya bedya, alja ban adya somoganggunumso malya unaʾ enyek ubnamlaʾ eibnesom dara, ugunja Imik Neyung ak molowanasom dara, embengaʾ unaʾ ara onsok Imik Neyung adya benyek eleganamla. Ban nenera yuba donaʾ nim edya malya ulumak bok, somoganggunumaknya nenesa lebna. Bok hnon malya unaʾ ak dara, somoknaʾ lanalamla. Ban nenyek dara, nara ugunuk Imik Neyung ak molowolululumaʾ aboka lebnenggubna.