Matteo 11:3 - Kayah Western (Latin)

³ “Nè̤ ma Messia dố prè̤pro̤ tahe héone ná a ki hyǎ pǎ nuôtôprè̤ hò́ è̌? Má̤torò pè̤ tǒbè opò̤́myásû̌pǎ dố aruôtôprè̤ ki hyǎ pǎ agně nuô è̌?”

ꤜꤤ꤬ꤡꤢ꤭ꤏꤢꤧ꤭ ꤢ꤬ꤞꤢꤧ꤭ ꤔꤢ ꤢ꤬ꤜꤟꤛꤢꤩ꤬ ꤒꤢ꤬ꤟꤢꤩ꤬

³ “ꤔꤟꤢꤧ꤬ ꤗꤢ꤬ ꤗꤢꤩ꤬ꤏꤤꤛꤢ꤬ ꤘꤣ ꤕꤚꤟꤢꤧ꤬ꤕꤚꤟꤥ꤬ ꤒꤢ꤬ꤟꤢꤩ꤬ ꤟꤢꤩꤥ꤬ꤔꤟꤢꤩ꤬ ꤔꤢ ꤢ꤬ ꤊꤟꤢꤦ ꤟꤛꤢ꤭ ꤕꤢ꤭ ꤔꤌꤣ꤬ꤒꤣ꤬ꤕꤚꤟꤢꤧ꤬ ꤟꤢꤪ ꤟꤟꤢꤧ꤭? ꤗꤟꤢꤒꤥ꤬ꤚꤢꤪ ꤕꤟꤢꤧ꤬ ꤒꤥ꤭ꤙꤢꤧ꤬ ꤥ꤬ꤕꤟꤢꤪꤗꤛꤢꤏꤢꤦ꤭ꤕꤢ꤭ ꤘꤣ ꤢ꤬ꤚꤟꤌꤣ꤬ꤒꤣ꤬ꤕꤚꤟꤢꤧ꤬ ꤊꤟꤢꤦ ꤟꤛꤢ꤭ ꤕꤢ꤭ ꤢ꤬ꤑꤢꤩ꤭ꤔꤌꤣ꤬ ꤟꤟꤢꤧ꤭?”

Matteo 11:3 Σταυροειδείς Αναφορές

Matteo 11:10

Giovanni ma kayǎ tôprè̤ dố Cò́marya héone lǔrilǔkyǎ, ‘Myámò̌ è ma prè̤thǔ pé̤ vǎ tè̤ritè̤kyǎ tôprè̤hò́, thyáphú a ki me̤lá̤ one ré̤ pé̤ nè̤klyá lé̤hyǎ agněnuôrò, vǎ nò̌hyǎ ré̤hò́ è dố nè̤nyěhyǎ hò́.’”

Matteo 11:4

Byacè Jesǔ hésû, “Ka̤khyě dyásokhyě pé̤ Giovanni ná lò̌꤮ thǐ ní̤huô̌ myáhtye yětahenuô ní꤮.

Matteo 21:5

“Hésoluô̌ pé̤ vǐ̤ Zionphú tahe, ‘Myámò̌ lahyǎ, thǐ khwícò́phya hyǎ dố thǐ o hò́. È ma a thè́dǒthè́nga̤ rò a sidyá hyǎní̤ mya̤ò́lyǎ. Rò a sidyá hyǎ dố aphúpatí tôduô̌.’”

Matteo 21:9

Kayǎ cuố ré̤ dố Byacè anyěhyǎ tôplutôphè, a krwǒkuô̌ dốkhyě tôplutôphè rò a è́htǒ lahyǎ, “Hosanna, htuthè́htya lahyǎ Khwí Davi aphúkhǔ.” “Byacè dố a hyǎ dố Cò́marya amwi̤yě tôprè̤nuô, tè̤sò̌ri ki lya̤bèdû è ní꤮” “Hosanna, htuthè́htya lahyǎ Cò́marya dố a o dố mò́khu akhǎlé̤ htyalô̌lố yětôprè̤.”

ꤗꤢ꤬ꤊꤢꤨ 11:9

Rò kayǎ cuố ré̤ lahyǎ dố nyě tahe, tahe rò a krwǒcuốkuô̌ lahyǎ dốkhyě rò a è́htǒ lahyǎ, “Htuthè́htya lahyǎ Cò́marya!” “Kayǎ dố a hyǎ ná Byacè amwi̤ yětôprè̤nuô, Cò́marya ki sò̌ridû è ní!”

ꤜꤢꤨꤊꤢ꤬ 19:38

Èthǐ htuthè́htya, “Cò́marya ki sò̌ridû khwí dố a hyǎ ná Byacè amwi̤ yětôprè̤ ní! Tè̤pě̤tè̤dwǒ ki o kuô̌dû dố mò́khu rò tè̤taryědu taryěhtǔ ki o kuô̌dû ná Cò́marya dố a o dố mò́khu akhǎlé̤ htyalô̌lố yětôprè̤ ní!”

ꤛꤥ꤭ꤟꤢ꤬ 11:27

“Ò, vǎ zṳ̂́e vǎ, Byacè,” a hésû phúnuô. “Vǎ zṳ̂́e má̤lakǒ cò́ ná nè̤ ma Messia má̤hò́ Cò́marya a phúprè̤khǔ dố a kíré̤ hyǎ dố hekhu yětôprè̤ nuôhò́.”

ꤛꤥ꤭ꤟꤢ꤬ 12:13

Phúnuôrò a pṳ̂́ní̤ lahyǎ kanò̌dulè tahe rò a htecuố myásû lǔ, rò a è́htǒ lahyǎ, “Htuthè́htya lahyǎ Cò́marya!” “Cò́marya ki sò̌ri è dố a hyǎ ná Byacè amwi̤ yětôprè̤!” “Cò́marya ki sò̌ridû Israel akhwí yětôprè̤ ní꤮”

ꤛꤥ꤭ꤟꤢ꤬ 16:14

Dố a hyǎ hésoluô̌ pé̤ thǐ ná lò̌ a ní̤huô̌ tè̤ dố vǎo nuôtahe akhu-akhyě, a ki me̤lǐme̤takhè̌ vǎ pǎ.

ꤛꤥ꤭ꤟꤢ꤬ 4:21

Jesǔ hésû lǔ, “Mòmuố̤꤮ zṳ̂́e vǎnuô, shuốkhè̌ ki hyǎtuố̤hò́ dố thǐ ki cò́bè̌htya Phè̌ Cò́marya pǎ. Manárò bí so yětômě alo̤ nuô bèbè, dố vǐ̤ Jerusalem akǔ yěnuô bèbè, ǔ lo hyǎcò́bè̌ pǎ bínuô tohò́.

ꤛꤥ꤭ꤟꤢ꤬ 6:14

Bí kayǎ yětahe myáhtyehtuô̌ Byacè Jesǔ me̤ tè̤pro̤tè̤prya̤ yětahe akhè̌nuô, èthǐ hé lahyǎ, “Prè̤pro̤ dố a kíré̤ hyǎlya̤ dố hekhuyě pǎ ǔ hé nuôma a má̤ nyǎ hò́ è hò́,” a hé lahyǎ phúnuô.

ꤛꤥ꤭ꤟꤢ꤬ 7:31

Manárò ǔ zṳ̂́eró̤ zṳ̂́eè́ pǎnyǎ lǔ prè́. Èthǐ hé lahyǎ, “Shyé꤮ Krístu ǔ hé nuôtôprè̤ hyǎpǎ akhè̌nuô, a ki me̤ tè̤pro̤tè̤prya̤ è́klò̌pǎ cò́ ná yětôprè̤ pǎ è̌?” A hé lahyǎ phúnuô.

Hebreo 10:37

Me̤těhérò, lisǎsè̌kǔ hé, “Nyě̤tyato pǎnuô, prè̤ dố a kíré̤ hyǎyě tôprè̤ ki hyǎlè́ pǎ, a me̤khò̌me̤zò̌ pǎto.