Lucas 13:4 - Na Ukud Apudyus

⁴ Ya mipangkop ako ta natayan chachi simpuru ya waruy natapilan ta nikur-ufan chi tànangani foroy ad Siloe, siya somsomòyun sachin manuttuwaanyuy sillumawing na fasurcha nu losani uchumi iningkaw ad Jerusalem?

Lucas 13:4 Σταυροειδείς Αναφορές

Mateo 18:24

“Illukina pun wi mantutar, inyoychan siyan osay saniluna wi nakautang an siyà alifulifu.

Mateo 6:12

Pakawanon chiani ta lawingi iningwani, à isun na mamakawananni ta chachi fumasur an chiani.

Lucas 11:4

Pakawanon chiani ta fasurni, à isun na mamakawananni ta losani fumasur an chiani. Ya ilisim chiani ta achiani pu maawis wi fumasur.’”

Lucas 13:3

Tuttuway foon! Ngim na ifakà an chiayu, nu achiyu pu man-awichan na lawingi oy-oyyoonyu, amaschi kon arawing na matayanyu.

Lucas 13:5

Foon pu ko! Ngim tuttuwan annay ifakà an chiayu, wi nu achiyu pu man-awichan na fasuryu, amaschi kon arawing na matayanyu.”

Juan 9:11

Ad ananay summongfat, “Iningkaw na osay taku wi Jesus anun ngachanna. Iningwanan piyò ad illafuna ta atà, ad imfakanan saon wi inyà char-upan na fosar-u ad Siloe. Siyan ummoyà nanchar-up, ad nachisan naaan na kurap-u.”

Juan 9:7

Ad anana, “Ing-a char-upan na fosarnu ta puung ad Siloe.” (Na mining na sachi ngachan wi Siloe, “Nifaun.”) Ad ummoy na sachi nakurap nanchar-up, ad namagkulin wi naaan na kurapna.

Apostoles 28:4

Innilan pun chachi ummili na urog wi mitatayyun ta imana, nan-ag-akitùtùcha, “Sikurachuy pumappatoy na sanati larai, tan uray lummasat ta fayfay, inchasanan kachusaana.”