Lucas 1:20 - Na Ukud Apudyus

²⁰ Ngim kapu ta achim pu tinuttuwan imfakà, achia pu makakinga ingkanà màwaan na annay imfakà. Tan tuttuway chumatong na ustuy timpuy màwaana.”

Lucas 1:20 Σταυροειδείς Αναφορές

Marcos 16:14

Na anungusna, nampaila kò Jesus ta chachi nasawaran à osay disipulusna ta nan-ooanancha. Ad inomorana chicha tan natangkin na urucha wi achicha pun tuttuwaon chachi nangilan siya ta ummuliyana natakuwan.

Marcos 9:19

Ad anan Jesus an chicha, “Chiayuy taku ta sana, naina kon iniingkawà an chiayu ya anus-un chiayu ya achiayu pu mamati? Iyaliyu ta anna!”

Lucas 1:19

Ad anan na anghel, “Saon à Gabriel wi ingkaw ta sangwanan Apudyus. Ad imfaunà an siya wi umali mangifakan sia ta annayay mamfaruy chamag.

Lucas 1:21

Na takuy nanguullay an Zacarias, naschaawcha tan nafayag ad charom na Templo.

Lucas 1:22

Ngim lummawa pù Zacarias, naawatancha wi awad na impailan Apudyus an siya ad charom, tan achi pu makakinga, wi imana kan insingsingyarna.

Lucas 1:45

Ad maragsak-a ko, tan pinatim wi tumuttuwan losani imfakan Apudyus an sia!”

Lucas 1:64

Ad na sachi, nakakingà Zacarias, ad nan-ukud wi nanaychayaw an Apudyus.

Roma 3:3

Ngim nu kaspangalikan awad achi pu manungpar ta inukudna. Nu foon à managpatin uchum, siya ko anantaun foon à mapiyar à Apudyus?

2 Timoteo 2:13

Ngim uray nu foon pù mapiyartau, mapipiyyar à Apudyus, siyan oyyoonan imfakana tan foon pù mafalin wi turtulliyanan long-agna.

Tito 1:2

Manamnamataun mannaynayuni fiyag, tan uray na chaampunan na lufung màwaan, sachin impustan Apudyus, ya maid pu turtullin Apudyus.

Hebreo 6:18

Siyan, kapu ta maid turtullin Apudyus ya foon pù mafarfaliwan na sachi impustana, siyan chitauy mamatin siyà masaraknifantau, masorkagtau kuma mipangkop ta namnamatau tan sikurachuy awatontau.

Nipaakammu 3:19

Losani takuy ay-ayatò, omorà ya disiplinaò chicha. Siyan sosom-onyun annayay itudtuchù ad ifafawiyun fasfasuryu.