Juan 8:43 - Na Ukud Apudyus

⁴³ Siyan tamako achiyu pu maawatan na ifakà? Oo, tan foon pù pionyuy mangngor.

Juan 8:43 Σταυροειδείς Αναφορές

Mateo 13:15

Tan na anchanayay taku, nar-us tummangkin na urucha, ad isù tinumranchan ingacha ya kinikimitchan atacha. Tan nu foon pù amaschiyoncha, mafalini chongronchan ifakà ya ilanchan ipailà, ya mafalini maawatancha kon ustu, ad siyan kapilitani mansakungchan saon ta pakawanò na fasurcha.’

Juan 5:25

Tuttuwan ifakà an chiayu: chummatong na timpu wi manipud ta sana, chachi isù nanattoy an Apudyus, nu chongronchan ifakà wi Anà Apudyus ad pinaticha, takuwò chicha ta makafiyagchan Apudyus à ing-ingkana.

Juan 5:43

Saon, ummaliyà ad asnay luta wi à Aman namiyar an saon. Ngim achiyà pu ifilang an chiayu. Ngim nu kaspangalikan awad takù fummugtung umali, wi piniyarnan long-agna, sachin ifilangyu.

Juan 6:60

Na achuy mamatin Jesus, chingngorcha ad na sachi intudtuchuna, ngummayan somsomòcha, ad anancha, “Sinu kon mamangngor ta annayay ifakanay nalikat à somsom-on?”

Juan 7:17

Ad sinumani takuy maryad mangwa ta pion Apudyus, mailasinna wi à Apudyus na marpuwan na itudtuchù, wi foon à somsomòun narpuwana.

Juan 8:27

Na chachi Judio, achicha pu naawatan wi Apudyus na ifagfakan Jesus wi Amana.

Juan 8:33

Sachi ad summongfat chachi Judio wi anancha, “Ngim kanà chianin Abraham, siyan maid met nansaniluwanni, siyan sinun piomi ifaka ta anami iparufus chiani ta kinasaniluni, tan foon pun met à saniluani?”

Juan 8:39

Ad anan chachi Judio, “Maid pu safalì amani nu achi afus à Abraham.” Ad anan Jesus, “Nu tuttuway kanà chiayun Abraham, turachonyu kuman iningwana.

Apostoles 7:51

“Amod na kinatangkinyu!” anan Esteban. “Uray Judioayu, achiyu pu patkon à Apudyus, ya achiyu pu ko chongron na ifakana! Ya achiyu pu patkon na Ispirituna; achogkaanyu kan chachi achakchakrantau ta awi,

Roma 3:11

Ad maid pu osà makaawat ta mamfaruwon Apudyus, tan maid osà maryad makafurfurun an Apudyus.