Taitus 3:5 - Nupela Testamen long tokples Kandas

⁵ i ulaun dat. Awu sur un lako kum tokodos na pinapam ra dat sa pam tari, awu. I ulaun dat uni i maris dat. I ulaun dat ma i rus talapor dat. A utalapor ra, a Tokodos na Nion i pami una nundat a nilaun, ra i usus matok dat, ma anundat a nilaun i wanpat matok uni.

Taitus 3:5 Σταυροειδείς Αναφορές

Matiu 3:11

Iau, a baptaiso mot nama danim sur in upuaso i lena mot sa nukpukus. Ikut o naro ra in mur tang a dekdekino i labo taun a dekdeking. Ka elar sur an los anun aru su, uni a natino doko tano. In baptaiso mot nama Tokodos na Nion ma a sungun.

Luk 1:50

Anun a marmaris i kis torom det ra det ngara suri, a kum taun taro rop.

Luk 1:54

I warut anun a kum tultul, a taro Israel, ra i nuk pas anun a marmaris

Luk 1:72

ma sur in maris anundat a kabotaro tagun numugu ma in pam sot pas anun a tokodos na kunubus.

Luk 1:78

kibino una labino marmaris anun anundat a God. Ma una nun a marmaris, a talapor tagisapat netes in sisio pat torom dat.

A Pas anun o Pol torom a taro Rom 11:14

Una nung a pinapam ri, a nemi sur an ukatutur a nuknukin anung a kabotaro, sur lako taro tagun det, det in nemnem sur a wakakino ra o God i pam tari un mot, ra in ulaun pas det.

A Pas anun o Pol torom a taro Rom 11:6

O God i sa pilok pas det una nun a marmaris ut, awu sur una kum pinapam ra det pami. Gunuk ra o God in pilok pas det kibino una kum pinapam ra det pami, awu sur a marmaris ra.

A Pas anun o Pol torom a taro Rom 12:2

Ma gong mo mot tamtama ususer una nilaun tagun a rakrakon bual. Mot in pitar tar mot torom o God, sur in pukus a nuknuki mot, ma in umatoki, sur mot in tasman lele anun a nemnem. Anun a nemnem ra i wakak, i tokodos sakit, ma i gas nami.

A Pas anun o Pol torom a taro Rom 3:20

I mo ra, katutaio in tokodos umatan o God, uni i mur a kum Warkurai. A kum Warkurai i ser ese dat kut una nundat a kum sakino petutna.

A Pas anun o Pol torom a taro Rom 3:28

Uni uniri, dat tasmani lena, o God i watung a taro lena, det tokodos umatano uni det nurnur kut un o Iesu, ma awu sur uni ra det mur a kum Warkurai.

A Pas anun o Pol torom a taro Rom 4:5

Ikut o God ken watung taio lena i tokodos uni i pam tar a pinapam. In watungi lena, i tokodos uni i nurnur. Uni i nurnur un o God ra i ser watung a kum tene sakino lena det tokodos.

A Pas anun o Pol torom a taro Rom 9:11

Ra ka di usus der utmakai, o God i watungi torom o Rebeka lena, “A mugano in papam torom a murmur.” Stat 25:23 I watung a wasiso ri, ra aru nat ka der pami utmakai tu wakakino o tu sakino. O God i pami lenra, sur anun a pipilok in elar ut nam anun a nemnem. O God, i ra i ser kabo pas a taro, i pilok pas det ra i nem det, awu sur un tu pinapam ra det sa pam tari.

A Pas anun o Pol torom a taro Rom 9:16

I mo ra a pipilok anun o God, awu sur i kibino una nemnem anun taio, o un tu pinapam ra taio i pami. Anun a pipilok i kibino ut una nun a marmaris.

A Pas anun o Pol torom a taro Rom 9:30

I mo ra asau mo dat in watungi una kum utna ri? Det ra awu sur a taro Israel awu sur det dekdek sur det in tokodos umatan o God. Ikut o God i watung det lena det tokodos umatano, kibino una nundet a nurnur.

1 Korin 6:11

Ara taro tagun mot, numugu mot ser pam a kum ngasino ri. Ikut, una risan a Labino o Iesu Karisito, ma una Nion o God anundat, o God i sa gos talapor pas mot gusun anumot a kum sakino petutna, sur mot anun a taro, ma i sa watung mot lena mot tokodos umatano.

Galesia 2:16

Ikut, dat tasmani lena o God ke watung taio a tene tokodos uni i mur a kum Warkurai anun o Moses. Awu! O God in watung taio a tene tokodos uni i nurnur kut un o Iesu Karisito. Lenkutkai ra torom dat, dat nurnur un o Karisito Iesu, sur dat in tokodos umatan o God. Dat tokodos uni dat nurnur un o Karisito, ma awu sur i kibino uni dat mur a kum Warkurai. Uni o God ken watung taio a tene tokodos ra i mur a kum Warkurai.

Epeses 2:4

Ikut, o God i bukus nama marmaris! I ulaun pas dat uni i maris doko dat.

Epeses 4:23

Mot in pami lenra, sur o God in umatok a nuknuki mot.

Epeses 5:26

sur det anun a taro mulus. Ma i rus talapor det nama danim ma anun a wasiso.

Kolosi 3:10

ma mot sa emar pas nama matok na nilaun. A matok na nilaun ri, o God i ser umatoki, sur mot in elar nama malalarino, ma sur mot in tasman mulusi.

2 Timoti 1:9

I ut i sa ulaun pas dat, ma i kabo pas dat sur a nilaun ra katu dur uni. Awu sur i kibino una nundat a kum wakak na pinapam, awu. I kibino ut una nun a nemnem, ma anun a marmaris, ra i pitar tari torom dat un o Karisito Iesu. Numugu utmakai, ra ke ukisi utmakai a rakrakon bual, i maris mugu dat.

Taitus 3:4

Ikut, ra a wakak na petutna ma a marmaris anun o God, a Tene Ulaun anundat i wanpat,

Ibru 10:22

I mo ra, dat in nan milau o God nama lingmulus unin balandat ma a nurnur mulus, ma a nuknukin dat ra i langolango gusun a kum etakun una kum sakino petutna, uni o Iesu i sa lamir talapor tari nama gapino. Dat in nan milau i nama pinindat ra i sa gos tari nama danim ra i talapor.

Ibru 4:16

I mo ra dat in nan torom o God, anundat a King, a tene marmaris, ma gong dat ngara. Dat in nan toromi sur dat in utur ukai anun a marmaris, ra in warut dat una nundat a kum mamaut.

Ibru 6:6

Ra det in rosumur gusun o God, katutaio in ben pukus lar pas det, sur det in nukpukus. Uni i elar nami ra det sak wat melet a Nutun o God unin nanai kutus, ma det ban umaimai i umatan a taro.

1 Pita 1:3

Dat in watung ulabo pas o God, a Taman anundat a Labino o Iesu Karisito. Una nun a labino marmaris, i sa usus matok tar dat. I mo ra uniri, dat kis langlang nama nurnur sur a nilaun tukum, uni o Iesu Karisito i katutur melet gusun a minat,

1 Pita 2:10

Numugu, awu sur mot a taro anun o God, ikut uniri mot anun a taro. Numugu ka mot rakon a marmaris anun o God, ikut uniri mot sa rakoni.

1 Pita 3:21

In nolomom i tur ukinalong a baptais ra i ulaun mot uniri. Ka di baptaiso mot sur din rus ru a dur tagun a pinimot, awu. A baptais i elar nami ra mot pitar tar mot torom o God ma mot tasmani lena mot tokodos umatan o God. Ra i ulaun mot kibino una katutur melet anun o Iesu Karisito gusun a minat.