Taitus 3:14 - Nupela Testamen long tokples Kandas

¹⁴ Anundat a taro, det in lason sur det in pitar mulus tar det una wakak na pinapam, sur det in wu a wakak na windet una anundet a nilaun, ma det in warut a sibo na taro.

Taitus 3:14 Σταυροειδείς Αναφορές

Matiu 21:19

I tama in nanai na fig i tur taru una papor ina kisapi, ra i wan milau i. Ikut ke tama lako wino, a kum dono rop kut. Ra i watungi torom in nanai ra lena, “Turpasi uniri ma numur, kon wu melet mo.” Uniutra, in nanai i marang.

Matiu 7:19

A kum duwai rop ra ka det wu a wakak na windet, din tau ru det, ma din woro tar det una sungun.

A Wakak na Wasiso un o Iesu Karisito o Jon i tumusi 15:16

Awu sur mot pilok pas iau, iau ut a pilok pas mot. Ra a pitar a pinapam tamot sur mot in nan ma mot in wu a wimot, ma a wimot in kis tukum. Ma o Tita in tabor mot nama sau ra mot sasaring suri nama risang.

A Wakak na Wasiso un o Iesu Karisito o Jon i tumusi 15:8

“Ra mot in wu a susut na wimot, o Tita in los a minamar, ma a wimot in ese i lena mot anung a kum nat na ususer mulus.

Aposel 18:3

I kis nisan der ma detul papam tomo, uni detul a tulu tene pam rumu na sel.

Aposel 20:35

Una kum dekdek na pinapam rop ra a ser pami, a sa ese tar mot lena mot kai mot in pami lenra, ma mot in warut det ra kalako dekdekin det. Ma mot in nuk pas a wasiso anun a Labino o Iesu ra i sa watung tari lena, ‘Det ra det etabor det dan tandet ra det los a kum utna ra di tabor tar det nami.’”

A Pas anun o Pol torom a taro Rom 12:13

Ra a taro anun o God det sibo sur tu utna, mot in warut det. Mot in dekdek sur mot in gas pas a kum usiro.

A Pas anun o Pol torom a taro Rom 15:28

Ra a sa urop ru anung a pinapam ma a sa pitar tar a etabor ri torom a kum tene nurnur sapat o Jerusalem, an nan utong o Spein, ma una nung a inawan sur utong, an tama mot.

Epeses 4:28

Osi ra i ser wolong, gong melet mo i wolong. I wakak sur in pam a wakak na pinapam nam aru lamano, sur in pam pat a utna sur in tabor a sibo na taro nami.

Pilipai 1:11

Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.

Pilipai 4:16

Ra a kis tong o Tesalonaika, awu sur mot tabor iau ara dino kut, a susut na dino ut mot tabor iau ra a sibo.

Pilipai 4:17

Awu sur anumot a etabor ra a ling suri. A nemi kut sur mot in los a ikul kura numur una numot a wakak na pinapam ra.

Kolosi 1:10

Mir wararing lenri, sur anumot a nilaun in elar nama petutna anun a Labino, ra mot in ser pam a kum utna ra in gas uni. Ra in lenra, anumot a nilaun in wu a wimot una kum wakak na pinapam rop ra mot in pami, ma mot in lubung una numot a tastasman un o God.

1 Tesalonaika 2:9

A kum tistisi metul, mot sa tasman anumetul a dekdek na pinapam. Una kum mirum ma a waspi, metul papam nama lamametul sur u warut metul una numetul a kinkinis. Metul pami lenri, sur metul in warawai torom mot nama Wakak na Wasiso anun o God ma gong metul pitar a mamaut torom mot sur mot in kul metul.

2 Tesalonaika 3:8

Ka metul wan oros pas tu utna na inangon tan taio ra ka metul kuli, awu. Una kum mirum ma a waspi, metul papam dekdek nama lamametul sur u warut metul una numetul a kinkinis, sur gong metul pitar a maut torom tu pasamot sur in kul metul.

Taitus 2:8

Un watung a tokodos na wasiso ra kataio in pukus ui uni, sur det ra det turbat ui det in maimai, uni ka dat pam tu sakino sur det in watung laulau dat uni.

Taitus 3:8

A kum wasiso ri i lingmulus sakit. Ma a nemi sur un papam dekdek nami, sur a taro ra det nurnur un o God, det in pitar mulus tar det una wakak na pinapam una nundet a kum bung na nilaun. A kum wasiso ri i wakak ma i warut a taro rop.

2 Pita 1:8

Ra a kum petutna ri kura un mot, ma det lubung una numot a nilaun, anumot a mananos un anundat a Labino o Iesu Karisito ken utna oros, ma in wu a wino.