A Pas anun o Pol torom a taro Rom 8:9 - Nupela Testamen long tokples Kandas

⁹ Ikut mot, ka mot kis mo utuntudu ina sakino nemnem ina pinimot. Awu! Mot kis utuntudu ina Tokodos na Nion, uni a Nion o God i laun un mot. Ikut, ra taio, a Nion o Karisito ke laun uni, i awu sur anun o Karisito.

A Pas anun o Pol torom a taro Rom 8:9 Σταυροειδείς Αναφορές

Luk 11:13

Mot a laulau na taro, ikut mot tasmani ut a wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama Tokodos na Nion.”

A Wakak na Wasiso un o Iesu Karisito o Jon i tumusi 14:17

I a Tokodos na Nion, ra in upuaso a lingmulus. A taro tagun a rakrakon bual ka det in nemi, uni ka det in tama lele i ma ka det in tasmani. Ikut mot, mot tasman a Tene Warut, uni i kis tomo nam mot ma in kis un mot.

A Wakak na Wasiso un o Iesu Karisito o Jon i tumusi 14:23

O Iesu i balu i lena, “Ra taio i nem iau, in mur anung a kum etowo. O Tita in nemi, ma mir nam o Tita mir in nan toromi, ma mir in kis tomo nami.

A Wakak na Wasiso un o Iesu Karisito o Jon i tumusi 3:34

I ra o God i tulu ru i, i wasiso nama wasiso anun o God, uni o God i pitar rop tar a Tokodos na Nion toromi.

A Wakak na Wasiso un o Iesu Karisito o Jon i tumusi 3:6

Osi ra di ususi una pinindi, i ra a pinindi ut, ma osi ra di ususi una nion, i ra a nion ut.

Aposel 16:7

Detul wanpat una tuktuk ina papor Misia, ra detul nemi sur detul in nan utong una papor Bitinia, ikut a Nion o Iesu ke mulaot sur detul in nan utong.

A Pas anun o Pol torom a taro Rom 7:5

Numugu anundat a nilaun i kis utuntudu ina dekdekin a sakino nemnem ina pinindat, ra a kum Warkurai i ukatutur pat a kum sakino nemnem sur dat in pam a sakino petutna. Ra a sakino petutna una nundat a nilaun i pitar a minat kut.

A Pas anun o Pol torom a taro Rom 8:1

I mo ra det ra tagun o Karisito Iesu, katu warkurai na minabalu mo anun o God torom det.

A Pas anun o Pol torom a taro Rom 8:11

A Nion o God, ra i ukatutur pas o Iesu gusun a minat, i laun un mot. Una pinapam anun a Niono ra i laun un mot, i ra i ukatutur pas o Karisito gusun a minat, in pitar a nilaun una pinimot, ra i ser mat.

A Pas anun o Pol torom a taro Rom 8:2

Uni, ra iau tagun o Karisito Iesu, a dekdekin a Tokodos na Nion, ra i ser pitar a nilaun, i ulangolango pas iau gusun a dekdekin a sakino petutna, ra i pitar a minat tang.

1 Korin 15:23

Ikut a inawan ina katkatutur melet i lenri: O Karisito a mugano musano ra i katutur melet gusun a minat, ma numur ra in nanpat melet, det ra anunu, det kai det in katutur melet gusun a minat.

1 Korin 3:16

Pepetlai, ka mot tasmani lena mot a rumu anun o God, ma a Nion o God kura un mot?

1 Korin 6:17

Ikut, osi ra i upitapo i una Labino, der ara nionder kut nama Labino.

1 Korin 6:19

Pepetlai, ka mot tasmani lena a pinimot i a rumu anun a Tokodos na Nion? A Tokodos na Nion ra i kis un mot, o God i sa tabor tar mot nami. Mot ut awu sur anumot,

2 Korin 10:7

Mot in tama wakak a kum utna! Ra taio i nuki lena, i anun o Karisito, i wakak sur in nuknuk wakak ma in tama lele i lena, met kai anun o Karisito.

2 Korin 6:16

A kum torotoro na god ka det in tur lar pas una rumu na etabor anun o God. Uni dat ut a rumu na etabor anun o God ra i laun. I elar nami ra o God i sa watung tari, “An kis tomo nam det, ma an nan epotor tandet. Ma iau a God anundet, ma det anung a taro.” Wkp 26:12

Galesia 4:6

Mot a kum nutnutun o God ut. I ra a kibino ra i pitar ru a Tokodos na Nion, a Nion o Nutunulik, sur in kis ubalamot, ma i kakabo torom o God lena, “Aba! Tita!”

Galesia 5:24

A taro anun o Karisito Iesu, det sak wat a sakino nemnem ina pinindet unin nanai kutus anun o Karisito.

Epeses 1:13

Ma mot kai tagun o Karisito, uni mot longoro a lingmulus na wasiso ri, a Wakak na Wasiso lena o God in ulaun pas mot. Ra mot nurnur un o Karisito, o God i ubek tar anun a ukinalong un mot, a Tokodos na Nion, ra i sa uliliman mugu taru uni.

Epeses 2:22

Ma mot kai ra tagun o Karisito, o God i dat tomo mot, sur mot in nanpat a rumu ra a Niono i kis uni.

Epeses 3:17

sur o Karisito in kis una balamot, ra mot nurnur uni. Ra a wararing sur anumot a marmaris in tur dekdek elar namin nanai ra a wakakorino i rarau.

Pilipai 1:19

uni a tasmani lena, una numot a kum niaring, ma a warut anun a Nion o Iesu Karisito, asau ra i wanpat un iau din pukusi sur an langolango.

2 Timoti 1:14

Una dekdekin a Tokodos na Nion ra i kis un dat, un tamtamabat wakak a Wakak na Wasiso ra o God i sa pitar tari tam.

1 Pita 1:11

A Nion o Karisito i kis un det, ma i inanos mugu tar det una kum ngunungut ra o Karisito in taramo i, ma una nun a minamar numur. Det tiktikin sur nangisin mulus, ma osi ra a kum utna ri in nanpat uni.

1 Jon 3:24

Osi ra i mur anun a kum warkurai, i laun un o God, ma o God kai i laun uni. Ma dat tasmani lena o God i laun un dat, uni a Tokodos na Nion ra i tabor dat nami, kuri ut un dat.

1 Jon 4:13

Dat tasmani lena dat laun un o God, ma o God i laun un dat, uni i sa pitar tar a Niono tandat.

1 Jon 4:4

A kum nutnutung liklik, mot anun o God, ma mot sa winim pas a kum torotoro na poropet, uni a Tokodos na Nion ra i kis un mot, i dekdek taun a nion ra i kis una taro tagun a rakrakon bual.

Tamtama 13:8

Ma det rop ra det kis una rakrakon bual, ra a risandet ke kis una buk na nilaun, ra di sa tumus tari numugu ra o God ke ukisi utmakai a rakrakon bual, det in lotu torom a kuabor na wewegua. A buk na nilaun ra, anun a Barman na Sipsip, ra di um doko ru i.

Tamtama 20:15

Ma osi ra ka di tumus a risano una buk na nilaun, di woro pirso ru i unin labino tung na sungun.