A Pas anun o Pol torom a taro Rom 8:33 - Nupela Testamen long tokples Kandas

³³ Osi ra in takun a taro na pipilok anun o God? Katutaio in pet lar pasi, uni o God ut i sa watung tar dat lena dat tokodos umatano.

A Pas anun o Pol torom a taro Rom 8:33 Σταυροειδείς Αναφορές

Matiu 24:24

Uni lako kum torotoro na Karisito, ma lako kum torotoro na poropet det in nanpat. Det in pam lako kum labino ukinalong ma lako kum utna na ukisin sur det in toro pas a taro ra o God i sa pilok pas det, raut ko det in pet lar pasi. Ikut ka det in pet lar pasi.

Luk 18:7

Pepetlai, o God ken ukodos anun a taro na pipilok, ra det tangis toromi una kum waspi ma una kum mirum kai? Pepetlai, ken warut lakit det?

A Pas anun o Pol torom a taro Rom 3:26

Ikut uniri, i pami lenri sur in ese anun a tokodos na petutna, sur i ut, i tokodos, ma i o naro ra i watung a taro lena, det tokodos ra det nurnur un o Iesu.

A Pas anun o Pol torom a taro Rom 8:1

I mo ra det ra tagun o Karisito Iesu, katu warkurai na minabalu mo anun o God torom det.

Galesia 3:8

A Buk Tabu i sa wasiso mugu taru lena, o God in watung a taro ra awu sur a taro Juda lena det a kum tene tokodos uni det nurnur. O God i sa inanos mugu tar o Abaram una Wakak na Wasiso lena, “Un ui, din watung udan a taro tagun a kum gapman rop.” Stat 12:3

1 Tesalonaika 1:4

A kum tistisi metul, mot ra o God i maris mot, metul tasmani lena i sa pilok pas mot,

Taitus 1:1

Iau o Pol, a tultul anun o God ma a aposel anun o Iesu Karisito, sur an warut a nurnur anun a taro na pipilok anun o God, ma an ususer det sur det in tasman a lingmulusino. A lingmulusino ra in ben det sur det in mur a petutna ra i wakak umatan o God.

1 Pita 1:2

O God a Tamandat i sa pilok pas mot ra i sa tasman mugu tar mot, ma a Tokodos na Nion i umatok pas mot sur mot a taro anun o God, sur mot in mur a wasiso anun o Iesu Karisito, ma in rus mot nama gapino. A marmaris ma a malmal in kis torom mot, ma in labo sakit.