A Pas anun o Pol torom a taro Rom 7:7 - Nupela Testamen long tokples Kandas

⁷ I mo ra asau mo dat in watungi? Pepetlai, a kum Warkurai a sakino petutna? Awu ut! Ra katu Warkurai, kan tasmani kai a sakino petutna. Lenri, ra o God ken watung tari una kum Warkurai lena, “Gong u nuknuk laulau sur a utna anun taio,” kan tasmani kai lena, a nuknuk laulau sur a utna anun taio i a sakino petutna.

A Pas anun o Pol torom a taro Rom 7:7 Σταυροειδείς Αναφορές

Matiu 5:28

Ikut iau, a watungi tamot lena, ra tu musano in tama tar tu ino ma a nuknukino i laulau toromi, una nuknukino, i sa pam tar a sakino petutna tomo nama ino ra.

Luk 12:15

Ra i watungi tandet, “Mot in nuk pasi, ma mot in tumarong mot gusun a nemnem sur a susut na ululeng, uni a nilaun anun taio ken kibino pas tagun anun a susut na ululeng.”

Luk 20:16

In nanpat ma in um doko ru a taro na pinapam, ma in pitar tar a kinobot torom lako taro gisen, sur det in tamtamabati.” Ra a taro det longoro a wasiso ri, det watungi lena, “Awu, ken lenra!”

Aposel 20:33

Ka nuknuk laulau sur tu mani anun taio, o tin namalu anun taio.

A Pas anun o Pol torom a taro Rom 13:9

Iri a kum Warkurai anun o God: “Gong u pam a sakino nam tu ino anun taio o nam tu musano anun taio. Gong u um doko taio. Gong u wolong. Gong u nuknuk laulau sur a utna anun taio.” A kum warkurai ri ma a kum warkurai rop kai, ara warkurai kut i pulus bat det. I lenri, “Un nem o pasam elar nami ra u nem ui ut.” Wkp 19:18

A Pas anun o Pol torom a taro Rom 3:20

I mo ra, katutaio in tokodos umatan o God, uni i mur a kum Warkurai. A kum Warkurai i ser ese dat kut una nundat a kum sakino petutna.

A Pas anun o Pol torom a taro Rom 3:5

Ra dat pam a sakino, anundat a sakino i ese mulusi lena, o God i tokodos. Pepetlai, o God i raro sur in warkurai dat uni? Awu ut! A ngas na wasiso ra, i wanpat tan a taro kut. Gunuk ra anun a warkurai ke tokodos, ken warkurai lar pas a taro tagun a rakrakon bual. Ikut i tokodos ut, ra in pet lar pasi sur in warkurai det.

A Pas anun o Pol torom a taro Rom 4:1

Asau ra dat in watungi un o Abaram, a tamamet a taro Juda? Asau ra i ususer pas uni una kisapi ra taio in tokodos umatan o God?

A Pas anun o Pol torom a taro Rom 4:15

Uni a kankan anun o God i kis un det ra det nem na mur a kum Warkurai, ikut ka det mur sot pasi. Ra kalako kum Warkurai, ka din takun taio lena i lakai warkurai.

A Pas anun o Pol torom a taro Rom 5:20

Ra o God i pitar tar a kum Warkurai, a sakino petutna anun a taro i lubung. Ikut ra a sakino petutna i lubung, a marmaris kai anun o God i labo tauni.

A Pas anun o Pol torom a taro Rom 6:15

Ka dat kis mo utuntudu ina kum Warkurai, dat kis utuntudu ina marmaris anun o God. Pepetlai, dat in pam melet a sakino petutna? Awu ut!

A Pas anun o Pol torom a taro Rom 7:11

Uni a sakino petutna i sio pas a kisapi tiro korot una Warkurai sur in toro pas iau, ra una dekdekin a Warkurai i um doko iau.

A Pas anun o Pol torom a taro Rom 7:13

Pepetlai, a utna ra i wakak i um doko iau? Awu ut! A sakino petutna i um doko iau. A sakino petutna i papam nama kum wakak na wasiso na Warkurai, ra i pitar a minat tang, sur in talapor lena a ngas na petutna ri i laulau. Una kum Warkurai dat tama lele pasi lena, a sakino petutna i laulau doko.

A Pas anun o Pol torom a taro Rom 7:5

Numugu anundat a nilaun i kis utuntudu ina dekdekin a sakino nemnem ina pinindat, ra a kum Warkurai i ukatutur pat a kum sakino nemnem sur dat in pam a sakino petutna. Ra a sakino petutna una nundat a nilaun i pitar a minat kut.

A Pas anun o Pol torom a taro Rom 7:8

Ikut a sakino petutna i sio pas a kisapi tiro korot una warkurai ra, sur in pam pat tar a kum wur ngas na nemnem sur a nuknuk laulau sur a utna anun taio. Ikut ra katu Warkurai, a sakino petutna katu dekdekino.

1 Korin 15:56

A minibirin a minat, a sakino petutna. A sakino petutna i los pas a dekdekino gusun a Warkurai anun o Moses.

Epeses 5:3

Gong tu pamuk na petutna i kis epotor tamot, gong tu dur na petutna, ma gong kai mot nemnem sur a susut na ululeng. Uni a kum petutna ri ke tokodos sur a tokodos na taro anun o God det in pami.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.

1 Tesalonaika 4:5

Ma gong mot mur a dekdek na nemnem ina pamuk na petutna, elar nam det ra ka det tasman o God.

Ibru 7:19

Uni a warkurai ra, ke utokodos pas a taro sur det in nan milau o God, awu. Ikut o God i sa pam tar a kisapi sur dat in nan milau i. A kisapi ra i wakak sakit taun a Warkurai. Ra uniri dat pet lar pasi sur dat in kis langlang nama nurnur suri.