A Pas anun o Pol torom a taro Rom 7:18 - Nupela Testamen long tokples Kandas

¹⁸ A tasmani lena katu wakak na utna kuri i laun un iau. A wasiso lenra una sakino nemnem ina pining. Uni, a nemi ut sur an pam a wakakino, ikut ka pet lar pasi.

A Pas anun o Pol torom a taro Rom 7:18 Σταυροειδείς Αναφορές

Matiu 15:19

Iri a kum utna ra i ser wanpat tagun a nuknukino: a kum sakino nuknuk, a petutna ra di um doko a taro, a petutna ra di pam a sakino nam tu ino anun taio o nam tu musano anun taio, a kum petutna na pamuk, a wolong, a etakun torotoro, ma a petutna ra di mang laulau ara.

Luk 11:13

Mot a laulau na taro, ikut mot tasmani ut a wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama Tokodos na Nion.”

A Wakak na Wasiso un o Iesu Karisito o Jon i tumusi 3:6

Osi ra di ususi una pinindi, i ra a pinindi ut, ma osi ra di ususi una nion, i ra a nion ut.

A Pas anun o Pol torom a taro Rom 13:14

Ikut mot in emar nama nilaun anun a Labino o Iesu Karisito, ma gong mot nuknuk sur tu kisapi sur mot in ugasgas a sakino nemnem ina pinimot.

A Pas anun o Pol torom a taro Rom 7:15

Ka talapor un asau ra a ser pami. Uni asau ra a nemi sur an pami, ka pami, ikut asau ra a ngeti, a ser pami.

A Pas anun o Pol torom a taro Rom 7:19

Uni, ka pam asau ra i wakak, ra a nemi sur an pami. Ikut a sakino petutna ra ka nemi sur an pami, i ra a ser pami.

A Pas anun o Pol torom a taro Rom 7:25

O God ut. A watung wakak toromi ra i tulu ru o Iesu Karisito anundat a Labino, ra i ulangolango pas iau. I mo ra iau ut, una nuknuking, iau a tene ititula anun a kum Warkurai anun o God, ikut, ra a mur a sakino nemnem ina pining, iau a tene ititula utuntudu ina dekdekin a sakino petutna.

A Pas anun o Pol torom a taro Rom 7:5

Numugu anundat a nilaun i kis utuntudu ina dekdekin a sakino nemnem ina pinindat, ra a kum Warkurai i ukatutur pat a kum sakino nemnem sur dat in pam a sakino petutna. Ra a sakino petutna una nundat a nilaun i pitar a minat kut.

Galesia 5:17

A sakino nemnem ina pinimot i turbat a Tokodos na Nion, ma a nemnem anun a Tokodos na Nion kai i turbat a sakino nemnem ina pinimot. Der waim etetalai, ra ka mot pam lar pas asau ra mot nemi.

Galesia 5:24

A taro anun o Karisito Iesu, det sak wat a sakino nemnem ina pinindet unin nanai kutus anun o Karisito.

Pilipai 2:13

Uni o God ut i papam un mot sur mot in nem asau ra i elar nama nun a nemnem, ma i pitar a dekdek torom mot sur mot in pami lenra.

Pilipai 3:12

Awu sur a nuki lena, a sa utur ukai a kum utna rop ra, ma ka tokodos mulus utmakai. Ikut a dekdek utmakai sur an utur ukai a utna ra o Karisito Iesu i kabo pas iau suri.

Taitus 3:3

Uni dat kai numugu, ka dat mananos, dat a kum tene pitarngat, dat wan raro, dat karabus una nundat a kum laulau na nemnem, ma a wur ngas na utna rop ra dat gas suri. Una nundat a kinkinis na nilaun dat pam a kum sakino, ma dat nuknuk laulau sur a utna anun taio, ma dat nget etetalai dat.

1 Pita 4:2

Ra ke pitar tari mo anun a nilaun una kum laulau na nemnem. I pitar tari mukut sur in mur a nemnem anun o God.