A Pas anun o Pol torom a taro Rom 5:14 - Nupela Testamen long tokples Kandas

¹⁴ Ikut, tagun a kum kilalo anun o Adam tuk una kum kilalo anun o Moses, a taro rop det kis utuntudu ina dekdekin a minat. Ara taro ka det pam a ngas na sakino elar nam o Adam, ra i lakai a warkurai. Ikut, det utkai, det kis utuntudu ina dekdekin a minat. O Adam i a malalarin o naro ra in nanpat numur.

A Pas anun o Pol torom a taro Rom 5:14 Σταυροειδείς Αναφορές

A Pas anun o Pol torom a taro Rom 5:12

Ara musano kut i pam a sakino petutna, ma una petutna ra, a sakino petutna i wanpat una rakrakon bual. A sakino petutna i pam pat a minat. Ma una kisapi ra, a minat i wan sur a taro rop, uni det rop det pam a sakino petutna.

A Pas anun o Pol torom a taro Rom 5:17

Ma una petutna na lakai warkurai anun ara musano kut, a taro rop det kis utuntudu ina dekdekin a minat. Ikut, i lingmulus sakit, a taro ra det los pas a marmaris anun o God ra i bukus ma i pulpulas, ma det los pasi kai anun a etabor ra i watung det a kum tene tokodos, det in laun tukum ma det in warkurai elar nama kum king, kibino un ara musano kut, o Iesu Karisito.

A Pas anun o Pol torom a taro Rom 5:21

A taro det kis utuntudu ina dekdekin a sakino petutna, ra i pitar a minat torom det. Ikut uniri, a taro ra det kis utuntudu ina dekdekin a marmaris anun o God, o God i watung det a kum tene tokodos, ra i pitar a nilaun tukum torom det, kibino una pinapam ra o Iesu Karisito anundat a Labino i sa pam tari.

A Pas anun o Pol torom a taro Rom 8:20

Uni a kum ukukis rop det kis una karabus na minat ma det utna oros kut. Awu sur a nemnem anun a kum ukukis, a nuknukin o God sur det in kis langlang sur a bung,

A Pas anun o Pol torom a taro Rom 8:22

Dat tasmani lena, tuk uniri a kudulano ukukis det kis langlang nama tinangis, elar nama ino ra i leser nama ngunungut sur in usus.

1 Korin 15:22

Uni, un o Adam, a taro rop det in mat, lenkutkai ra a taro rop un o Karisito det in utur ukai a nilaun.

1 Korin 15:45

Elar nami ra di sa tumus tari una Buk Tabu lenri, “A mugano musano, o Adam, o God i pitar tar a nilaun toromi.” Stat 2:7 Ikut a ururop na Adam, i a Nion ra i tabor a taro nama nilaun.

Ibru 9:27

A taro rop det in mat ara dino kut, ra numur det in tur una warkurai anun o God.