A Pas anun o Pol torom a taro Rom 1:7 - Nupela Testamen long tokples Kandas

⁷ A tumtumus torom mot rop tiro o Rom, ra o God i maris mot, ma i kabo pas mot sur mot anun a taro. A marmaris ma a malmal tan o God a Tamandat ma a Labino o Iesu Karisito in kis tomo nam mot.

A Pas anun o Pol torom a taro Rom 1:7 Σταυροειδείς Αναφορές

Matiu 5:16

Lenkutkai ra, anumot a talapor in sisio umatan a taro, sur det in tama anumot a kum wakak na pinapam, ma det in watung ulabo pas a Tamamot ra i kis sapat una langit.

A Wakak na Wasiso un o Iesu Karisito o Jon i tumusi 20:17

O Iesu i watungi tano, “Gong u pam a pining, uni ka wan toto utmakai torom o Tita. Ikut un nan torom a kum tistising, ra un inanos det lena, an nan usapat netes torom o Tita, i ra a Tamamot kai, torom anung a God, i ra anumot a God kai.”

Aposel 15:23

Ra det tumus tar a pas sur det in losi. A pas ra i watungi lenri: Met a kum aposel ma a kum mugumugu, met a kum tistisi mot, met tumtumus torom mot a kum tene nurnur tagun a taro ra awu sur a taro Juda ra mot kis tong o Antiok, ma una ru papor Siria ma o Silisia: A marmaris torom mot.

Aposel 9:13

Ra o Ananias i balu i lena, “Labino, a sa longoro a susut na wasiso una musano ra, ma una kum laulau na utna ra i ser pami una num a taro sapat o Jerusalem.

A Pas anun o Pol torom a taro Rom 1:6

Mot kai ara taro tagun det, ra o God i kabo pas mot, sur mot anun o Iesu Karisito.

A Pas anun o Pol torom a taro Rom 5:1

Una nundat a nurnur ut, o God i watung dat lena dat tokodos umatano. I mo ra dat kis na malmal tomo nam o God, kibino una nundat a Labino o Iesu Karisito.

A Pas anun o Pol torom a taro Rom 5:5

Ra dat kis langlang nama nurnur, dat tasmani lena a utna ra o God i sa uliliman taru uni in nanpat ut. Uni o God i sa pitar tar a Tokodos na Nion tandat. Ra a Tokodos na Nion i sa lingis tar a marmaris anun o God unin balandat.

A Pas anun o Pol torom a taro Rom 8:28

Ra dat tasmani lena, a kum utna rop ra i wanpat, o God i papam nami, sur a wakakino in nanpat torom det, ra det nem o God, ma i sa kabo pas det elar nama nuknukino.

A Pas anun o Pol torom a taro Rom 8:39

tu ngas na utna tagisapat netes o taginin upiso. Awu! Katu utna mulus una kudulano ukukis in ukis susuaro lar pas dat gusun a marmaris anun o God, ra i pitar tari torom dat un o Karisito Iesu anundat a Labino.

A Pas anun o Pol torom a taro Rom 9:25

I elar nama wasiso anun o God una taro ra awu sur a taro Israel, ra a poropet Hosea i sa tumus tari lena, “A taro ra awu sur anung, an watung det anung a taro, ma det ra ka maris det, an maris det.” Os 2:23

1 Korin 1:24

Ikut, o Karisito a dekdekin o God, ma a mananos anun o God, torom a taro ra o God i kabo pas det. A taro ra, tagun a taro Juda ma tagun a taro Grik.

1 Korin 16:23

A marmaris anun a Labino o Iesu in kis tomo nam mot.

2 Korin 13:14

A marmaris anun a Labino o Iesu Karisito, ma a marmaris anun o God, ma a kinkinis tomo anun a Tokodos na Nion in kis tomo nam mot rop.

Galesia 6:18

A kum tistising, a marmaris anun anundat a Labino o Iesu Karisito in kis una niomot. Amen.

Epeses 1:2

A marmaris ma a malmal tan o God a Tamandat ma a Labino o Iesu Karisito in kis tomo nam mot.

Epeses 6:23

A malmal torom mot a kum tistising, ma a marmaris tomo nama nurnur, tan o God a Tamandat ma a Labino o Iesu Karisito.

Pilipai 1:2

A marmaris ma a malmal tan o God a Tamandat ma a Labino o Iesu Karisito in kis tomo nam mot.

Pilipai 4:13

A pet lar pas a kum utna rop kibino un o Karisito ra i udekdek iau.

Pilipai 4:20

Dat in ulabo pas anundat a God a Tamandat, ken rop ma ken rop. Amen.

Pilipai 4:23

A marmaris anun a Labino o Iesu Karisito in kis una niomot. Amen.

Kolosi 1:2

torom mot, a taro anun o God ra mot kis tiro o Kolosi, ra mot a kum tistisi mir una numot a nurnur un o Karisito, ma mot lingmulus una numot a nurnur. A marmaris ma a malmal tan o God a Tamandat in kis tomo nam mot.

Kolosi 3:12

Mot a talapor na taro anun o God, ra i maris doko mot, ma i pilok pas mot. I mo ra, i wakak sur mot in emar nama kum petutna ri: mot in warut a taro, mot in pam a wakakino torom det, mot in unatino pas mot, mot in kis na malmal ma mot in ese a wowowon na magiramot.

Kolosi 3:15

I wakak sur a malmal ra o Karisito i tabor mot nami in mugu mot una numot a nilaun. Uni mot ara pinin o Karisito kut, ma o God i kabo pas mot sur mot in kis tomo nama malmal. Ra i wakak sur mot in ser watung wakak torom o God.

1 Tesalonaika 1:1

Iau o Pol, o Sailas, ma o Timoti, metul tumtumus torom mot a taro na lotu tong o Tesalonaika, mot ra mot laun un o God a Tamandat ma a Labino o Iesu Karisito. A marmaris ma a malmal torom mot.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Tesalonaika 1:4

A kum tistisi metul, mot ra o God i maris mot, metul tasmani lena i sa pilok pas mot,

1 Tesalonaika 4:7

Uni, o God ke kabo pas dat sur a dur na petutna, i kabo pas dat sur dat in mur a tokodos na nilaun.

1 Tesalonaika 5:28

A marmaris anun anundat a Labino o Iesu Karisito in kis tomo nam mot.

2 Tesalonaika 1:2

A marmaris ma a malmal torom mot tan o God a Tamandat ma a Labino o Iesu Karisito.

2 Tesalonaika 3:16

Metul wararing sur a Labino ra i pitar a malmal, i ut in tabor mot nama malmal una kum du bung rop ma una kum ngas na kinkinis na nilaun rop. A Labino in kis tomo nam mot rop.

2 Tesalonaika 3:18

A marmaris anun anundat a Labino o Iesu Karisito in kis tomo nam mot rop.

1 Timoti 1:2

A tumus a pas ri torom ui Timoti, a nutunglik mulus una nurnur. A marmaris ma a wakak na petutna ma a balano molmol, tan o God a Tamandat ma o Karisito Iesu anundat a Labino in kis torom ui.

1 Timoti 6:2

Ma det ra anundet a mugumugu a tene nurnur, gong det rosumur gusuni, uni det tasmani lena det tar tistisino una nurnur. Det in ser mur wakak anun a wasiso, uni anundet a pinapam in warut a tene nurnur, ra det ser nemi. Timoti, un ususer det ma un udekdek det nama kum etowo ri.

2 Timoti 1:2

A tumus a pas ri torom ui Timoti, a wakak na nutunglik una nurnur. A marmaris ma a wakak na petutna ma a malmal, tan o God a Tamandat ma o Karisito Iesu anundat a Labino, in kis tomo nam ui.

2 Timoti 4:22

A Labino in kis una niom. A marmaris anun o God in kis torom mot.

Taitus 1:4

A tumtumus torom ui Taitus, a nutunglik ra anundar a nurnur i elar. A marmaris ma a malmal tan o God a Tamandat, ma o Karisito Iesu anundat a Tene Ulaun, in kis tomo nam ui.

Pilimon 1:25

A marmaris anun a Labino o Iesu Karisito in kis una niomot.

Pilimon 1:3

A marmaris ma a malmal anun o God a Tamandat, ma a Labino o Iesu Karisito in kis tomo nam mot.

Jems 1:1

Iau o Jems a tultul anun o God ma anun a Labino o Iesu Karisito, a tumus a pas ri torom mot a noino ma aru kabotaro Israel. Mot kis sarara una kum tamon una rakrakon bual, uni det nem na um doko mot. A marmaris torom mot.

1 Pita 1:15

Mot in tokodos una numot a kum ngasino rop, elar nam o naro ra i kabo pas mot i tokodos.

1 Jon 3:1

Tama i! A Tamandat, una labino marmaris anunu torom dat, i watung dat a kum nutnutunu. I lingmulus ut, dat a kum nutnutun o God. A taro tagun a rakrakon bual ka det tasman o God, lenkutkai ra ka det tasman dat lena dat a kum nutnutunu.

2 Jon 1:3

A marmaris, a wakak na petutna ma a malmal tan o God a Tamandat ma o Iesu Karisito o Nutunu, in kis torom dat ra dat kis una lingmulusino ma dat nem etetalai dat.

Tamtama 2:1

“Un tumtumus torom a ensel anun a taro na lotu tong o Epeses lena: O naro ra i pam a wonom mawit nin nangnang una sot na lamano, ma i wan epotor una wonom mawit na turtur na lam na gol, i watung a wasiso ri:

Tamtama 2:12

“Un tumtumus torom a ensel anun a taro na lotu tong o Pergamum lena: O naro ra anun in totok na inaim aru paporino rop der wangon doko, i watung a wasiso ri:

Tamtama 2:18

“Un tumtumus torom a ensel anun a taro na lotu tong o Taiataira lena: A Nutun o God, ra arin nikiok na matano der elar nama kunabor ina sungun, ma aru kikino der talapor elar nama bras ra di sa tun talapor tari una sungun, i watung a wasiso ri:

Tamtama 2:29

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu.

Tamtama 2:8

“Un tumtumus torom a ensel anun a taro na lotu tong o Smerna lena: O naro ra a mugano ma a ururopino, i ra i mat pas, ma i sa laun melet, i watung a wasiso ri:

Tamtama 22:21

A marmaris anun a Labino o Iesu in kis tomo nama taro rop anun o God. Amen.

Tamtama 3:14

“Un tumtumus torom a ensel anun a taro na lotu tong o Laodisia lenri: O naro ra di watungi nama Amen, a lingmulus na tene wasiso talapor anun o God ra i lingmulus sakit, i ra a kimkibin a kum ukukis anun o God, i watung a wasiso ri:

Tamtama 3:22

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu.”

Tamtama 3:7

“Un tumtumus torom a ensel anun a taro na lotu tong o Piladelpia lenri: O naro ra i tasur, ma i lingmulus, ma i pam a ki anun o Dewid, i papos a matansako, ra kataio in tagar lar pasi, ma i tagari, ra kataio in papos lar pasi. I watung a wasiso ri: