A Pas anun o Pol torom a taro Rom 1:20 - Nupela Testamen long tokples Kandas

²⁰ Turpasi una ukukis ina rakrakon bual, a taro det tama a kum ukukis. I mo ra det pet lar pasi sur det in tasman a kum magiran o God, a kum magiran o God, ra ka din tama i. Det tasmani lena, a dekdekino in tur tukum, ma i o God. I mo ra katu kisapi sur det in ipul ru i.

A Pas anun o Pol torom a taro Rom 1:20 Σταυροειδείς Αναφορές

Matiu 5:45

Ra mot in pami lenra in ese i lena mot a kum nutnutun a Tamamot, ra i kis sapat una langit. Uni i pitar tar a suan sur in talapor una kum tene sakino ma a kum wakak na taro kai, ma i pitar tar a bato torom a kum tene tokodos ma torom det kai ra ka det tokodos.

A Wakak na Wasiso un o Iesu Karisito o Mak i tumusi 10:6

Ikut una turturkibin a ukukis, O God ‘i ukis a taro, sur det in musano ma det in ino’. Stat 1:27

A Wakak na Wasiso un o Iesu Karisito o Jon i tumusi 1:18

Kataio utmakai i tama tar o God. Ikut ara Nutunu kut, ra i kis tomo nam o Tamano, i ut i ese o God torom dat. Ma i ut o God.

A Wakak na Wasiso un o Iesu Karisito o Jon i tumusi 15:22

“Ra gunuk kan nanpat ma kan wasiso torom det, ka din takun det una nundet a kum sakino petutna, ma det in langolango ut. Ikut uniri, katu wasiso anundet sur det in wasiso bat det nami gusun anundet a sakino petutna.

Aposel 17:29

“Dat a kum nutnutun o God, i mo ra ke wakak sur dat in nuki lena o God i elar nama toktok na gol, o a silwa, o a wat, ra a taro det nuk pat pasi ma det pami nama lamandet.

Aposel 22:1

“A kum tistising, ma a kum tamtamang, mot in longoro a wasiso ra an wasiso bat iau nami.”

A Pas anun o Pol torom a taro Rom 1:19

O God i kankan, uni a kum utna ra din tasmani un o God i talapor kut torom det, uni i ut i sa utalapor tari torom det.

A Pas anun o Pol torom a taro Rom 16:26

Ikut uniri, i sa wanpat puaso. Met wasiso talapor una sau ra a kum poropet det watung tari un o Karisito. Met pami elar nami ra o God, i ra i laun tukum, i inanos tar met sur met in pami, sur a taro tagun a kum gapman rop, det in nurnur ma det in mur a wasiso anun o God.

A Pas anun o Pol torom a taro Rom 2:1

I mo ra, mot ra mot ser takun a taro gisen lena, ka det tokodos, ka mot in ipul lar pas. Anumot a etakun in takun melet mot ut. Uni mot takun a taro gisen, ikut mot kai, mot pami kut a sakino petutna ra.

A Pas anun o Pol torom a taro Rom 2:15

A ngas na taro ra, i talapor ra o God i sa tumus tar a wasiso tagun a Warkurai una nuknukin det. A nuknukin det i upuaso anundet a petutna, ra i wakak o awu. Ra det pam a sakino, a nuknukin det ut i takun det, ma ra det pam a wakakino, a nuknukin det i gas nami.

1 Korin 1:20

Asau dat in watungi un tu tene mananos? Asau dat in watungi un tu tene mananos una kum Warkurai anun o Moses? Asau dat in watungi un tu tene mananos ra in balu rop pas a kum iting? O God i ese i lena, a mananos tagun a rakrakon bual i a longlong na mananos kut.

Kolosi 1:15

O Karisito a malalarin o God, i ra ka dat tama tari. O Karisito a mugano Nutun o God, ma i labo sakit taun a kum ukukis rop.

Kolosi 2:9

Uni o Karisito i wanpat a mulusino, ma a nilaun rop anun o God i bukus uni.

1 Timoti 1:17

Dat in pitar a urur ma a wasiso na ululabo torom a King ra i laun tukum, ma ken mat, i ra ka dat tama i, ra i sot kut a God. A wasiso na ululabo toromi ken rop ma ken rop. Amen.

1 Timoti 6:16

I sot kut i laun tukum, ra i kis una labino talapor ra kataio in nan milau nisano. Kataio utmakai i tama tari ma ka din tama lar pasi. Din pitar tar a labino urur toromi, ma i utur ukai a labino dekdek ra ken rop ma ken rop. Amen.

Ibru 11:27

Una nun a nurnur, o Moses i katutur tagitong o Ijip, ma ke ngaran a kankan anun a king. I tur dekdek, uni i tama tar o God, i ra ka di tama tari.

Ibru 9:14

Ra i lingmulus lena di gos talapor a taro lenra, i lingmulus sakit ra a gapin o Karisito i gos talapor dat! Una dekdekin a Tokodos na Nion ra i kis tukum, o Karisito i pitar tar anun a nilaun torom o God. Anun a nilaun katu dur uni. Ra a gapino i gos talapor anundat a nilaun gusun a kum minat na pinapam ra dat in iru uni, sur dat in papam torom o God ra i laun.