A Wakak na Wasiso un o Iesu Karisito o Mak i tumusi 6:16 - Nupela Testamen long tokples Kandas

¹⁶ O Erod i longoro a kum wasiso ri un o Iesu, ra i lena, “A sa tau kutus ru tar in kabaran o Jon, ra uniri i sa laun pat melet gusun a minat!”

A Wakak na Wasiso un o Iesu Karisito o Mak i tumusi 6:16 Σταυροειδείς Αναφορές

Matiu 14:2

ra i watungi tan anun a kum tultul lena, “A musano ra, i o Jon a Tene Baptaiso, i sa laun melet gusun a minat. I mo ra i pam a kum utna na ukisin.”

Matiu 27:4

Ma i watungi lena, “A sa pam tar a sakino petutna, uni a sa usobor tar o naro ra ke pam tu sakino.” Ra det balu i lena, “Met, met lai? Ui ut!”

A Wakak na Wasiso un o Iesu Karisito o Mak i tumusi 6:15

Ara taro kai det watungi un o Iesu lena, “I, a poropet Elaija.” Ara taro kai det watungi uni lena, “O Iesu, i ara poropet elar nama kum poropet tagun numugu.”

A Wakak na Wasiso un o Iesu Karisito o Mak i tumusi 6:17

Numugu o Erod i tulu ru anun a kum tene inaim sur det in dat pas o Jon. Ra det sa dat pasi, det ker pasi, ma det uruk tari una karabus. O Erod i pami lenri, uni o Jon i inanosi lena, “Ke tokodos ra u nolin nam o Erodias, a urim.” I watungi lenri, uni o Erod i sa sal pas o Erodias, a ino anun o tisino, o Pilip, ra i nolin nami.

Luk 9:9

Ikut o Erod i watungi lena, “A sa tau kutus ru tar in kabaran o Jon, ma iri, osi na musano melet ri, a longoro a kum utna ri uni?” Ra i nem doko i sur in tama o Iesu.