A Wakak na Wasiso un o Iesu Karisito o Mak i tumusi 3:35 - Nupela Testamen long tokples Kandas

³⁵ Uni osi ra i ser mur a nemnem anun o God, i ra o tising a musano, ma o tising a ino, ma o nang.”

A Wakak na Wasiso un o Iesu Karisito o Mak i tumusi 3:35 Σταυροειδείς Αναφορές

Matiu 7:21

“Det ra det watung iau, ‘Labino, Labino,’ awu sur det rop det in ruk una matanitu sapat una langit. Det sot kut, ra det ser mur a nemnem anun o Tita, ra i kis sapat una langit, det in ruk una nun a matanitu.

A Wakak na Wasiso un o Iesu Karisito o Jon i tumusi 7:17

Osi ra i nem na mur a nemnem anun o God, in tasmani lena anung a kum etowo i wan tagai. I wan tagisapat tan o God, o a nuknuking kut.

Epeses 6:6

Gong mot muri kut anundet a wasiso ra det tama mot, sur mot in ugasgas tar det kut. Mot in papam elar nami ra mot a kum tene ititula anun o Karisito, ma mot in pam a pinapam ra o God i nemi, tomo nama anumot a nilaun rop.

Ibru 10:36

Gong a pinimot i ngoro, mot in tur dekdek sur mot in mur a nemnem anun o God, ma numur mot in los pas a kum utna ra i sa uliliman taru uni.

Jems 1:25

Ikut, ra taio in longoro wakak a tokodos na warkurai anun o God, ma in ser muri, ma ke dumano i, a musano ra, in dan una nun a kum pinapam. A warkurai ri, ra in longoro i, i ser ulangolango a taro.

1 Pita 4:2

Ra ke pitar tari mo anun a nilaun una kum laulau na nemnem. I pitar tari mukut sur in mur a nemnem anun o God.

1 Jon 2:17

A rakrakon bual ma a kum laulau na nemnem ra det wanpat taguni, det in rop kut, ikut osi ra i mur a nemnem anun o God, in laun tukum.