Luk 5:30 - Nupela Testamen long tokples Kandas

³⁰ Ikut a kum Parisi tomo nam anundet a kum tene ususer tagun a Warkurai, det pukus anun a kum nat na ususer ra det watungi lena, “Sur asau ra mot wangon ma mot inum tomo nama kum tene los takis ma a kum tene sakino?”

Luk 5:30 Σταυροειδείς Αναφορές

Matiu 5:46

Ra mot nem det kut ra det nem mot, asau mo anumot a ikul? A kum tene los takis, ra ka det lason una marmaris det kai det ser pami lenra.

Matiu 9:11

Ra a kum Parisi det tama i, det ting anun a kum nat na ususer lena, “Sur asau ra anumot a tene ususer i wangon tomo nama kum tene los takis ma a kum tene sakino?”

A Wakak na Wasiso un o Iesu Karisito o Mak i tumusi 2:16

A kum tene ususer tagun a Warkurai ra det Parisi utkai, det tama o Iesu i wangon tomo nama kum tene sakino ma a kum tene los takis, ra det ting anun a kum nat na ususer lena, “Sur asau o Iesu i wangon tomo nama kum tene los takis ma a kum tene sakino?”

A Wakak na Wasiso un o Iesu Karisito o Mak i tumusi 7:3

A kum Parisi tomo nama taro Juda rop det mur a wasiso anun a taro tagun numugu, lena ka det nangon, ra ka det gos mugu pas a kum lamandet.

A Wakak na Wasiso un o Iesu Karisito o Mak i tumusi 9:16

Ra o Iesu i ting det lena, “Asau ra mot engaras uni?”

Luk 18:11

A Parisi i tur ma i wararing suri ut lenri, ‘God, a watung wakak torom ui, uni ka elar nam ara taro kai, a kum tene wolong, det ra ka det tokodos, ma det ra det pam a sakino nam tu ino anun taio o nam tu musano anun taio, ma ka elar kai nama tene los takis iri i.

Luk 19:7

A taro rop det tama i, ra det ururai uni lena, “A musano ri i wan sur in kis tomo nama tene sakino una nun a rumu.”

Luk 5:17

Ara bung ra o Iesu i ususer a taro, a kum Parisi ma a kum tene ususer tagun a Warkurai, kura det kis tomo nami. Det wanpat tagun a kum tamon rop una papor Galili ma una papor Judia, ma tagisapat o Jerusalem kai. Ma a dekdekin a Labino i kis un o Iesu sur in ulangolango a kum misait.

Luk 5:21

A kum tene ususer tagun a Warkurai ma a kum Parisi, det nuknuk doko lena, “Osi na ngas na musano ri? I watung laulau o God uni i wasiso lar i o God. Osi i elar sur in unus ru a kum sakino petutna? O God sot kut.”

Luk 7:34

A Nutun a Musano i wanpat, i wangon ma i inum, ra mot watungi uni lena, ‘Tama i, a musano ri a tene inangon ma a tene ininum, a pasan a kum tene los takis, ma a kum tene sakino.’

Luk 7:39

A Parisi ra i ben pas o Iesu i tama a utna ri, i nuki lena, “Ra a musano ri a poropet mulus, in tasman a ino ri ra i pam aru kikino, ma in tasmani kai a magirano, lena i a sakino ino.”

Aposel 23:9

Ra a labino purpuruon i turpasi, a ramano kum Parisi, det ra a kum tene ususer tagun a Warkurai, det tur, ma det engaras dekdek, ma det watungi lena, “Ka met sio pas tu sakino utna ra a musano ri i raro uni. Dat in lai mo? Sako ra tu nion, o tu ensel i sa wasiso taru toromi.”