Luk 5:17 - Nupela Testamen long tokples Kandas

¹⁷ Ara bung ra o Iesu i ususer a taro, a kum Parisi ma a kum tene ususer tagun a Warkurai, kura det kis tomo nami. Det wanpat tagun a kum tamon rop una papor Galili ma una papor Judia, ma tagisapat o Jerusalem kai. Ma a dekdekin a Labino i kis un o Iesu sur in ulangolango a kum misait.

Luk 5:17 Σταυροειδείς Αναφορές

Matiu 11:5

A kum pulu det sa tamtama, det ra a kikindet i mat det sa wan tokodos, a kum lepra det sa langolango, a kum kutkut det sa longoro, a kum minat det sa laun, ma di warawai nama Wakak na Wasiso torom a kum sibo na taro.

Matiu 15:1

A ramano kum Parisi ma a kum tene ususer tagun a Warkurai det wan tagisapat o Jerusalem torom o Iesu, ma det tingi lena,

A Wakak na Wasiso un o Iesu Karisito o Mak i tumusi 1:45

Ikut a musano ri, i wan ma i wasiso tuptupukus, ra a wasiso uni, i wan sarara. I mo ra, o Iesu ke wan puaso melet un tu tamon. I wan ra i ser kis tuptupukus mukut tiro una kum nubual kalako taro uni. Ikut a taro tagun a kum tamon det ser wan toromi.

A Wakak na Wasiso un o Iesu Karisito o Mak i tumusi 16:18

det in pam a kum sui ra i ser karot doko a taro, ikut ken ban laulau det, ma ra det in inum a sangsagor, ken ban laulau det, ma det in ubek a kum lamandet una kum misait, ra det in langolango.”

A Wakak na Wasiso un o Iesu Karisito o Mak i tumusi 3:22

Ra a kum tene ususer tagun a Warkurai, ra det wan tagisapat o Jerusalem, det watungi lena, “O Belsebul, a labino anun a kum laulau na nion, kura un o Iesu, ra i ser lakro ru a kum laulau na nion nama dekdekin o Belsebul.”

A Wakak na Wasiso un o Iesu Karisito o Mak i tumusi 5:30

Uniutra, o Iesu i taramo a dekdek i wan gusuni, i tupukus torom a kunur na taro ra i iting lena, “Osi ra i tulan anung a saket?”

A Wakak na Wasiso un o Iesu Karisito o Mak i tumusi 7:1

A kum Parisi ma a kum tene ususer tagun a Warkurai ra det wan tagisapat o Jerusalem, det wan tomo torom o Iesu.

Luk 15:2

Ikut a kum Parisi ma a kum tene ususer tagun a Warkurai det ururai un o Iesu lena, “A musano ri, i lason kut tomo nama kum tene sakino, ma i wangon tomo nam det.”

Luk 2:46

Ra der sa sisio pas a tulu bung, der tama torom pasi ubalan in noworo ina rumu na etabor. I kis tomo nama kum tene ususer tagun a Warkurai, i longoro det, ma i ting det.

Luk 5:21

A kum tene ususer tagun a Warkurai ma a kum Parisi, det nuknuk doko lena, “Osi na ngas na musano ri? I watung laulau o God uni i wasiso lar i o God. Osi i elar sur in unus ru a kum sakino petutna? O God sot kut.”

Luk 5:30

Ikut a kum Parisi tomo nam anundet a kum tene ususer tagun a Warkurai, det pukus anun a kum nat na ususer ra det watungi lena, “Sur asau ra mot wangon ma mot inum tomo nama kum tene los takis ma a kum tene sakino?”

Luk 6:19

Ra a taro rop, det nemi sur det in pam a pinin o Iesu, uni a dekdek i pirso gusuni, ma i ulangolango pas det rop.

Luk 7:30

Ikut a kum Parisi ma a kum tene ususer tagun a Warkurai det rosumur gusun a kisapi ra o God i pitari torom det, uni ka det los a baptais anun o Jon.

Luk 8:46

Ikut o Iesu i watungi lena, “Ara pasandet i sa tulan tar iau, uni a tasmani lena, a dekdek i sa wan gusun iau.”

A Wakak na Wasiso un o Iesu Karisito o Jon i tumusi 3:10

O Iesu i balu i lena, “Ui a labino tene ususer anun a taro Israel, ma ilai ra ko tasman a kum utna ri?

A Wakak na Wasiso un o Iesu Karisito o Jon i tumusi 3:21

Ikut, osi ra i murmur a lingmulus, i ser wanpat una talapor, sur din tama pupuaso i lena anun a kum pinapam i kibino ut tan o God.”

Aposel 19:11

O Pol i pam a kum dekdek na utna na ukisin nama dekdekin o God.

Aposel 4:30

Un warut met nama dekdekim sur a kum misait det in langolango, ma a kum utna na ukisin ma a kum ukinalong det in nanpat una risan o Iesu, anum a Tasur na Tultul.”

Aposel 5:34

Ikut ara Parisi, a risano o Gamaliel, a tene ususer tagun a Warkurai, ra a taro rop det ser ru i, i tur una kiwung, ra i watungi lena a kum aposel det in pirso pas munung.