Luk 4:17 - Nupela Testamen long tokples Kandas

¹⁷ Ra di pitar tar a buk anun a poropet Aisaia toromi. I palos pas a buk ra di sa pul tari, ma i tama a dino ra di sa tumus tari lenri,

Luk 4:17 Σταυροειδείς Αναφορές

Luk 16:29

Ra o Abaram i balu i lena, ‘A wasiso anun o Moses ma a kum poropet kura i kis torom det. I wakak sur det in longoro i.’

Luk 20:42

Uni o Dewid ut i watungi una Buk Song una Buk Tabu lena, ‘A Labino i watungi torom anung a Labino lena, “Un kis una papor sot na lamang,

Luk 4:16

O Iesu i wanpat tiro o Nasaret, a tamon ra i labo pat iai, ma i ruk una rumu na lotu una Bung na Sabat, elar nama nun a petutna ut, ma i tur sur in luluk.

Luk 4:18

“A Nion a Labino i kis un iau, uni i sa pilok pas iau sur an warawai nama wakak na wasiso torom a kum sibo na taro. I tulu ru iau sur an warawai lenri, din palos ru det ra di sa ker ukai tar det, din utamtama melet a kum pulu, din ulangolango ru det ra det taramo a mamaut ra di sa pam tari un det,

Luk 4:20

I pul melet tar a buk ra, i pitar tari torom a tene pinapam tagun a rumu na lotu, ma i kis melet. A taro rop una rumu na lotu det tama dekdeki,

Aposel 13:15

Ra di sa luk tar a kum wasiso tagun a Buk na Warkurai anun o Moses, ma a kum wasiso anun a kum poropet, a kum mugumugu tagun a rumu na lotu det pitar a wasiso torom der lena, “Aru tistisi met, ra tu wasiso na ururagot kura sur mur in inanos a taro nami, mur in wasiso kut.”

Aposel 13:27

A taro ra det kis sapat o Jerusalem, tomo nam anundet a kum mugumugu, ka det tama lele o Iesu, lena i a Tene Ulaun, ma ka det tasman a kum wasiso ra a kum poropet det sa tumus tari, ra di ser luki una kum Bung na Sabat. Ikut ra det mulaot tar o Iesu sur in mat, det pam sot pas a wasiso anun a kum poropet.

Aposel 7:42

Ikut o God i rosumur gusun det, ma i madek ru det sur det in lotu torom a kum nangnang, elar nami ra di sa tumus tari una buk anun a kum poropet lena, ‘Mot a taro Israel, una wat na noino kilalo ra mot kis una nubual kalako taro uni, ka mot etabor torom iau, ma ka mot um doko tu wewegua sur mot in etabor nami torom iau.