Luk 22:52 - Nupela Testamen long tokples Kandas

⁵² O Iesu i wasiso torom a kum lamlabino tene etabor torom o God, ma a kum mugumugu anun a kum tene tamtamabat tagun a rumu na etabor, ma a kum mugumugu anun a taro ra det wanpat suri. I watungi lena, “Pepetlai, kutiro iau a tene inaim ma a tene wolong, sur i mo ri mot wanpat nama kum totok na inaim ma a kum nalnal sur iau?

Luk 22:52 Σταυροειδείς Αναφορές

Matiu 26:47

Ra o Iesu i wasiso utmakai, o Judas, ara tagun a noino ma aru nat na ususer, i wanpat, det nama kunur na taro. Det los a kum totok na inaim ma a kum nalnal. A kum lamlabino tene etabor torom o God ma a kum mugumugu anun a taro, det tulu ru det.

Matiu 26:55

Una du bung ra, o Iesu i watungi tan a kunur na taro lena, “Pepetlai, kutiro iau a tene inaim ma a tene wolong, sur i mo ri mot wanpat nama kum totok na inaim ma a kum nalnal sur mot in pam ukai pas iau? Una kum bung rop a ser kis ubalan in noworo ina rumu na etabor, a ser ususer a taro, ma ka mot pam ukai iau.

Luk 22:37

A watungi tamot, din pam sot pas a tumtumus ri un iau, ‘Di watung tomo det nama kum tene sakino.’ Ais 53:12 Uni a kum utna ri di sa tumus tari un iau, milau mo din pam sot pasi.”

Luk 22:4

I wan torom a kum lamlabino tene etabor torom o God, ma a kum mugumugu anun a kum tene tamtamabat tagun a rumu na etabor, ra i wasiso tomo nam det sur in pitar petlan tar o Iesu ulamandet.

Luk 22:51

Ra o Iesu i turbati lena, “Gong!” Ra i pam in talngan a tultul, ma in talngano i wakak melet.

Luk 22:53

Una kum bung rop dat ser kis tomo ubalan in noworo ina rumu na etabor ma ka mot pam ukai iau. Ikut uniri anumot a du bung, ra a dekdekin a dumirum i mugu mot.”

A Wakak na Wasiso un o Iesu Karisito o Jon i tumusi 17:12

A kis tomo nam det, ra a tamtamabat det nama dekdekin a risam, a rising ra u pitar tari tang. A tamtamabat det, ma kataio tagun det i iru. Ara sot kut in iru, o Judas, i ra i wan sur a iniru tukum. I wanpat lenra, sur din pam sot pas a wasiso ra di sa tumus tari una Buk Tabu.

Aposel 5:26

Ra a kum tene tamtamabat ma anundet a mugumugu det ben pas a kum aposel. Det ben wakak pas det kut, uni det ngaran a taro, sako det in dukuduku det.