Luk 21:35 - Nupela Testamen long tokples Kandas

³⁵ Uni in nanpat torom a taro rop una rakrakon bual.

Luk 21:35 Σταυροειδείς Αναφορές

Luk 17:37

Ma a kum nat na ususer det tingi lena, “Labino, a kum utna ri in nanpat awai?” Ra i balu det lena, “A nubual ra a minat i inep uni, a kum kotkot det in nan tomo iai.”

Luk 21:34

“Mot in tumarong mot, sako mot in balon nama pam lukaro ma a ininum, ma a nginara sur a kum utna una nilaun nin upiso, ma a bung ra in nanpat kisin torom mot elar namin nukun.

Luk 21:36

Mot in tumarong mot una kum bung rop, mot in wararing sur mot in dekdek sur mot in walip gusun a kum utna rop ri ra milau det in nanpat. Ma mot in wararing kai sur mot in pet lar pasi sur mot in tur umatan a Nutun a Musano.”

Aposel 17:26

O God i ukis tar a mugano musano. Ra tagun a musano ra, a kum kabotaro rop det wanpat taguni, ma det kis una rakrakon bual rop. Una nuknukino ut i nuki lena det in kis awai, ma nangisin det in nanpat, ma nangisin det in rop melet.

Tamtama 16:15

“Tama i, an nanpat elar nama tene wolong. Osi ra i kis na tamtamabat ma i waninar anun a kum malu, i dan, sur gong i mengere ma i maimai.”