Luk 10:34 - Nupela Testamen long tokples Kandas

³⁴ I wan toromi, i lingis tar a wel ma a wain una nun a kum inangon ma i pulus bat tar det. I ukas pasi una nun a dongki, ra i usirok tari una rumu na usiro, ra i tamtamabati.

Luk 10:34 Σταυροειδείς Αναφορές

A Wakak na Wasiso un o Iesu Karisito o Mak i tumusi 14:8

A ino ri i sa pam sot pas a utna ra i elar sur in pami. I sa lingis tar in nopolo sangsangnain ri una pining, sur in waninar mugu iau sur a bung ra an mat ma din uruk a minating una kulam na minat.

Luk 10:33

“Ikut ara te Samaria i wan nanan, i wan taru una musano ra, ra i tama i, i maris doko i.

Luk 10:35

Una bung numur tano, i los pas aru denaria, i pitar tari torom a taman a rumu, ma i watungi tano lena, ‘Un tamtamabati. Ra an milet melet, an balu melet asau kai ra u tabor tari nami.’

Luk 2:7

ra i usus pas a mugano nutunu, a nat musano. Ma i pulusi nama kum malu anun a nat, ma i inep tari una boks na inangon ana kum wewegua, uni a rumu na usiro i sa bukus pas gusun detul.

A Pas anun o Pol torom a taro Rom 12:20

Ikut mot in pami lenri, “Ra anum a ebar i murak un tabori, ra i muruk un tabori nam lako danim. Ra un pami lenra toromi, in maimai una nun a sakino petutna.” Snd 25:21-22

1 Tesalonaika 5:15

Gong mot balu a sakino nama sakino. Mot in dekdek sur mot in pam a wakakino etetalai torom mot, ma torom a taro rop kai.