Kolosi 3:22 - Nupela Testamen long tokples Kandas

²² Mot a kum tene ititula, mot in mur a wasiso anun anumot a kum mugumugu taginin upiso una kum pinapam rop. Gong mot papam wakak kut ra det tama mot, sur mot in ugasgas tar det kut. Mot in papam wakak torom det nama lingmulusino tiro ubalamot, ma a urur torom a Labino.

Kolosi 3:22 Σταυροειδείς Αναφορές

Matiu 6:22

“Arin matandat der elar nama lam tagun a pinindat. Ra arin matam der wakak, a pinim rop in bukus nama talapor.

Matiu 8:9

Uni iau a musano ra a ser mur a warkurai anundet ra det labo tang, ma di pitar tar a warkurai kai tang sur a taro na inaim. Ra an watungi tan taio lena, ‘Un nan,’ in nan kut. Ma torom taio kai lenri, ‘Un nan urin,’ in nan kut urin. Ma torom anung a tultul lena, ‘Un pam a utna ri,’ in pami kut.”

Luk 6:46

“Ilai ra mot watung iau ‘Labino, Labino,’ ma ka mot pam asau ra a watungi tamot?

Luk 7:8

Uni iau a musano ra a ser mur a warkurai anundet ra det labo tang, ma di pitar tar a warkurai kai tang sur an warkurai sur a taro na inaim. Ra an watungi tan taio lena, ‘Un nan,’ in nan kut. Ma torom taio kai lenri, ‘Un nan urin,’ in nan kut urin. Ma torom anung a tultul lena, ‘Un pam a utna ri,’ in pami kut.”

Aposel 2:46

Det ser kis tomo ubalan in noworo ina rumu na etabor una kum bung rop. Ra det ser wangon tomo una nundet a kum rumu nama gasgas ma a lingmulus ubalandet.

2 Korin 7:1

A kum wakak na paspasang, dat sa rakon pas a kum liliman ri, ra i wakak sur dat in utalapor pas dat gusun a kum utna rop ra i udur a pinindat ma a niondat. Ma dat in talapor rop, uni dat urur doko torom o God.

Galesia 1:10

Ka nemi sur a taro det in ulabo pas iau, a nemi sur o God ut in gas nam iau. Ka nem na ugasgas a taro kut. Ra an ugasgas a taro kut, awu sur iau a tultul anun o Karisito.

Kolosi 3:20

A kum nat liklik, mot in ser mur a wasiso anun a kum tamtama mot ma a kum nanamot una kum utna rop, uni a Labino i gas ra mot ser pami lenra.

1 Tesalonaika 2:4

Awu! Metul wasiso puaso nama Wakak na Wasiso, uni o God i sa lar tar metul, ma i nurnur un metul lena metul in pami. Ka metul wasiso puaso sur metul in ugasgas a taro nami, awu, sur o God ut in gas nami, i ra i ser lar tar a nuknuki metul.

Pilimon 1:16

Uniri ken elar melet mo nama tene ititula, in elar nama tisimlik mulus una nurnur. A nem doko i, ikut a tasmani lena, anum a marmaris toromi i labo taun a marmaris ra a marisi nami, uni, i anum a tene pinapam ma a tisimlik kai una Labino.