Kolosi 2:17 - Nupela Testamen long tokples Kandas

¹⁷ A kum warkurai ri, det elar kut nama malalar ina utna ra in nanpat numur. Ikut, a utna mulus, i o Karisito.

Kolosi 2:17 Σταυροειδείς Αναφορές

A Wakak na Wasiso un o Iesu Karisito o Jon i tumusi 1:17

Un o Moses, o God i pitar tar a Warkurai torom dat, ikut un o Iesu Karisito i pitar tar a marmaris ma a lingmulus torom dat.

Ibru 10:1

A Warkurai anun o Moses i elar kut nama malalarin a kum wakak na utna ra numur in nanpat, awu sur det a kum utna mulus. I mo ra, a Warkurai anun o Moses ra i watungi lena det in ser etabor una kum kilalo rop, ken utokodos lar pas a taro ra det wan milau o God sur det in lotu toromi.

Ibru 8:5

A pinapam na etabor det ser pami una rumu na etabor, ra i elar kut nama malalar ina rumu kusapat una langit. Iri a kibino ra o God i utumarong o Moses, ra i waninar sur in pam a rumu na sel sur det in ser tun etabor uni. I watungi tano lena, “Tamtama wakak taru ut! Un pam a kum utna rop, elar ut nama malalar ina rumu ra a sa ese tar ui uni sapat netes una tangai.” Kis 25:40

Ibru 9:9

Iri a malalar sur a kum kilalo ri. I kukuraino lena a kum etabor ra ka di tuni ma a kum etabor kai ra di ser tuni, ra di etabor torom o God nami, ka det in gos lar pas in balan taio ra i etabor nami sur in talapor umatan o God.