A Wakak na Wasiso un o Iesu Karisito o Jon i tumusi 9:17 - Nupela Testamen long tokples Kandas

¹⁷ Ara dino melet a kum Parisi det ting a musano ra lena, “Asau un watungi una musano ra i utamtama pas ui?” I balu det lena, “I ara poropet.”

A Wakak na Wasiso un o Iesu Karisito o Jon i tumusi 9:17 Σταυροειδείς Αναφορές

Matiu 21:11

Ra a taro ra det wan tomo nami, det watungi lena, “A musano ri i o Iesu, a poropet tagitong o Nasaret una papor Galili.”

Luk 24:19

Ra i ting der lena, “A kum utna na sau?” Ma der balu i lena, “A kum utna un o Iesu a te Nasaret. I ara poropet, ra i ser pam a kum dekdek na pinapam, ma anun a wasiso kai i dekdek, umatan o God ma a taro rop.

A Wakak na Wasiso un o Iesu Karisito o Jon i tumusi 4:19

A ino i balu i lena, “Labino, uniri, a tasmani lena ui a poropet.

A Wakak na Wasiso un o Iesu Karisito o Jon i tumusi 6:14

A taro det tama a ukinalong ri i pami, ra det watungi lena, “I lingmulus ut, a musano ri, i a poropet ra di watungi lena in nanpat urin una rakrakon bual.”

A Wakak na Wasiso un o Iesu Karisito o Jon i tumusi 9:15

I mo ra a kum Parisi det ting melet a musano lena, “Di utamtama petlan pas ui?” I balu det lena, “I talus tar arin matang nama pikaio, a gos pasi, ra a tamtama mut.”

Aposel 10:38

Mot tasmani lena, o God i sa pitar tar a Tokodos na Nion ma a dekdek torom o Iesu, a te Nasaret. Mot tasmani kai lena, i wan tuptupukus, ra i pam a kum wakak na pinapam, ma i ulangolango pas det rop ra det kis utuntudu ina dekdekin o Satan. O Iesu i pam a kum utna ri, uni o God i kis tomo nami.

Aposel 2:22

“A taro Israel, mot in longoro iau. An inanos mot un o Iesu, a te Nasaret. Mot ut mot tasmani lena, una dekdekin o God i pam a kum utna na ukisin, ma a kum dekdek na pinapam ma a kum ukinalong. I pami epotor torom mot, sur o God in ese i torom mot lena, i ut i tulu ru i.