A Wakak na Wasiso un o Iesu Karisito o Jon i tumusi 8:44 - Nupela Testamen long tokples Kandas

⁴⁴ A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

A Wakak na Wasiso un o Iesu Karisito o Jon i tumusi 8:44 Σταυροειδείς Αναφορές

Matiu 12:34

Mot a kum nutnutun a kum sui! Mot ra a laulau na taro, mot in watung petlan tu wakak na wasiso? Uni a wan a taro i watung puaso a petutna ra i bukus una nundet a nilaun.

Matiu 13:15

Uni a balan a taro ri i dekdek, ma a taltalngan det i kutkut, ma a matmatan det i pulu. Ra gunuk det in tamtama lele nama matmatan det, ma det in longoro lele nama taltalngan det, ma det in tastasman nama nuknukin det, sako det in tupukus torom iau, ma iau ut, an ulaun pas det.’ Ais 6:9-10

Matiu 13:38

A kinobot, i a rakrakon bual, ma a kum wakak na pitino wit, det a taro tagun a matanitu tagisapat una langit, ma a kum karapa, det a kum nutnutun a Laulau na Musano,

A Wakak na Wasiso un o Iesu Karisito o Jon i tumusi 6:70

O Iesu i watungi tandet lena, “A sa pilok pas mot, a noino ma aru, niko? Ikut ara tagun mot, i a turangon kut!”

A Wakak na Wasiso un o Iesu Karisito o Jon i tumusi 7:17

Osi ra i nem na mur a nemnem anun o God, in tasmani lena anung a kum etowo i wan tagai. I wan tagisapat tan o God, o a nuknuking kut.

A Wakak na Wasiso un o Iesu Karisito o Jon i tumusi 8:38

A wasiso un asau ra a tama i tan o Tita, ma mot kai, mot pam asau ra mot longoro i tan a tamamot.”

A Wakak na Wasiso un o Iesu Karisito o Jon i tumusi 8:41

Mot, mot pami ut a kum pinapam ra a tamamot i pami.” Det watungi tan o Iesu lena, “Awu sur di usus oros tar met kut, a tamamet ut ra o God.”

A Wakak na Wasiso un o Iesu Karisito o Jon i tumusi 8:55

Mot, ka mot tasman o God, ikut iau, a tasmani. Ra an watungi lena ka tasmani, iau kai a tene torotoro elar nam mot. A tasman o God, ma a ser mur anun a wasiso.

Aposel 13:10

ma i watungi tano lena, “Ui a nutun o Satan, a ebar anun a kum tokodos na petutna rop. U bukus nama kum ngas na torotoro ma a kum usobor. U pukus liklik a tokodos na kisapi anun a Labino. Nangisin mo un mana gusun anum a petutna ra?

Aposel 24:9

Numur a ramano taro Juda kai det warut una etakun, det watungi lena, a kum wasiso ri i lingmulus ut.

Aposel 5:3

Ra o Pita i watungi tano lena, “Ananias, pepetlai ra u mulaot pas o Satan sur in ruk unin balam ra u toro a Tokodos na Nion? Asau a kibino ra u munu pas ara kukur mani ra di sa kul tar a du piso nami?

2 Korin 11:3

Ikut uniri, a ngara, sako din ben raro a nuknuki mot gusun anumot a petutna ra katu dur uni, ma anumot a nurnur mulus un o Karisito, elar namin nusui i toro pas o Iwa.

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

2 Pita 2:4

O God ke maris bat a kum ensel ra det pam a sakino petutna. I woro pirso ru det unin labino tung ra i dumirum doko, ma di ker ukai tar det, ma det kis langlang pas a bung na warkurai.

1 Jon 1:8

Ra dat watungi lena, ka dat pam tar tu sakino petutna, dat toro melet pas dat ut, ma a lingmulusino ke kis un dat.

1 Jon 2:21

Awu sur a tumtumus torom mot uni ka mot tasman a lingmulusino, awu. A tumtumus torom mot uni mot sa tasman a lingmulusino, ma katu torotoro i ser wanpat taguni.

1 Jon 2:4

Ra taio i watungi lena, “A sa tasman o God,” ikut, ke mur anun a kum warkurai, i a tene torotoro, ma a lingmulusino ke kis uni.

1 Jon 3:12

Ma gong dat elar nam o Kain, i ra anun o Satan, ra i um doko ru o tisinolik o Abel. Asau a kibino ra i um doko i? Uni a magirano i laulau, ma a magiran o tisinolik i tokodos.

1 Jon 3:15

Osi ra i nget o tisino, i a tene um doko a taro, ra mot tasmani lena a nilaun tukum ke kis un det a kum tene um doko a taro.

A Pas anun o Jud 1:6

Ma a kum ensel kai, ra ka det gas una kum pinapam ra o God i sa tibo tar det nami, det wan gisen gusun a kinkinis anundet. Ra o God i sa ker ukai tar det nama kum sen, ra in kis tukum. Ma det sa kis una dumirum ra det kis langlang pas a labino bung ra din warkurai det.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

Tamtama 13:14

I toro a taro ra det kis nin una rakrakon bual, kibino una kum ukinalong ra i pami nama dekdek, ra di pitar tari tano sur in warut a mugano kuabor na wewegua nami. I inanos det sur det in pam a malalar ina mugano kuabor na wewegua sur det in urur uni. A mugano kuabor na wewegua ra numugu di so tari namin totok na inaim, ikut i laun ut.

Tamtama 2:10

Gong mot ngaran a kum ngunungut ra milau mo in monong mot. Tama i, o Satan in uruk tar a ramano taro tagun mot una karabus sur in lar mot, ma mot in taramo a ngunungut una noino bung. Ra a taro det nem na um doko mot, mot in tur dekdek ut una numot a nurnur, ra an pitar tar a nilaun torom mot elar nami ra di pitar a ikul torom taio ra i winim pas a kinalabor.

Tamtama 21:8

“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

Tamtama 22:15

Ikut a kum pap, ma a kum tene sangsagor, ma det ra det pam a kum pamuk na petutna, a kum tene um doko a taro, a kum tene lotu torom a kum torotoro na god, ma det ra det nem a torotoro ma det pami, kura det upiso unin noworo.

Tamtama 9:11

A ensel tagun in labino tung ra katu tuktukino, i ra anundet a king. Di watungi o Abadon una wasiso Ibru, ma o Apolion una wasiso Grik.