A Wakak na Wasiso un o Iesu Karisito o Jon i tumusi 7:31 - Nupela Testamen long tokples Kandas

³¹ A susut tagun a kunur na taro det nurnur uni, ra det watungi lena, “A musano ri i pam tar a susut na utna na ukisin. Pepetlai, kutiro a Karisito ut ri?”

A Wakak na Wasiso un o Iesu Karisito o Jon i tumusi 7:31 Σταυροειδείς Αναφορές

Matiu 12:23

Ra a taro rop det kisin, ma det iting lena, “Kutiro a Nutun o Dewid ut ri?”

Luk 8:13

Ra a kum pitino ra det puku una nubual na watat, det elar nama taro ra det longoro a wasiso, ra det pam ukai i nama gasgas. Ikut kalako wakakorin det, anundet a nurnur ke tur suano i. Ra a kum larlar i wanpat torom det, det puku.

A Wakak na Wasiso un o Iesu Karisito o Jon i tumusi 11:45

I mo ra a susut na te Juda ra det kis nisan o Maria, det tama a utna ri o Iesu i pami, ma det nurnur uni.

A Wakak na Wasiso un o Iesu Karisito o Jon i tumusi 12:11

Uni a susut na te Juda det wan gusun det ma det nurnur un o Iesu, i kibino un o Lasarus.

A Wakak na Wasiso un o Iesu Karisito o Jon i tumusi 12:42

A susut na taro det nurnur un o Iesu. A ramano kum mugumugu kai tagun a taro Juda det nurnur, ikut ka det wasiso puaso uni, sako a kum Parisi det in turbat ru det gusun a kum rumu na lotu.

A Wakak na Wasiso un o Iesu Karisito o Jon i tumusi 2:11

Iri a mugano ukinalong ra o Iesu i pami. I pami tong o Kana una papor Galili. A ukinalong ra, i ese puaso anun a minamar, ma anun a kum nat na ususer det nurnur uni.

A Wakak na Wasiso un o Iesu Karisito o Jon i tumusi 3:2

I wan torom o Iesu una ra bung na mirum ma i watungi tano lena, “Tene ususer, met tasman ui ra ui a tene ususer, ra o God i tulu ru ui. Katu musano in pam lar pas a kum ukinalong ra u ser pami, ra o God ke kis tomo nami.”

A Wakak na Wasiso un o Iesu Karisito o Jon i tumusi 4:29

“Ai, mot iap, sur mot in tama ara musano, i inanos iau una kum utna rop ra a sa pam tari numugu. Kutiro i a Mesaia?”

A Wakak na Wasiso un o Iesu Karisito o Jon i tumusi 4:39

A susut na te Samaria tagun a tamon ra, det nurnur un o Iesu. Det nurnur kibino una wasiso anun a ino, ra i watungi tandet lena, “I inanos iau una kum utna rop ra a sa pam tari numugu.”

A Wakak na Wasiso un o Iesu Karisito o Jon i tumusi 6:2

A labino kunur na taro det muri, uni det sa tama tar a kum ukinalong ra i pami una kum misait.

A Wakak na Wasiso un o Iesu Karisito o Jon i tumusi 7:26

Tama i, iri i tur ma i wasiso umatan a taro, ma ka det wasiso balu i. Pepetlai, kutiro a kum mugumugu det sa tasmani lena i a Karisito?

A Wakak na Wasiso un o Iesu Karisito o Jon i tumusi 9:16

A ramano kum Parisi det watungi lena, “A musano ra i pam a utna ri, i awu sur tagun o God, uni i papam una Bung na Sabat.” A ramano kai det watungi lena, “Ra a musano ri a sakino musano, in pam petlan a kum utna na ukisin ri?” Ra a nuknukin det ke takai uni.

Aposel 8:13

O Saimon utkai i nurnur, ma di baptaiso tari. I mur likliki mukut o Pilip, ra i tama a kum ukinalong ma a kum utna na ukisin ra o Pilip i pami, ra i kisin doko uni.

Jems 2:26

Taio ra a niono i wan gusuni, i a minatino. Lenkutkai lar a nurnur, ra ke wan tomo nam lako wakak na pinapam, a nurnur ra, a minatino kut.