A Wakak na Wasiso un o Iesu Karisito o Jon i tumusi 5:19 - Nupela Testamen long tokples Kandas

¹⁹ O Iesu i balu det lena, “A inanos mot nama lingmulus, a Nutun o God ken pam oros pas tu utna elar nam anun a nemnem, in pami kut a kum utna ra i tama o Tamano i ser pami. Uni a kum utna rop ra o Tamano i pami, o Nutunu kai in pami.

A Wakak na Wasiso un o Iesu Karisito o Jon i tumusi 5:19 Σταυροειδείς Αναφορές

Matiu 26:39

I wan lilik taru usa numugu, i puku tuntudung taru una piso, ma i wararing lena, “Tita, ra gunuk in sot, un los ru a kap na mamaut ri gusun iau. Ikut gong u mur anung a nemnem, un muri ut anum a nemnem.”

Luk 21:15

Uni iau ut, an unuk tar a wasiso ma a mananos kai una nuknuki mot, ra anumot a kum ebar rop, ka det in balu lar pasi, ma ka det in ipul ru i.

A Wakak na Wasiso un o Iesu Karisito o Jon i tumusi 10:18

Kataio in rakon ru anung a nilaun, iau ut an pitari. Iau ut a utur ukai a dekdek sur an pitari, ma iau ut a utur ukai a dekdek sur an los melet pasi. Iri i a pinapam ra o Tita i tulu ru iau sur an pami.”

A Wakak na Wasiso un o Iesu Karisito o Jon i tumusi 12:49

Uni a kum wasiso ra a sa watung tari, awu sur anung. O Tita ut i tulu ru iau nami urin, sur an wasiso kut nami.

A Wakak na Wasiso un o Iesu Karisito o Jon i tumusi 12:50

Ma a tasmani lena anun a warkurai i pitar a nilaun tukum. A kum wasiso a watungi, o Tita i tulu ru iau nami sur an watungi.”

A Wakak na Wasiso un o Iesu Karisito o Jon i tumusi 14:10

Pepetlai, ko nurnur lena iau kura un o Tita, ma o Tita kuri un iau? A kum wasiso ra a watungi tamot, awu sur anung. O Tita ra kuri un iau i pam anun a pinapam.

A Wakak na Wasiso un o Iesu Karisito o Jon i tumusi 2:19

O Iesu i balu det lena, “Mot in rege ru a rumu ri anun o God, ma an utur melet pasi kut un lako tulu bung.”

A Wakak na Wasiso un o Iesu Karisito o Jon i tumusi 3:3

O Iesu i balu i lena, “A inanos ui nama lingmulus, osi ra ka di usus matoki, ken tama lar pas a matanitu anun o God.”

A Wakak na Wasiso un o Iesu Karisito o Jon i tumusi 5:21

O Nutunu in tabor det ra i nemi sur in tabor det nama nilaun, elar nam o Tamano i ukatutur pas a kum minat, ma i tabor det nama nilaun.

A Wakak na Wasiso un o Iesu Karisito o Jon i tumusi 6:38

Uni a wan pirso tagisapat una langit sur an muri ut a nemnem anun o Tita, i ra i tulu ru iau urin. Awu sur a wan pirso sur an mur a nuknuking, awu.

A Wakak na Wasiso un o Iesu Karisito o Jon i tumusi 8:28

Ma o Iesu i watungi lena, “Ra mot in utur toto a Nutun a Musano usapat netes, mot in tasmani lena iau ut ri iau, ma mot in tasmani kai lena awu sur iau sot kut a papam, o Tita i ususer iau un asau ra a watungi.

A Wakak na Wasiso un o Iesu Karisito o Jon i tumusi 9:4

I wakak sur dat in pami ut a kum pinapam anun o naro ra i tulu ru iau urin ra i waspi utmakai. Ra i sa mirum, kataio melet mo in pet lar pasi sur in papam.

Aposel 2:24

Ikut, o God i ukatutur melet pasi, ma i los ru a minat gusuni, uni a minat ke pam ukai lar pasi.

A Pas anun o Pol torom a taro Rom 6:4

Lenra, ra di baptaiso dat, dat mat tomo nami ma di por tomo dat kai nami. O God a Tamandat i ukatutur pas o Karisito gusun a minat nama minamarino, lenkutkai ra dat in laun nama matok na nilaun.

A Pas anun o Pol torom a taro Rom 8:11

A Nion o God, ra i ukatutur pas o Iesu gusun a minat, i laun un mot. Una pinapam anun a Niono ra i laun un mot, i ra i ukatutur pas o Karisito gusun a minat, in pitar a nilaun una pinimot, ra i ser mat.

1 Korin 15:12

Ra di warawai un o Karisito ra o God i ukatutur melet pasi gusun a minat, sur asau ra ara taro kura epotor tamot det watungi lena kalako katkatutur melet gusun a minat?

2 Korin 4:14

Uni met tasmani lena o God, i ra i sa ukatutur melet pas a Labino o Iesu gusun a minat, lenkutkai ra in ukatutur melet pas met tomo nam o Iesu, ra in ben pas met tomo nam mot, sur dat in kis tomo nami umatan o God.

2 Korin 5:10

Uni dat rop dat in tur sa numugu tan a kiskis na warkurai anun o Karisito. Dat taktakai, dat in los a ikul una kum utna ra dat sa pam tari una nilaun nin upiso, a wakakino, o a laulau ino.

Epeses 2:5

Ra dat mat una nundat a kum sakino petutna, i ulaun pas dat tomo nam o Karisito. O God i sa ulaun pas mot, kibino kut una nun a marmaris.

Epeses 3:16

Ma o God anun a ululeng i bukus nama minamar. Ra a wararing sur in tabor mot nama Niono, sur in udekdek a niomot,

Pilipai 3:21

In pukus pas a pinindat ra ke dekdek, sur in elar nama pinino ra i bukus nama minamar. In pukusi nama dekdekino. A dekdekino ra i papam nami sur in ubek tar a kum utna rop utuntudu in anun a warkurai.

Pilipai 4:13

A pet lar pas a kum utna rop kibino un o Karisito ra i udekdek iau.

Kolosi 1:11

Ra o God in udekdek mot nama dekdek rop, tagun a wakak na labino dekdekino, sur mot in kis wowowon ma mot in tur dekdek una kum maut rop ra mot taramo i. Ma mot in gas,

Kolosi 1:16

Uni o God i ukis tar a kum utna rop una dekdekin o Karisito: a kum utna sapat una langit ma a kum utna nin upiso, a kum utna ra di ser tama det ma a kum utna ra ka di ser tama det, lenri, a kum nion ra det kiskis na labino, a kum nion ra det utur ukai a dekdek, a kum nion ra det mugumugu, ma a kum nion ra det utur ukai a warkurai. Un o Karisito, o God i ukis a kum utna rop, ma i ukis det sur det anun o Karisito.

1 Tesalonaika 4:14

Dat nurnur lena o Iesu i mat, ma i laun melet. I mo ra dat nurnur lena, det ra det nurnur un o Iesu, ma det sa mat, o God in ukatutur det ma det in nan tomo nam o Iesu, ra in milet melet.

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

Tamtama 2:23

Ma an um doko a kum nutnutun o Jesabel, sur a taro na lotu rop det in tasmani lena, a tasman a balan a taro ma a nuknukin det rop, ma an balu i torom mot taktakai elar ut nam anumot a kum pinapam.