A Wakak na Wasiso un o Iesu Karisito o Jon i tumusi 4:10 - Nupela Testamen long tokples Kandas

¹⁰ Ikut o Iesu i balu i lena, “Ra u tasman a etabor anun o God, ma u tasman osi kai ra i saring ui sur lako danim, un saringi, ma in tabor ui nama danim na nilaun.”

A Wakak na Wasiso un o Iesu Karisito o Jon i tumusi 4:10 Σταυροειδείς Αναφορές

Luk 11:13

Mot a laulau na taro, ikut mot tasmani ut a wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama Tokodos na Nion.”

A Wakak na Wasiso un o Iesu Karisito o Jon i tumusi 16:3

A taro det in pam a kum utna ri torom mot, uni ka det tasman mir nam o Tita.

A Wakak na Wasiso un o Iesu Karisito o Jon i tumusi 17:3

A nilaun tukum i lenri: A taro det in tasman ui, ra ui kut a God mulus, ma det in tasman o Iesu Karisito kai, i ra u tulu ru i urin.

A Wakak na Wasiso un o Iesu Karisito o Jon i tumusi 3:16

“O God i maris a rakrakon bual, ra i pitar tar o Nutunu ara sot kut, sur osi ra in nurnur uni, in laun tukum ma ken iru.

A Wakak na Wasiso un o Iesu Karisito o Jon i tumusi 4:14

Ikut det ra det in inum a danim ra an tabor det nami, ka det in muruk melet mo. A danim ra an tabor det nami, in elar nam ara matmatano danim una nundet a nilaun, ra in burburak pat ma in tabor det nama nilaun tukum.”

A Wakak na Wasiso un o Iesu Karisito o Jon i tumusi 6:35

O Iesu i balu det lena, “Iau ut a beret na nilaun. Osi ra in nan torom iau ken murak, ma osi ra in nurnur un iau ken muruk melet mo.

A Wakak na Wasiso un o Iesu Karisito o Jon i tumusi 6:51

Iau ut a beret ra i laun, ra i wan pirso tagisapat una langit. Osi ra in nangon tagun a beret ri, in laun tukum. A lingmulus, a beret ra an etabor nami, i a pining. A pitari sur a taro una rakrakon bual det in laun nami.”

Aposel 9:11

Ra a Labino i watungi tano lena, “Un katutur, ma un nan sur a rumu anun o Judas, una kisapi di watungi nama Tokodos na Kisapi, ma un iting sur o Sol, a te Tasus, kurong i wararing.

A Pas anun o Pol torom a taro Rom 8:32

O God ke maris bat o Nutunu, awu. I pitar tari kut sur in mat sur dat rop. Ra i pitar tar o Nutunu sur in mat sur dat, in pitar orosi utkai a kum wakak na utna rop torom dat.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

1 Korin 10:4

ma det inum tagun ara danim na Nion kut, uni det inum tagun a wat na Nion, ra i wan tomo nam det. Ma a wat na Nion ra, i o Karisito.

2 Korin 9:15

Dat in watung wakak sakit torom o God, una nun a labino etabor, ra kataio in watung palos lar pasi.

Epeses 2:8

O God i maris mot ra i ulaun pas mot ra mot nurnur. Awu sur mot ut mot kibino uni, a etabor kut anun o God torom mot.

Ibru 6:4

Katutaio in ben pukus lar pas a taro sur det in nukpukus torom o God ra det sa wan gisen gusuni. Det sa tasman tar a talapor anun o God, det sa wan tama tar a etabor tagisapat una langit, det sa los pas a Tokodos na Nion,

1 Jon 5:20

Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.

Tamtama 21:6

Ma i watungi tang lena, “I sa rop! Iau a Alpa ma a Omega, a turturkibino ma a ururopino. Osi ra i muruk an inumi nama danim tagun a matmatano danim, a danim na nilaun, ra ken kuli.

Tamtama 22:17

A Tokodos na Nion ma a matok na nolin na ino, der watungi lena, “Wan urin!” Ma osi ra in longoro i, i kai in watungi lena, “Wan urin!” Osi ra i muruk, i wakak sur in nan urin, ma osi ra i nemi, in inum tagun a danim na nilaun ra ka din kuli.

Tamtama 7:17

Uni a Barman na Sipsip ra i kis epotor una kiskis na king, i anundet a tene tamtamabat. In mugu det sur a kum matmatano danim na nilaun. Ma o God in wus ru a kum lurlur na matandet rop.”