A Wakak na Wasiso un o Iesu Karisito o Jon i tumusi 3:27 - Nupela Testamen long tokples Kandas

²⁷ O Jon i watungi tandet lena, “Kataio in pam pas tu utna ra o God ke pitar tari tano.

A Wakak na Wasiso un o Iesu Karisito o Jon i tumusi 3:27 Σταυροειδείς Αναφορές

Matiu 21:25

Tagai a dekdek ra o Jon i baptaiso a taro nami? Tan o God, o tan a taro kut?” Ra det wasiso etetalai torom det lena, “Ra dat in watungi lena, ‘Tan o God,’ in balu dat kut lena, ‘Sur asau ra ka mot nurnur uni?’

Matiu 25:15

I pitar tar a limo na arip na mani tan ara, ma aru arip tan ara, ma ara arip kai tan ara. I pitar tari torom detul taktakai elar ut nam anundetul a mananos. Ra numur i wan una nun a inawan.

A Wakak na Wasiso un o Iesu Karisito o Mak i tumusi 13:34

I elar nam ara musano ra i waninar sur in nan utiro una ra tamon gisen. I pitar tar anun a rumu tan anun a kum tultul, sur det in tamtamabati. I tibo susuaro a kum pinapam tandet rop taktakai, ma i inanos tar ara musano sur in tamtamabat a matansako.

A Wakak na Wasiso un o Iesu Karisito o Jon i tumusi 10:41

A susut na taro det wan torom o Iesu ma det wasiso etetalai torom det lena, “O Jon ke pam tu utna na ukisin, ikut a kum wasiso rop i sa watung tari una musano ri, i lingmulus sakit.”

A Wakak na Wasiso un o Iesu Karisito o Jon i tumusi 6:65

Ma i watungi kai lena, “Iri i a kibino ra a watungi tamot lena, kataio in nan torom iau ra o Tita ken pitar a dekdek tano, sur in mur iau.”

A Pas anun o Pol torom a taro Rom 1:5

Un o Karisito ut, o God i maris met ma i pitar a pinapam na aposel torom met, sur met in ulabo pas a risan o Karisito, ma met in warawai torom a taro rop ra awu sur a taro Juda, sur det in nurnur ma det in mur anun a wasiso.

A Pas anun o Pol torom a taro Rom 12:6

Una marmaris anun o God i pitar tar a kum se etabor torom dat. Osi ra i pitar tar a etabor na wasiso na poropet toromi, i wakak sur in papam nami, elar nam anun a nurnur.

1 Korin 1:1

Iau o Pol, ra o God i kabo pas iau, elar ut nam anun a nemnem sur an aposel anun o Karisito Iesu. Mir nam o Sostenes a tisindat, mir tumtumus

1 Korin 12:11

Ara Nion sot kut ra i pam a kum pinapam rop ri. Ma una nun a nemnem ut, i tabor arara taktakai.

1 Korin 15:10

Ikut, o God i pitar tar a nilaun ri a laun nami, kibino ut una nun a marmaris. Ma ke urop oros tari kut anun a marmaris un iau, awu. A papam dekdek doko taun det rop. Ikut, awu sur iau ut a papam, a marmaris anun o God i papam tomo nam iau.

1 Korin 3:5

Osi ra o Apolos? Ma osi kai o Pol? Mir aru tultul kut anun o God, ra mot nurnur un o Karisito i kibino una numir a pinapam. Mir taktakai mir pam a pinapam ra a Labino i pitar tari torom mir.

1 Korin 4:7

Osi ra i watungi lena, ui u wakak taun tu pasandet? Asau anumi ra o God ke pitar tari tam? Ra o God i sa pitar tar a kum utna tam, ilai ra u warango pas ui nami?

Galesia 1:1

Iau o Pol, a aposel, a tumus a pas ri torom mot. Katutaio taginin upiso i pilok pas iau sur an aposel, ma awu sur a taro kai det tulu iau sur an pam a pinapam ri. O Iesu Karisito ut ma o God o Tamano der tulu iau, o God ra i ukatutur melet pas o Iesu gusun a minat.

Epeses 1:1

Iau o Pol, a aposel anun o Karisito Iesu una nemnem anun o God. A tumus a pas ri torom mot a taro anun o God ra mot kis tiro o Epeses, mot a kum lingmulus na tene nurnur un o Karisito Iesu.

1 Timoti 2:7

Iri a kibino ra o God i pilok pas iau, sur an aposel ma an warawai nama Wakak na Wasiso, ma an ususer a taro ra awu sur a taro Juda nama nurnur mulus. A watung a lingmulus, awu sur a toro.

Jems 1:17

A kum wakak na etabor rop, ra det tokodos sakit, det wan pirso tagisapat una langit. Det wanpat tan o Tita, i ra i ukis in matanas, a kalang ma a kum nangnang. Ikut o Tita ke ser keles, ma ke pukpukus anun a ngasino elar namin matanas, ra in sisio pas una waspi ma una mirum awu.