A Wakak na Wasiso un o Iesu Karisito o Jon i tumusi 3:25 - Nupela Testamen long tokples Kandas

²⁵ A ramano kum nat na ususer anun o Jon det wasiso na engaras tomo nama ara te Juda una nirurus keles, elar nama petutna una lotu Juda.

A Wakak na Wasiso un o Iesu Karisito o Jon i tumusi 3:25 Σταυροειδείς Αναφορές

Matiu 3:11

Iau, a baptaiso mot nama danim sur in upuaso i lena mot sa nukpukus. Ikut o naro ra in mur tang a dekdekino i labo taun a dekdeking. Ka elar sur an los anun aru su, uni a natino doko tano. In baptaiso mot nama Tokodos na Nion ma a sungun.

A Wakak na Wasiso un o Iesu Karisito o Mak i tumusi 7:8

Mot sa wan gusun a kum Warkurai anun o God, ma mot muri mukut a kum etowo anun a taro.”

A Wakak na Wasiso un o Iesu Karisito o Jon i tumusi 2:6

Tiro iai, a wonomnin lamlabino koto ra di pami nama wat kura di utur tari sur a nginigis, elar ut nama warkurai tagun a lotu anun a taro Juda. Unin tekteken nokoto ri, di ser ubukusi nama ru noino galen na danim o a tulu noino.

Ibru 6:2

a etowo una wur ngas na kisapi tagun a baptais, a etowo una ubek lamandi netes una taro, a katkatutur melet gusun a minat ma a warkurai na minabalu tukum.

Ibru 9:10

A kum warkurai ri tagun a inangon ma a ininum ma a kum pinapam na gos talapor a taro umatan o God. Det a kum warkurai kut tagun a pinindat. Det tur kut, tuk una bung ra o God i umatok a kum utna.

Ibru 9:23

Din pam soti ut sur din gos talapor a rumu na sel ma a kum utna kura uni, nama gapin a kum wewegua, uni det a malalarin a kum utna kusapat una langit. Ikut a kum utna kusapat una langit, din gos talapor det nama etabor ra i wakak sakit taun a kum etabor taginin upiso.

1 Pita 3:21

In nolomom i tur ukinalong a baptais ra i ulaun mot uniri. Ka di baptaiso mot sur din rus ru a dur tagun a pinimot, awu. A baptais i elar nami ra mot pitar tar mot torom o God ma mot tasmani lena mot tokodos umatan o God. Ra i ulaun mot kibino una katutur melet anun o Iesu Karisito gusun a minat.