A Wakak na Wasiso un o Iesu Karisito o Jon i tumusi 21:22 - Nupela Testamen long tokples Kandas

²² O Iesu i balu o Pita lena, “Ra a nemi sur in laun tuk an milet, awu sur a utna anumi. Ikut ui, un mur iau.”

A Wakak na Wasiso un o Iesu Karisito o Jon i tumusi 21:22 Σταυροειδείς Αναφορές

Matiu 16:24

Ra o Iesu i watungi tan anun a kum nat na ususer lena, “Ra taio i nemi sur in mur iau, gong i mur a nuknukino. In los pas anun in nanai kutus ma in mur iau.

Matiu 24:27

Uni una bung na inawan pat anun a Nutun a Musano, a taro rop det in tama i. In elar namin nememe, ra i meme i tagitong una matmatano tobar, tuk una matmatano lubur.

Matiu 24:3

Ra o Iesu i kis sapat netes una Tangai na Oliw, a kum nat na ususer det wanpat eno toromi, ma det watungi tano lena, “Un inanos met, nangisin mo a kum utna ri in nanpat? Ma asi na ukinalong ra in ese anum a milmilet ma a ururop ina rakrakon bual?”

Matiu 24:44

Mot kai, mot in koikoi taru, uni a Nutun a Musano in nanpat una du bung ra ka mot nuki lena in nanpat uni.

Matiu 25:31

“A Nutun a Musano in nanpat nama nun a minamar, tomo nama nun a kum ensel, ra in kis una nun a kiskis na king. A kiskis ra a labino minamarino.

Matiu 8:22

Ikut o Iesu i watungi tano, “Un mur iau, ma un madek ru a kum minat det in por anundet a kum minat.”

A Wakak na Wasiso un o Iesu Karisito o Mak i tumusi 9:1

Ma i watungi tandet lena, “A inanos mot nama lingmulus, lako taro tagun mot ri mot tur nin, ka mot in mat utmakai, ra mot in tama a matanitu anun o God ra in nanpat nama dekdek.”

A Wakak na Wasiso un o Iesu Karisito o Jon i tumusi 21:19

O Iesu i watungi lenri, sur in ese a ngas na iniru ra in los o Pita. Un anun a iniru ra, in ulabo pas o God. Ra i sa watung tari lenri, i inanosi lena, “Un mur iau.”

A Wakak na Wasiso un o Iesu Karisito o Jon i tumusi 21:21

O Pita i tama i, ra i ting o Iesu uni lena, “Labino, pepetlai un o naro ri?”

1 Korin 11:26

Uni, una kum bung ra mot wan a beret ri, ma mot inum tagun a kap ri, mot wasiso talapor ut una minat anun a Labino, tuk ra in milet.

1 Korin 4:5

I mo ra gong mot warkurai taio numugu tan a bung na warkurai. Mot in kis langlang tuk ra a Labino in nanpat. Ra i ut in utalapor a kum utna ra i parau una dumirum, ra in upuaso a nuknukin a taro. Ma una bung ra, o God in watung ulabo pas a taro, elar ut nama nundet a kum pinapam taktakai.

1 Tesalonaika 2:19

Metul nem doko i sur metul in tama melet mot, uni metul nurnur un mot lena, mot sa tur dekdek, ma mot, mot kibino una numetul a gasgas, ma mot kibino una numetul a kunukul tagun anumetul a pinapam, una bung ra anundat a Labino o Iesu in nanpat, ma dat in tur umatano.

Jems 5:7

A kum tistising, gong a pinimot i ngoro lakit, ra mot kis langlang sur a inawan pat melet anun a Labino. Mot tama a tene minarut, a pinino ke ngoro lakit, ra i kiskis langlang sur a bato in puk a piso, ma sur a wakak na makus tagun ana kinobot.

Jems 5:8

Mot kai, gong a pinimot i ngoro lakit, mot in tur dekdek una nurnur, uni a inawan pat melet anun a Labino i sa milau.

Tamtama 1:7

Tama i, i wan pirso nama kum du bakut, ma a matan a taro rop det in tama i, ma det utkai ra det so tari nama bele. Ma a kum kamkabo taro rop una rakrakon bual det in tangis, kibino uni. In nanpat ut lenra. Amen.

Tamtama 2:25

A kum sau rop ra mot sa utur ukai i, mot in tur dekdek uni tuk ra an nanpat.

Tamtama 22:20

O naro ra i wasiso talapor una kum utna ri, i watungi lena, “Lingmulus, milau mo an nanpat.” Amen. Labino o Iesu wan urin.

Tamtama 22:7

O Iesu i watungi lena, “Tama i, milau mo an nanpat! Osi ra i mur a kum wasiso na poropet tagun a buk ri, i dan.”

Tamtama 3:11

Milau mukut an nanpat. Mot in pam ukai dekdek a kum sau ra mot sa utur ukai i, sako taio in los pas anumot a ikul, ra o God in pitari torom mot, len lari ra di pitar a ikul tan taio ra i winim pas a kinalabor.