A Wakak na Wasiso un o Iesu Karisito o Jon i tumusi 20:1 - Nupela Testamen long tokples Kandas

¹ Una lar una mugano bung una wik, o Maria Magdalen i wan utiro una kulam na minat. I tama i lena di sa sur gisen tar a wat gusun a matansako na kulam na minat.

A Wakak na Wasiso un o Iesu Karisito o Jon i tumusi 20:1 Σταυροειδείς Αναφορές

Matiu 27:56

Kura epotor tandet, a tulu ino kai ri, o Maria Magdalen, ma o Maria a nan o Jems ma o Josep, ma a nan aru nutnutun o Sebedi.

Matiu 27:60

ra i inep tari una nun a matok na kulam na minat, ra i sa kil tari una papor wat. I bulus bat tar a matansako na kulam ra nama labino wat, ra i wan gusuni.

Matiu 27:64

Un tulu ru lako taro sur det in tamtamabat wakak a kulam na minat, elar nama tulu bung, sako anun a taro na ususer det in nanpat ma det in wolong pas a minatino, ra det in inanos a taro lena i sa laun melet gusun a minat. Ra a torotoro ri anundet, in labo taun a torotoro ra numugu o Iesu i sa watung tari.”

Matiu 27:66

Ra det wan, ma det udekdek bat tar a kulam na minat. Det ubek a ngas na ukinalong sur det in tasman pasi kut lena taio i sa papos tari. Ma det utur tar a kum tene tamtamabat sur det in tamtamabati.

Matiu 28:1

Numur tan a Bung na Sabat, una kobot raut una mugano bung una wik, o Maria Magdalen, ma ara Maria kai der wan sur der in tama a kulam na minat.

Matiu 28:2

Ma a labino guri i wanpat, uni ara ensel anun a Labino i wan pirso tagisapat una langit sur a kulam na minat, ma i bulus gisen ru a wat, ra i kis taru netes uni.

A Wakak na Wasiso un o Iesu Karisito o Mak i tumusi 15:46

Ra o Josep i kul pas in wakak na malu, i los pirso pas a minatin o Iesu, ra i pulus pasi namin namalu ra. Numur i inep tari una kulam na minat ra di sa kil tari una papor wat, ra i bulus bat tar a matansako na kulam ra nama labino wat.

A Wakak na Wasiso un o Iesu Karisito o Mak i tumusi 16:9

O Iesu i katutur melet gusun a minat una kobot raut una mugano bung una wik. Ra i wanpat mugu torom o Maria Magdalen, i ra numugu o Iesu i lakro ru tar a wonom mawit na laulau na nion gusuni.

A Wakak na Wasiso un o Iesu Karisito o Jon i tumusi 11:38

In balano Iesu i maut doko, ra i wanpat nisan a kulam na minat. A kulam na minat ra, a mato kura tiro una papor wat, ma di ubek bat tari nama labino wat.

A Wakak na Wasiso un o Iesu Karisito o Jon i tumusi 11:41

I mo ra det bulus ru a wat. O Iesu i tatado usapat netes, ra i watungi lena, “Tita, a watung wakak torom ui, uni u sa longoro iau.

A Wakak na Wasiso un o Iesu Karisito o Jon i tumusi 19:25

O nan o Iesu i tur milau nisan in nanai kutus anun o Iesu. I tur tomo nama tisino a ino, ma o Maria kai a ino anun o Klopas, ma o Maria Magdalen.

A Wakak na Wasiso un o Iesu Karisito o Jon i tumusi 20:26

Ra i sa ra wik bati, a kum nat na ususer det kis tomo melet tiro urumu, det tomo nam o Tomas. Det ukai bat pas det ut tagisa urumu. Ikut o Iesu i wanpat puaso ma i tur epotor tandet, ra i watungi lena, “A malmal torom mot!”

Aposel 20:7

Una mugano bung una wik, met kis tomo sur met in nangon tomo. Ra o Pol i wasiso torom a taro, ma i walos doko anun a wasiso, tuk ut una labino mirum, uni i nemi sur in nan kut gusun det una bung numur.

1 Korin 16:2

Una kum mugano bung una rara wik, mot rop taktakai mot in ubek gisen ru tu mani tagun anumot a mani. Det ra det pam pat a labino mani det in pitar a labino, ma det ra det pam pat a natino det in pitar a natino. Mot in ulengi, sako ra an nanpat, mot in woro tomo i maragom a mani.

Tamtama 1:10

Una bung anun a Labino, a bukus nama Tokodos na Nion, ma tong numur tang, a longoro in labino walngan ara, i elar namin tuwuru.