A Wakak na Wasiso un o Iesu Karisito o Jon i tumusi 2:15 - Nupela Testamen long tokples Kandas

¹⁵ I mo ra i iris pas a kum warus sur in pam in narus na inaim, ra i lu pirso ru det rop nami. I lu pirso ru a kum bulumakau ma a kum sipsip, ma i woro sarara ru a kum mani anun a kum tene keles mani, ma i bulus ru anundet a kum kabulu.

A Wakak na Wasiso un o Iesu Karisito o Jon i tumusi 2:15 Σταυροειδείς Αναφορές

Matiu 21:12

O Iesu i ruk unin noworo ina rumu na etabor, ra i lu pirso ru a taro rop ra det siuru, ma det kai ra det kukul tiro iai. I bulus ru a kum kabulu anun a kum tene keles mani, ma a kum kiskis anundet ra det siuru a kum tabun.

A Wakak na Wasiso un o Iesu Karisito o Jon i tumusi 18:6

Una du bung ra o Iesu i watungi lena, “Iau kut ri,” det isu unago numur, ra det puku piso.

A Wakak na Wasiso un o Iesu Karisito o Jon i tumusi 2:14

Tiro ubalan in noworo ina rumu na etabor, i tama a taro ra det siuru a kum bulumakau, a kum sipsip, ma a kum tabun. I tama i kai a kum tene keles mani, kura det kis nisan anundet a kum kabulu.

A Wakak na Wasiso un o Iesu Karisito o Jon i tumusi 2:16

Ma i watungi tandet ra det siuru a kum tabun, “Mot in los pirso ru det taginin! Gong mot pukus a rumu anun o Tita sur a rumu na siuru!”

Aposel 27:32

Ra a kum tene inaim det tau kutus ru a kum rop gusun a digi, ra i salir gisen mut.

2 Korin 10:4

Uni a kum utna na inaim ra met waim nami, awu sur anun a rakrakon bual, awu. A kum dekdek na utna na inaim anun o God, ma det dekdek sakit sur met in rege a kum dekdek na woro nami anun a ebar.