A Wakak na Wasiso un o Iesu Karisito o Jon i tumusi 19:6 - Nupela Testamen long tokples Kandas

⁶ Ra a kum lamlabino tene etabor torom o God, ma a kum tene tamtamabat tagun a rumu na etabor det tama o Iesu, det kukukuk lena, “Sak wati unin nanai kutus! Sak wati unin nanai kutus!” Ra o Pailat i watungi tandet lena, “Mot in ben pasi, sur mot ut, mot in sak wati unin nanai kutus. Iau ka sio pas tu niraro anunu.”

A Wakak na Wasiso un o Iesu Karisito o Jon i tumusi 19:6 Σταυροειδείς Αναφορές

Matiu 26:58

O Pita i mur nanan o Iesu, ikut i bakbak ut gusuni, tuk una nubual anun a mugumugu na tene etabor torom o God. I ruk una nubual ra, ma i kis tomo nama kum tene tamtamabat sur in tama asau ra din pami un o Iesu.

Matiu 27:22

O Pailat i ting det lena, “Asau ra an pami un o Iesu, i ra di watungi nam o Karisito?” Det rop det balu i lena, “Sak wati unin nanai kutus!”

Matiu 27:24

O Pailat i tama i lena, ke pet lar pas tu utna mo, ma a labino purpuruon milau in nanpat. Ra i los pas a danim, i gos pas aru lamano umatan a kunur na taro, ra i watungi lena, “A langolango gusun a gapin a tene tokodos ri. Mot ut din warkurai mot uni.”

Luk 23:4

O Pailat i watungi tan a kum lamlabino tene etabor torom o God ma a kunur na taro lena, “Ka tikin pas tu petutna a musano ri i raro uni.”

A Wakak na Wasiso un o Iesu Karisito o Jon i tumusi 18:3

Ra o Judas i mugu pas a kum tene inaim tagitiro o Rom, ma a kum tene tamtamabat tagun a rumu na etabor. A kum lamlabino tene etabor torom o God, ma a kum Parisi det tulu ru det. Det los a kum utna na inaim, a kum lam ma a kum utna ra i kunabor ra det sulu saro det nami.

A Wakak na Wasiso un o Iesu Karisito o Jon i tumusi 18:31

O Pailat i watungi torom det lena, “Mot in ben pasi, ma mot ut mot in warkurai i elar nam anumot a warkurai.” A kum te Juda det watungi tano lena, “Torom met i tabu sur met in um doko taio.”

A Wakak na Wasiso un o Iesu Karisito o Jon i tumusi 18:38

Ra o Pailat i tingi lena, “Asau a lingmulus?” Ra o Pailat i sa ting tari lenri, i pirso melet torom a taro Juda. I watungi tandet lena, “Ka pastorom tu niraro anunu.

A Wakak na Wasiso un o Iesu Karisito o Jon i tumusi 19:15

A taro Juda det kukukuk dekdek lena, “Sak doko i! Sak doko i! Sak wati unin nanai kutus!” O Pailat i ting det lena, “Mot nemi sur an sak wat anumot a king unin nanai kutus?” A kum lamlabino tene etabor torom o God det balu i lena, “A Sisa sot kut i anumet a king!”

A Wakak na Wasiso un o Iesu Karisito o Jon i tumusi 19:4

O Pailat i pirso melet, ra i watungi tandet lena, “Mot tama i, iri a ben pirso tari umatamot, sur mot in tasmani lena, ka sio pas tu niraro anunu.”

Aposel 2:23

Di pitar tar o Iesu torom mot, elar nami ra o God i sa tasman mugu tari, una nuknukino. Ra mot tomo nama kum sakino taro, mot sak wati unin nanai kutus.

Aposel 7:52

A kum tumtubu mot tagun numugu det ban laulau a kum poropet rop. Det um doko det ra det wasiso mugu una inawan pat urin anun a Tene Tokodos, i ra uniri mot usobor tari, ma mot um doko ru i.