A Wakak na Wasiso un o Iesu Karisito o Jon i tumusi 18:4 - Nupela Testamen long tokples Kandas

⁴ Ikut o Iesu i sa tasman a kum utna rop ra in nanpat toromi, ra i wan torom det ma i ting det lena, “Osi ra mot sisio suri?”

A Wakak na Wasiso un o Iesu Karisito o Jon i tumusi 18:4 Σταυροειδείς Αναφορές

Matiu 16:21

Turpasi una bung ra, o Iesu i utalapor anun a kum nat na ususer lena, in nan ut usapat o Jerusalem. Ra in taramo a susut na mamaut ulaman a kum mugumugu, a kum lamlabino tene etabor torom o God, ma a kum tene ususer tagun a Warkurai, ma din um doko i. Ra a tulu bung in rop in katutur melet.

Matiu 26:2

“Mot tasmani ut, ra aru bung in rop, din turpas a labino bung na lotu na Wanlakai, ra din pitar tar a Nutun a Musano sur din sak wati unin nanai kutus.”

Matiu 26:21

Det wangon ra i watungi lena, “A inanos mot nama lingmulus, ara tagun mot in pitar tar iau ulaman a kum ebar.”

Matiu 26:31

O Iesu i watungi tandet lena, “Miri umirum, mot rop mot in nan pas kut gusun iau, i kibino una kum utna ra in nanpat un iau. Elar nami ra di sa tumus tari una Buk Tabu lena, O God i watungi lena, ‘An um a tene tamtamabat anun a kum sipsip, ra a kum sipsip det in kalabor susuaro.’ Sek 13:7

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

A Wakak na Wasiso un o Iesu Karisito o Jon i tumusi 13:1

A labino bung na lotu na Wanlakai i sa milau, ra o Iesu i tasmani lena i sa milau sur in nan mo gusun a rakrakon bual, ma in nan torom o Tamano. I maris doko anun a taro ra det kis una rakrakon bual, ra uniri i ese anun a labino marmaris torom det, a marmaris ra katu tuktukino.

A Wakak na Wasiso un o Iesu Karisito o Jon i tumusi 13:11

O Iesu i sa tasman tar o naro ra in usobor tari. Iri a kibino ra i watungi lena, “Awu sur mot rop mot talapor.”

A Wakak na Wasiso un o Iesu Karisito o Jon i tumusi 18:5

Det balu i lena, “O Iesu a te Nasaret.” I balu det lena, “Iau kut ri.” O Judas, i ra a tene usobor, kura ut i tur tomo nam det.

A Wakak na Wasiso un o Iesu Karisito o Jon i tumusi 18:7

O Iesu i ting melet det, “Osi ra mot sisio suri?” Det balu i lena, “O Iesu a te Nasaret.”

A Wakak na Wasiso un o Iesu Karisito o Jon i tumusi 19:28

O Iesu i tasmani lena i sa pam rop ru tar a kum pinapam, ra i watungi lena, “A muruk.” I watungi lenri sur in pam sot pas a wasiso ra di sa tumus tari una Buk Tabu.

A Wakak na Wasiso un o Iesu Karisito o Jon i tumusi 6:64

Ikut ara taro tagun mot ka det nurnur.” Numugu ut o Iesu i sa tasman tar det ra ka det nurnur uni, ma o naro kai ra in usobor tari.

Aposel 2:28

U sa ese tar iau una kum kisapi sur an los a nilaun. An kis tomo nam ui, ma un ubukus iau nama gasgas.’ Sng 16:8-11

1 Pita 4:1

O Karisito i taramo a ngunungut una pinino. I mo ra, mot kai, mot in waninar sur mot in taramo a ngunungut elar nami. Uni osi ra i taramo a ngunungut una pinino, i sa mana gusun a pam a sakino petutna.