A Wakak na Wasiso un o Iesu Karisito o Jon i tumusi 15:19 - Nupela Testamen long tokples Kandas

¹⁹ Ra mot anun a rakrakon bual, a rakrakon bual in nem mot elar nam mot anunu. Ikut mot awu sur anun a rakrakon bual, a sa pilok pas mot gusuni. Iri a kibino ra i nget mot.

A Wakak na Wasiso un o Iesu Karisito o Jon i tumusi 15:19 Σταυροειδείς Αναφορές

Matiu 10:22

Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.

Matiu 24:9

“Kura numur, din pitar mot sur din ban laulau mot, ma din um doko mot, ma a taro tagun a kum gapman rop det in nget mot, uni mot anungi.

Luk 6:32

“Ra mot nem det kut ra det nem mot, din watung ulabo pas mot pepetlai? Uni a kum tene sakino kai det nem etetalai det ut.

A Wakak na Wasiso un o Iesu Karisito o Jon i tumusi 13:18

“Awu sur a wasiso un mot rop, a tasman det ut ra a sa pilok pas det. Ikut din pam sot pasi ut a wasiso ra di sa tumus tari una Buk Tabu lena, ‘A musano ra mir wangon tomo nami, in tupukus taru melet sur iau, ma in pas pisopiso iau.’ Sng 41:9

A Wakak na Wasiso un o Iesu Karisito o Jon i tumusi 15:16

Awu sur mot pilok pas iau, iau ut a pilok pas mot. Ra a pitar a pinapam tamot sur mot in nan ma mot in wu a wimot, ma a wimot in kis tukum. Ma o Tita in tabor mot nama sau ra mot sasaring suri nama risang.

A Wakak na Wasiso un o Iesu Karisito o Jon i tumusi 6:70

O Iesu i watungi tandet lena, “A sa pilok pas mot, a noino ma aru, niko? Ikut ara tagun mot, i a turangon kut!”

Jems 4:4

Mot sa wan gusun o God, elar nama ino ra i wan pas gusun anun a musano, ra i nolin tomo nama ara musano bulung. Ka mot tasmani lena, ra mot nem a petutna tagun a rakrakon bual, mot a kum ebar anun o God? Osi ra i pilok pas a rakrakon bual sur der pasano, i a ebar anun o God.

1 Pita 4:3

Numugu mot pam a kum sakino petutna, ma i sa suano mot ra mot kis ubalan a kum sakino petutna ra. A kum sakino petutna ra, a kum taro ra ka det nurnur, det gas sur det in pami. Det pam a kum petutna na pamuk, det mur a kum laulau na nemnem, det sipak, det pam a kum labino lukaro ra det wangon dokodoko det, det wan tomo sur det in gas nama ininum, ma det lotu torom a kum torotoro na god, ra a warkurai anun o God i turbat dat gusuni.

1 Jon 3:12

Ma gong dat elar nam o Kain, i ra anun o Satan, ra i um doko ru o tisinolik o Abel. Asau a kibino ra i um doko i? Uni a magirano i laulau, ma a magiran o tisinolik i tokodos.

Tamtama 12:17

In labino sui i kankan doko torom a ino ra, ma i wan sur in waim nama ramano kum nutnutun a ino kai ra. Det ra det ser mur a kum Warkurai anun o God, ma det nurnur una wasiso puaso un o Iesu.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.