A Wakak na Wasiso un o Iesu Karisito o Jon i tumusi 14:6 - Nupela Testamen long tokples Kandas

⁶ O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Jon i tumusi 14:6 Σταυροειδείς Αναφορές

Matiu 11:27

“O Tita i sa pitar tar a kum utna rop torom iau. Katutaio i tasman o Nutunu, o Tamano kut i tasmani, ma kataio kai i tasman o Tamano, o Nutunu kut i tasmani, ma det kai ra o Nutunu i nemi sur in upuaso o Tamano torom det.

A Wakak na Wasiso un o Iesu Karisito o Jon i tumusi 1:14

A Wasiso i wanpat a musano mulus, ma i kis epotor tamet. Met sa tama tar anun a minamar, a minamar anun o Nutunu, ara sot kut, ra i wan tagisapat tan o Tamano, i bukus nama marmaris ma a lingmulus.

A Wakak na Wasiso un o Iesu Karisito o Jon i tumusi 1:17

Un o Moses, o God i pitar tar a Warkurai torom dat, ikut un o Iesu Karisito i pitar tar a marmaris ma a lingmulus torom dat.

A Wakak na Wasiso un o Iesu Karisito o Jon i tumusi 1:4

A nilaun i kis uni, ma a nilaun ra, i a talapor anun a taro rop.

A Wakak na Wasiso un o Iesu Karisito o Jon i tumusi 10:28

Ma a pitar a nilaun tukum tandet, ma ka det in iru. Ma kataio in ras ru det gusun a lamang.

A Wakak na Wasiso un o Iesu Karisito o Jon i tumusi 10:7

I mo ra o Iesu i watung meleti lena, “A inanos mot nama lingmulus, iau a matansako anun a kum sipsip.

A Wakak na Wasiso un o Iesu Karisito o Jon i tumusi 10:9

Iau a matansako, osi ra i ruk uni, din ulauni. In ruk ma in pirso ma in etoromi kut ana utna na inangon.

A Wakak na Wasiso un o Iesu Karisito o Jon i tumusi 14:19

“Ken suano i kut, ra a taro tagun a rakrakon bual ka det in tama melet iau mo. Ikut mot, mot in tama iau. Ma mot in laun, uni a laun.

A Wakak na Wasiso un o Iesu Karisito o Jon i tumusi 15:1

O Iesu i watungi lena, “Iau ut in nanai na wain mulus, ma o Tita i a tene tamtamabat tagun a kinobot na wain.

A Wakak na Wasiso un o Iesu Karisito o Jon i tumusi 18:37

Numur o Pailat i tingi lena, “I lingmulus ut, ui a king?” O Iesu i balu i lena, “I lingmulus ut ra u watungi lena iau a king. Di usus iau, ra a wanpat nin una rakrakon bual, sur an wasiso una lingmulus. Det rop ra tagun a lingmulus, det longoro in nalngang.”

A Wakak na Wasiso un o Iesu Karisito o Jon i tumusi 5:21

O Nutunu in tabor det ra i nemi sur in tabor det nama nilaun, elar nam o Tamano i ukatutur pas a kum minat, ma i tabor det nama nilaun.

A Wakak na Wasiso un o Iesu Karisito o Jon i tumusi 6:33

I ra i wan pirso tagisapat una langit, i ut a beret anun o God, ma i pitar a nilaun torom a taro una rakrakon bual.”

A Wakak na Wasiso un o Iesu Karisito o Jon i tumusi 6:51

Iau ut a beret ra i laun, ra i wan pirso tagisapat una langit. Osi ra in nangon tagun a beret ri, in laun tukum. A lingmulus, a beret ra an etabor nami, i a pining. A pitari sur a taro una rakrakon bual det in laun nami.”

A Wakak na Wasiso un o Iesu Karisito o Jon i tumusi 6:57

O Tita ra i laun, i tulu ru iau, ma i tabor iau nama nilaun. Lenkutkai ra torom osi ra i wan a pining, an tabori nama nilaun.

A Wakak na Wasiso un o Iesu Karisito o Jon i tumusi 6:68

O Saimon Pita i balu i lena, “Labino, met in nan mo torom osi? Uni anumi kut, a kum wasiso na nilaun tukum.

A Wakak na Wasiso un o Iesu Karisito o Jon i tumusi 8:32

Ma mot in tasman a lingmulus, ma a lingmulus in ulangolango mot.”

A Wakak na Wasiso un o Iesu Karisito o Jon i tumusi 8:51

A inanos mot nama lingmulus, osi ra i mur anung a wasiso, ken mat.”

Aposel 3:15

Ra mot um doko ru o Iesu, i ra a kibin a nilaun, ikut o God i ukatutur melet pasi gusun a minat. Ma met, met tama i ma met wasiso talapor uni.

Aposel 4:12

Katutaio gisen in ulaun dat, ma katu risan taio kai taginin una rakrakon bual, ra o God i pitar tari torom dat a taro, sur din ulaun dat nami.”

Aposel 9:2

ra i saringi lena, “Un tumus tar lako kum pas, sur an losi utong una kum rumu na lotu tong o Damaskus.” A mugumugu i tumus tari una kum pas lena, ra in barato lako kum musano ma wardain, ra det mur a Kisapi anun o Iesu, in ker pas det ma in ben det usapat o Jerusalem.

A Pas anun o Pol torom a taro Rom 15:16

sur an tene pinapam anun o Karisito Iesu torom a taro ra awu sur a taro Juda. A elar nama tene etabor torom o God. A warawai nama Wakak na Wasiso anun o God, sur a taro ra awu sur a taro Juda, det anung a etabor torom o God ra in gas nami. Ma a Tokodos na Nion i sa rus talapor tar det.

A Pas anun o Pol torom a taro Rom 5:2

Ra dat nurnur un o Karisito, i mugu dat ma i uruk dat una marmaris anun o God. Ra uniri, dat sa laun uni. Ma dat gas, ra dat kis langlang nama nurnur sur a minamar anun o God, ra kura numur dat in kis uni.

A Pas anun o Pol torom a taro Rom 5:21

A taro det kis utuntudu ina dekdekin a sakino petutna, ra i pitar a minat torom det. Ikut uniri, a taro ra det kis utuntudu ina dekdekin a marmaris anun o God, o God i watung det a kum tene tokodos, ra i pitar a nilaun tukum torom det, kibino una pinapam ra o Iesu Karisito anundat a Labino i sa pam tari.

1 Korin 15:45

Elar nami ra di sa tumus tari una Buk Tabu lenri, “A mugano musano, o Adam, o God i pitar tar a nilaun toromi.” Stat 2:7 Ikut a ururop na Adam, i a Nion ra i tabor a taro nama nilaun.

Epeses 2:18

O Karisito i papos a kisapi anundat rop torom a Tamandat, un ara Tokodos na Nion kut.

Kolosi 2:17

A kum warkurai ri, det elar kut nama malalar ina utna ra in nanpat numur. Ikut, a utna mulus, i o Karisito.

Kolosi 2:9

Uni o Karisito i wanpat a mulusino, ma a nilaun rop anun o God i bukus uni.

Kolosi 3:4

O Karisito i ra anumot a nilaun. Ra in nanpat, mot kai mot in nanpat puaso tomo nami una nun a minamar.

Ibru 7:25

I mo ra, o Iesu i pet lari sur in ulaun a taro ra det wan torom o God una risan o Iesu. In ulaun det ra det in laun tukum, uni i laun tukum sur in wararing sur det.

Ibru 9:8

Una kum utna ri a Tokodos na Nion i upuaso i lena, ra a mugano rumu na sel i tur utmakai, a kisapi na rukruk una nubual ra i Tabu Sakit ke papos utmakai.

1 Pita 1:21

Ma mot nurnur un o God i kibino ut un o Karisito. Ra o God ut i ukatutur melet pas o Karisito gusun a minat, ra i pitar tar a minamar toromi. I mo ra, mot nurnur un o God ma mot kis langlang nama nurnur sur a utna ra in pami numur.

1 Pita 2:4

Mot in nan torom a Labino, i a wat ra i laun. A taro det lakro ru tari, ikut o God i pilok pasi, ma i wakak doko umatano.

1 Pita 3:18

Uni o Karisito kai i taramo a ngunungut ra i mat ara dino kut, una nundat a kum sakino petutna. A Tene Tokodos i mat sur det ra ka det tokodos, sur in ben pas mot torom o God. Det um doko ru a pinino, ikut di ulaun pasi una nion.

1 Jon 1:8

Ra dat watungi lena, ka dat pam tar tu sakino petutna, dat toro melet pas dat ut, ma a lingmulusino ke kis un dat.

1 Jon 2:23

Osi ra i ipul ru a Nutun o God, o Tamano kai ke kis tomo nami. Ma osi ra i mulaot pas o Nutunu, o Tamano kai i kis tomo nami.

1 Jon 5:20

Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.

1 Jon 5:6

O Iesu Karisito i wanpat nama danim ma a gap. Awu sur i wanpat kut nama danim, i wanpat nama danim ma a gap. A Tokodos na Nion i wasiso talapor un o Iesu Karisito, uni a Tokodos na Nion i a lingmulus.

2 Jon 1:9

Osi ra i wan gisen pas gusun a kum etowo anun o Karisito ma ke muri, o God awu sur kura uni. Ikut osi ra i mur a kum etowo ri, a Tamandat ma o Nutunu kura der uni.

Tamtama 1:5

ma tan o Iesu Karisito, i a lingmulus na tene wasiso talapor un o God, ma a mugano tandet ra det in laun melet gusun a minat, ma a mugumugu anun a kum king una rakrakon bual. I maris dat, ma i ulangolango pas dat gusun anundat a kum sakino petutna nama gapino,

Tamtama 19:11

A tama a langit i sa papos ma a tama a kabang na os i tur sa numugu tang. Ma i ra i kis netes uni di watungi lena, “I ser pam sot anun a pinapam” ma “I lingmulus.” Ma una nun a warkurai ma anun a inaim i mur a tokodos na petutna.

Tamtama 20:15

Ma osi ra ka di tumus a risano una buk na nilaun, di woro pirso ru i unin labino tung na sungun.

Tamtama 22:1

Numur a ensel i ese tar a danim na nilaun torom iau, i talapor elar nama galas. I sal pat tagun a kiskis na king anun o God, anunder tomo nama Barman na Sipsip,

Tamtama 22:17

A Tokodos na Nion ma a matok na nolin na ino, der watungi lena, “Wan urin!” Ma osi ra in longoro i, i kai in watungi lena, “Wan urin!” Osi ra i muruk, i wakak sur in nan urin, ma osi ra i nemi, in inum tagun a danim na nilaun ra ka din kuli.

Tamtama 3:14

“Un tumtumus torom a ensel anun a taro na lotu tong o Laodisia lenri: O naro ra di watungi nama Amen, a lingmulus na tene wasiso talapor anun o God ra i lingmulus sakit, i ra a kimkibin a kum ukukis anun o God, i watung a wasiso ri:

Tamtama 3:7

“Un tumtumus torom a ensel anun a taro na lotu tong o Piladelpia lenri: O naro ra i tasur, ma i lingmulus, ma i pam a ki anun o Dewid, i papos a matansako, ra kataio in tagar lar pasi, ma i tagari, ra kataio in papos lar pasi. I watung a wasiso ri: