A Wakak na Wasiso un o Iesu Karisito o Jon i tumusi 14:26 - Nupela Testamen long tokples Kandas

²⁶ A Tene Warut, a Tokodos na Nion ra o Tita in tulu ru i una risang. In ususer mot una kum utna rop, ma in unuk tar mot melet nama kum wasiso ra a sa watung tari tamot.

A Wakak na Wasiso un o Iesu Karisito o Jon i tumusi 14:26 Σταυροειδείς Αναφορές

Matiu 1:18

Di usus pas o Iesu Karisito lenri: O nano, o Maria, di sa ubek bat tari sur in nolin nam o Josep, ikut numugu tan anunder a nolin o Maria i sa tasmani lena i tianan tan a Tokodos na Nion.

Matiu 1:20

Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, “Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion.

Matiu 28:19

I mo ra mot in nan, mot in ususer a taro tagun a kum gapman rop, sur det kai anung a kum nat na ususer. Mot in baptaiso det nama risan o Tita, ma o Nutunu, ma a Tokodos na Nion.

Matiu 3:11

Iau, a baptaiso mot nama danim sur in upuaso i lena mot sa nukpukus. Ikut o naro ra in mur tang a dekdekino i labo taun a dekdeking. Ka elar sur an los anun aru su, uni a natino doko tano. In baptaiso mot nama Tokodos na Nion ma a sungun.

A Wakak na Wasiso un o Iesu Karisito o Mak i tumusi 12:36

A Tokodos na Nion i mugu o Dewid ra i watungi lena, ‘A Labino i watungi torom anung a Labino lena, “Un kis una papor sot na lamang, tuk ra an winim pas anum a kum ebar sur det in kis utuntudu in anum a warkurai.” ’ Sng 110:1

A Wakak na Wasiso un o Iesu Karisito o Mak i tumusi 13:11

Ra din dat pas mot sur a warkurai, gong mot nuknuk mugu sur asau ra mot in watungi. Una du bung ra, mot in watungi kut a wasiso ra di sa unuk tar mot nami. Uni awu sur mot ra mot in wasiso, a Tokodos na Nion ut.

Luk 1:15

uni in labo umatan a Labino. Ken inum a wain, o a dekdek na ininum. Ra ka din ususi utmakai i sa bukus nama Tokodos na Nion.

Luk 1:35

A ensel i balu i lena, “A Tokodos na Nion in kis un ui, ma a dekdekin o God a Labino Sakit in pulus bat ui. Ra a Tasur na Musano ra un usus pasi, din watungi a Nutun o God.

Luk 1:41

Ra o Elisabet i longoro pas a kakabo na gasgas anun o Maria toromi, a nat i milu unin balano, ma o Elisabet i bukus nama Tokodos na Nion.

Luk 1:67

O Sekaraia o taman o Jon, i bukus nama Tokodos na Nion, ma i wasiso na poropet lenri,

Luk 11:13

Mot a laulau na taro, ikut mot tasmani ut a wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama Tokodos na Nion.”

Luk 2:25

Ara musano i kis sapat o Jerusalem a risano o Simion, a tene tokodos ma a tene urur kai torom o God. I ser kis langlang sur o God in ulaun a taro Israel, ma a Tokodos na Nion i kis uni.

Luk 24:49

Tama i, i ra o Tita i sa uliliman taru uni, an tulu ru i torom mot. Ikut mot in kis ut nin una tamon ri, tuk ra din mar tar mot nama dekdek tagisapat netes.”

Luk 3:22

ma a Tokodos na Nion i wan pirso, i ubek pas a pinino lar in natabun ma i kis taru netes un o Iesu. Ma in nalngan ara tagisapat una langit i watungi lena, “Ui a Nutunglik, a nat na wakak, a gas doko nam ui.”

A Wakak na Wasiso un o Iesu Karisito o Jon i tumusi 12:16

A kum nat na ususer anun o Iesu ka det tasman lele i lena a kum utna ri, di sa tumtumus mugu taru uni una Buk Tabu. Ikut ra o Iesu i sa kis una nun a minamar, det tasmani maragom lena, di sa tumus tar a kum utna ri un o Iesu, ma di sa pam tari kai a kum utna ri uni.

A Wakak na Wasiso un o Iesu Karisito o Jon i tumusi 14:16

Ma an saring o Tita, ra in tulu ru ara Tene Warut bulung torom mot, sur in kis tukum torom mot.

A Wakak na Wasiso un o Iesu Karisito o Jon i tumusi 14:25

“A watung a kum wasiso ri torom mot, ra a kis utmakai tomo nam mot.

A Wakak na Wasiso un o Iesu Karisito o Jon i tumusi 15:26

“An tulu ru a Tene Warut torom mot tagisapat tan o Tita, i a Tokodos na Nion ra in upuaso a lingmulus. Ra in nanpat in wasiso puaso un iau.

A Wakak na Wasiso un o Iesu Karisito o Jon i tumusi 16:7

A inanos mot nama lingmulus lena, in wakak torom mot ra an nan. Gunuk ra kan nan, a Tene Warut ken nanpat torom mot. Ikut ra an nan, an tulu ru i urin torom mot.

A Wakak na Wasiso un o Iesu Karisito o Jon i tumusi 2:22

Numur, ra o Iesu i sa laun pat melet gusun a minat, anun a kum nat na ususer det nuk melet pas a wasiso ri. Numur det nurnur maragom una Buk Tabu, ma una wasiso ra o Iesu i sa watung tari.

A Wakak na Wasiso un o Iesu Karisito o Jon i tumusi 20:22

Ra i sa watung tari lenri, i wup det nama wuwu na wano, ma i watungi tandet lena, “A Tokodos na Nion ri, mot in utur ukai i una nilaun anumot.

A Wakak na Wasiso un o Iesu Karisito o Jon i tumusi 6:45

A kum poropet det sa tumus tari lena, ‘O God in ususer det rop.’ Ais 54:13 Det rop ra det longoro o Tita ma det ususer tano, det in nan torom iau.

A Wakak na Wasiso un o Iesu Karisito o Jon i tumusi 7:39

Una wasiso ri, o Iesu i wasiso una Tokodos na Nion. Ka di pitari utmakai a Tokodos na Nion, uni o Iesu ke losi utmakai anun a minamar. Numur, det ra det nurnur un o Iesu, din tabor det nami.

Aposel 1:4

Un ara bung tagun a kum bung numur tan anun a katkatutur melet gusun a minat, det kis tomo una inangon, ra i turbat det lena, “Gong mot wan gusun o Jerusalem, mot in kis langlang pas a Tokodos na Nion, ra o Tita i sa uliliman taru uni, ra a sa inanos tar mot nami.

Aposel 1:8

Ikut a Tokodos na Nion in kis un mot, ma mot in utur ukai a dekdek, ma a utna ra mot tama i un iau, mot in wasiso uni sapat o Jerusalem, ma una kum tamon rop tong una ru papor Judia ma o Samaria, ma una rakrakon bual rop.”

Aposel 11:16

Ra a nuk pas a wasiso anun a Labino, ra i watungi lena, ‘O Jon i baptaiso nama danim, ikut numur din baptaiso mot nama Tokodos na Nion.’

Aposel 13:2

Ara bung ra det lotu torom a Labino ma det wewel, a Tokodos na Nion i watungi lena, “Mot in pilok pas o Banabas ma o Sol sur anung, sur a pinapam ra a kabo pas der suri.”

Aposel 13:4

A Tokodos na Nion i tulu ru o Banabas ma o Sol, ra der wan utong o Selusia. Numur der kas una sip ma der wan usa una ailan Saipras.

Aposel 15:28

A Tokodos na Nion i kis tomo nam met, ma i ese met sur gong met pitar tar tu mamaut torom mot. Iri a kum warkurai ra mot in muri:

Aposel 15:8

Ma o God, i ra i tasman a nuknukin a taro rop, i pitar a Tokodos na Nion torom a taro ra awu sur a taro Juda elar nami ra i pitari torom dat. Una nun a pinapam ra, i ese i torom dat lena i mulaot pas det kai ra awu sur a taro Juda.

Aposel 16:6

A Tokodos na Nion i turbat detul sur gong munung detul warawai nama Wakak na Wasiso, tong una papor Asia. Ra detul wan tuptupukus kut tong una ru papor, Pirigia ma o Galesia.

Aposel 2:33

Di ulabo pasi ma di ukis tari una sot na laman o God, ma o God o Tamano i pitar a Tokodos na Nion toromi, elar nami ra i uliliman tari nami. Ra uniri o Iesu i sa pitar pirso a utna ri, ra mot tama i, ma mot longoro i.

Aposel 2:4

Det rop det bukus nama Tokodos na Nion, ma det turpas a wasiso nama kum wur ngas na wasiso ra a Tokodos na Nion i pitar tari torom det.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Aposel 20:35

Una kum dekdek na pinapam rop ra a ser pami, a sa ese tar mot lena mot kai mot in pami lenra, ma mot in warut det ra kalako dekdekin det. Ma mot in nuk pas a wasiso anun a Labino o Iesu ra i sa watung tari lena, ‘Det ra det etabor det dan tandet ra det los a kum utna ra di tabor tar det nami.’”

Aposel 28:25

Det engaras epotor tandet ra det katutur na inawan. Ikut numugu ra ka det wan utmakai, o Pol i watung a ururop na wasiso tandet lena, “A lingmulus ut ra a Tokodos na Nion i wasiso una wan a poropet Aisaia, torom a tumtubu mot tagun numugu lena,

Aposel 5:3

Ra o Pita i watungi tano lena, “Ananias, pepetlai ra u mulaot pas o Satan sur in ruk unin balam ra u toro a Tokodos na Nion? Asau a kibino ra u munu pas ara kukur mani ra di sa kul tar a du piso nami?

Aposel 7:51

Ra o Stiwen i watungi tan a taro na kiwung lena, “Mot a kum tene pitarngat mot, a balamot i bakbak gusun o God ma a talngamot i kutkut. Mot turbat liklik a Tokodos na Nion, elar nama kum tumtubu mot tagun numugu det ser pami.

Aposel 7:55

O Stiwen i bukus nama Tokodos na Nion, ma i tatado usapat una langit, ra i tama a minamar anun o God, ma o Iesu kai, kura i tur taru una papor sot na laman o God.

A Pas anun o Pol torom a taro Rom 14:17

Uni a matanitu anun o God awu sur tagun a utna na inangon ma a ininum. A matanitu anun o God tagun a tokodos na petutna, a malmal ma a gasgas tan a Tokodos na Nion.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Pas anun o Pol torom a taro Rom 15:16

sur an tene pinapam anun o Karisito Iesu torom a taro ra awu sur a taro Juda. A elar nama tene etabor torom o God. A warawai nama Wakak na Wasiso anun o God, sur a taro ra awu sur a taro Juda, det anung a etabor torom o God ra in gas nami. Ma a Tokodos na Nion i sa rus talapor tar det.

A Pas anun o Pol torom a taro Rom 5:5

Ra dat kis langlang nama nurnur, dat tasmani lena a utna ra o God i sa uliliman taru uni in nanpat ut. Uni o God i sa pitar tar a Tokodos na Nion tandat. Ra a Tokodos na Nion i sa lingis tar a marmaris anun o God unin balandat.

1 Korin 12:3

I mo ra an watungi tamot lenri, katutaio ra a Nion o God in mugu i, in watung lar pasi lena, “O Iesu in iru tukum.” Ma katutaio in watung lar pasi lena, “O Iesu a Labino,” ra a Tokodos na Nion ke mugu i.

1 Korin 6:19

Pepetlai, ka mot tasmani lena a pinimot i a rumu anun a Tokodos na Nion? A Tokodos na Nion ra i kis un mot, o God i sa tabor tar mot nami. Mot ut awu sur anumot,

2 Korin 13:14

A marmaris anun a Labino o Iesu Karisito, ma a marmaris anun o God, ma a kinkinis tomo anun a Tokodos na Nion in kis tomo nam mot rop.

2 Korin 6:6

Anumet a petutna katu dur uni, ma met papam nama mananos. A pinimet ke ser ngoro una taro, met pami kut a wakak na petutna torom det. Met papam nama warut anun a Tokodos na Nion, ma a marmaris mulus.

Epeses 1:13

Ma mot kai tagun o Karisito, uni mot longoro a lingmulus na wasiso ri, a Wakak na Wasiso lena o God in ulaun pas mot. Ra mot nurnur un o Karisito, o God i ubek tar anun a ukinalong un mot, a Tokodos na Nion, ra i sa uliliman mugu taru uni.

Epeses 1:17

A ser wararing lena a God anun anundat a Labino o Iesu Karisito, a Tamandat ra i bukus nama minamar, in tabor mot nama mananos tan a Tokodos na Nion, ma in papos a nuknuki mot, sur mot in tasman wakak o God.

Epeses 4:30

Ma gong mot utupunuk a Tokodos na Nion o God, ra o God i sa ukinalong tar mot nami lena mot anunu. Ma a ukinalong ra, i ese i lena a bung in nanpat ra o God in ulangolango mot.

1 Tesalonaika 4:8

I mo ra osi ra i rosumur gusun a etowo ri, awu sur i rosumur gusun a taro, awu. I rosumur ut gusun o God, i ra i tabor dat nama Niono, a Tokodos na Nion.

2 Timoti 1:14

Una dekdekin a Tokodos na Nion ra i kis un dat, un tamtamabat wakak a Wakak na Wasiso ra o God i sa pitar tari tam.

Taitus 3:5

i ulaun dat. Awu sur un lako kum tokodos na pinapam ra dat sa pam tari, awu. I ulaun dat uni i maris dat. I ulaun dat ma i rus talapor dat. A utalapor ra, a Tokodos na Nion i pami una nundat a nilaun, ra i usus matok dat, ma anundat a nilaun i wanpat matok uni.

Ibru 10:15

Ma a Tokodos na Nion kai i wasiso talapor taru uni torom dat. Anun a mugano wasiso i lena,

Ibru 2:4

O God i pam a kum ukinalong ma a kum utna na ukisin, ma a kum dekdek na pinapam, ma i tibo susuaro a kum etabor anun a Tokodos na Nion elar ut nam anun a nemnem. Una nun a kum pinapam ra, i ese i lena anun a pinapam na ulaun a taro i lingmulus.

Ibru 3:7

I mo ra dat a taro anun o God, dat in mur a wasiso anun a Tokodos na Nion ra i watungi lena, “Uniri, ra mot longoro in nalngano,

Ibru 9:8

Una kum utna ri a Tokodos na Nion i upuaso i lena, ra a mugano rumu na sel i tur utmakai, a kisapi na rukruk una nubual ra i Tabu Sakit ke papos utmakai.

1 Pita 1:12

O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.

2 Pita 1:21

Uni katu wasiso na poropet i wanpat kut tagun a nuknukin tu musano, awu. A Tokodos na Nion ut, i mugu a taro ra det wasiso nama wasiso tan o God.

1 Jon 2:20

Ikut mot, o Karisito i pitar tar a Tokodos na Nion torom mot. Ma mot rop, mot sa tasman a lingmulusino, uni a Tokodos na Nion i sa towo tar mot nami.

1 Jon 2:27

A Tokodos na Nion, ra o Karisito i pitar tari torom mot, kura ut un mot, ra ka mot sibo sur taio in ususer mot. Uni a Tokodos na Nion i ususer mot una kum utna rop. Ma a utna ra i ususer mot uni i lingmulus, ma awu sur a torotoro. Mot in nuk ukai a etowo ri, sur mot in kis tukum un o Karisito.

1 Jon 5:7

Detul ri, detul wasiso talapor uni:

A Pas anun o Jud 1:20

Ikut mot, a kum wakak na paspasang, in wakak ra mot in udekdek mot una numot a tokodos na nurnur sur in lubung, ma mot in wararing nama dekdekin a Tokodos na Nion.

Tamtama 2:11

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, a manru na minat ken ban laulau i.